<p><span style="color: #000000;"><strong>(ហុងគ្រី)៖</strong> អ្នកជីកផ្នូរជាច្រើននាក់ បានប្រមូលផ្តុំគ្នានៅទីក្រុង Debrecen ប្រទេស ហុងគ្រី ដើម្បីប្រកួតប្រជែងជីកផ្នូរ ថ្នាក់ជាតិជាលើកដំបូង ដែលនេះជាកម្មវិធីមួយ គាំទ្រមនុស្សឲ្យមានការងារធ្វើ។</span></p>
<p><span style="color: #000000;">អ្នកចូលរួមប្រកួត មាន១៨ក្រុម ក្នុងមួយក្រុមមានគ្នាពីរនាក់ គឺពួកគេត្រូវជីកផ្នូរមួយទំហំ០.៨ម៉ែត្រ បណ្តោយ ២ម៉ែត្រ និងជម្រៅ ១.៦ ម៉ែត្រ ដោយប្រើឧបករណ៍ដូចជា ប៉ែល ចប រនាស់ និងពូថៅជាដើម។</span></p>
<p><span style="color: #000000;">អ្នកប្រកួតម្នាក់ៗ អាចមានវិធីជីកផ្នូរយ៉ាងណា តាមរបៀបរបស់ខ្លួន និងត្រូវឲ្យលឿនផងដែរ ហើយលក្ខខណ្ឌ គឺអនុញ្ញាតឲ្យតែសមាជិកមួយក្រុមទេ ដែលអាចធ្វើការនៅកន្លែងផ្នូរសព។ អ្នករៀបចំកម្មវិធីប្រកួតនេះ គឺលោក Iren Kari បានលើកឡើងថា កម្មវិធីនេះបង្កើនការគោរព និងទទួលស្គាល់ការងាររបស់ អ្នកជីកផ្នូរថា ជាការងារសុចរិតល្អ ហើយក្នុងកម្មវិធីនេះដែរ ក្រុមដែលជីកផ្នូរបានលឿនជាងគេ គឺពួកគេចំណាយពេលត្រឹមតែ ជាងកន្លះម៉ោងប៉ុណ្ណោះ ហើយក្រុមដែលឈ្នះមានឱកាសចូលរួម ប្រកួតក្នុងតំបន់នៅ Slovakia ក្នុងខែវិច្ឆិកា ខាងមុខនេះ។</span></p>
<p><span style="color: #000000;">Laszlo Toth ជាអ្នកជីកផ្នូរម្នាក់និយាយថា គាត់រីករាយនឹងការងារបែបនេះ ទោះបីជាមនុស្សខ្លះគិតថា វាអាចធ្វើឲ្យ ប៉ះពាល់សតិអារម្មណ៍ក្តី តែវាជាការងារល្អ ជាមួយនឹងដៃគូធ្វើការល្អ ព្រមទាំងបរិស្ថានល្អផងដែរ៕</span></p>
<p><span style="color: #000000;"><img src="http://cdnph.upi.com/sv/b/i/UPI-4051465066852/2016/1/14650693345291/Gravediggers-in-Hungary-compete-in-first-national-grave-digging-contest.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/v/t1.0-9/13322083_1453475758012063_6751816747295361312_n.jpg?oh=e0b77b90d76d2afc6126c9bcefab699a&oe=57D3BAAD&__gda__=1472932378_37308c3668975cc122e025060c0fc708" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13407177_1453475864678719_651367503904760568_n.jpg?oh=bf5d95c3954135b08e16de9b2891059d&oe=57C9CA8E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13393952_1453475988012040_1400713823516033905_n.jpg?oh=120fc18960c81858d3d04d9b63bd5804&oe=57C7E9F9" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>