<p><strong>ភ្នំពេញៈ </strong>សាលាឧទ្ធរណ៍ នៃប្រទេសកម្ពុជា នៅព្រឹកថ្ងៃសុក្រ ទី១៤ ខែធ្នូ ឆ្នាំ២០១២នេះ បាន<br />បើក សវនាការ លើសំណុំរឿង លោក ម៉ម សូណង់ដូ នាយកវិទ្យុ សំបុកឃ្មុំ បន្ទាប់ពីសាលា <br />ដំបូងរាជធានីភ្នំពេញ បានផ្តន្ទាទោស រូបលោក ឲ្យជាប់ពន្ធនាគារ រយៈពេល២០ឆ្នាំ និងបង់<br />ប្រាក់ពិន័យ រាប់លានរៀល ជាប់ពាក់ព័ន្ធ នឹងរឿងដីធ្លី នៅខេត្តក្រចេះ ។</p>
<p>លោក ម៉ម សូណង់ដូ ត្រូវបានមន្ត្រី ពន្ធនាគារ នាំខ្លួនមកដល់ សាលាឧទ្ធរណ៍ នាវេលាម៉ោង៨<br />ព្រឹក ។ ដោយឡែក នៅពេលថ្ងៃបើក សវនាការនេះ ក៏មានអ្នកគាំទ្រ លោក ម៉ម សូណង់ដូ ជា<br />ច្រើននាក់ មកប្រមូលផ្តុំគ្នា ដើម្បីរង់ចាំមើលលទ្ធផល នៃសវនាការ ខណៈដែលកម្លាំង សមត្ថកិច្ច<br />ចម្រុះ របស់រាជធានី ភ្នំពេញ ត្រូវបានដាក់ ពង្រាយការពារ សន្តិសុខនៅទីនោះ ។</p>
<p>លពីថ្ងៃទី១ ខែតុលា សាលាដំបូងរាជធានីភ្នំពេញ បានសម្រេច ផ្តន្ទាទោសលោក ម៉ម សូណង់ដូ<br /> ដាក់ពន្ធនាគារ២០ឆ្នាំ និងពិន័យជាប្រាក់ ១០លានរៀល ពីបទផ្តើម គំនិតញុះញង់ប្រជាពលរដ្ឋ<br />ប្រឆាំងអាជ្ញាធរសាធារណៈ និងផ្តើមគំនិតឲ្យប្រជាពលរដ្ឋ ធ្វើកុបកម្មប្រឆាំងអ្នករាជការសាធារណៈ<br /> ស្ថិតនៅភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ។</p>
<p>លោក ម៉ម សូណង់ដូ ត្រូវបានចាប់ខ្លួននៅពេល៣ថ្ងៃ ក្រោយពីរូបលោកត្រឡប់ ពីក្រៅប្រទេស<br />មកកម្ពុជាវិញ ដែលការចាប់ខ្លួននេះ ត្រូវបានសាលាដំបូងខេត្តក្រចេះ ចោទប្រកាន់ក្នុងបទល្មើស<br />ធំៗ ចំនួន ៤ រួមមាន ទី១- ជាអ្នកផ្តួចផ្តើមគំនិតប្រឆាំងអ្នករាជការសាធារណៈ។ ទី២-ធ្វើកុបកម្មជ្រៀត<br />ជ្រែកខុសច្បាប់ ក្នុងការបំពេញ មុខងារ សាធារ ណៈរបស់អាជ្ញាធរ។ ទី៣- ញុះញង់ឲ្យប្រជាពលរដ្ឋ<br />កាន់អាវុធខុសច្បាប់ និងទី៤- ប្រឆាំងនឹងអាជ្ញាធរស្របច្បាប់ តាមមាត្រាមួយចំនួន នៃក្រមព្រហ្មទណ្ឌ<br /> ដែលជាប់ពាក់ព័ន្ធ នឹងការបង្កើតតំបន់អប្បគមន៍ ស្ថិតនៅភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ<br /> បន្ទាប់មកសាលាដំបូងខេត្តក្រចេះ ក៏បាន សុំផ្ទេរសំណុំរឿងនេះមក សាលាដំបូងរាជធានីភ្នំពេញដើម្បី<br />ធ្វើការជំនុំជម្រះ៕</p>
<p><a class="thickbox" title="" href="/FileManager/Commons/2012/12/14/nak-251-14-12-2012--09-33-02.jpg"><img src="/FileManager/Articles/mce/2012/12/14/nak-251-14-12-2012--09-33-02.jpg" alt="" /></a></p>
<p><a class="thickbox" title="" href="/FileManager/Commons/2012/12/14/nak-252-14-12-2012--09-33-19.jpg"><img src="/FileManager/Articles/mce/2012/12/14/nak-252-14-12-2012--09-33-19.jpg" alt="" /></a></p>
<p><a class="thickbox" title="" href="/FileManager/Commons/2012/12/14/nak-253-14-12-2012--09-33-33.jpg"><img src="/FileManager/Articles/mce/2012/12/14/nak-253-14-12-2012--09-33-33.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54277-2012-12-14-02-24-48.html"><span style="color: #0000ff;">ដើមអំពិល</span></a></p>