<p class="Normal">Galaxy Note 4 ត្រូវបាន Samsung ធ្វើការបង្ហាញណែនាំនៅ IFA 2014 ជាមួយនឹងលក្ខណៈសម្បត្តិដ៏ អស្ចារ្យ។ ក្រុមហ៊ុនផលិតមកពីកូរ៉េខាងត្បូងបានឲ្យដឹងថា Phablet ថ្មីរបស់ខ្លួន បានបំពាក់នូវកាមេរ៉ា ទំហំ 16 megapixel រួមជាមួយនឹងប្រព័ន្ធការពាររំញ័រ ប៉ុន្តែមិនបាននិយាយបញ្ជាក់ឲ្យដឹងច្បាស់ថា ឧបករណ៍គ្រឿងផ្សំនេះ តើក្រុមហ៊ុនណាជាអ្នកផលិតនោះទេ។ ក្នុងពេលអនុវត្តនូវការគាស់បើក Galaxy Note 4 អ្នកជំនាញបច្ចេកវិទ្យារបស់គេហទំព័រ IT168 បានបញ្ជាក់ឲ្យដឹងថា Sensor កាមេរ៉ានៅលើ ផលិតផល ត្រូវបាន Samsung កម្មង់ពីក្រុមហ៊ុន Sony។</p>
<p class="Normal" style="text-align: center;"><a class="thickbox" title="" href="/FileManager/Commons/2014/10/22/samsung-galaxy-note-4-teardown-8780-1413948846-22-10-2014--22-47-14.jpg"><img src="/FileManager/Articles/mce/2014/10/22/samsung-galaxy-note-4-teardown-8780-1413948846-22-10-2014--22-47-14.jpg" alt="" /></a></p>
<p class="Normal" style="text-align: center;"><em><span style="color: #808080;">បើកមើលផ្នែកខាងក្នុង បានបង្ហាញឲ្យឃើញថា Galaxy Note 4 ប្រើប្រាស់ Sensor Sony IMX240 (រូបភាព៖ IT168)</span></em></p>
<p class="Normal">Samsung បានបំពាក់នៅលើ Phablet ថ្មីរបស់ខ្លួននូវ Sensor IMX240 16 megapixel។ មុននេះស្មាត ហ្វូនស៊េរីខ្ពស់បំផុតរបស់ពួកគេគឺ Galaxy S5 បានបំពាក់នូវ Sensor ISOCELL មានទំហំ 16 megapixel ដូចគ្នា ប៉ុន្តែ Samsung គឺជាអ្នកអភិវឌ្ឃន៍ផលិតដោយផ្ទាល់។ កាមេរ៉ានៅលើ Galaxy Note 4 នៅថែម ទាំងភ្ជាប់ជាមួយនឹង Sensor ពន្លឺ និង Sensor វាស់រយះចម្ងាយ ទៀតផង។</p>
<p class="Normal">នៅមិនទាន់ដឹងពីមូលហេតុច្បាស់លាស់ទេ ការដែល Samsung ឈប់ប្រើប្រាស់ Sensor ដែលផលិត ដោយខ្លួនឯងទៅលើ Galaxy Note 4។ ជាក់ស្តែង IMX240 ត្រូវបានគេវាយតំលៃថាជា ឧបករណ៍គ្រឿង ផ្សំល្អបំផុត មានទំហំ 1/2,6 inch ធំជាង ១៥% បើប្រៀបជាមួយ 1/3 inch នៅលើបណ្តាស្មាតហ្វូនស្ទើរ តែទាំងអស់ ផ្សេងទៀតនោះ។</p>
<p class="Normal">គួរបញ្ជាក់ផងដែរថា Galaxy Note 4 ទទួលបានការវាយតំលៃជាវិជ្ជមានជាច្រើន ស្តីពីគុណភាពកាមេរ៉ា ពីបណ្តាគេហទំព័របច្ចេកវិទ្យាល្បីៗ ដូចជា PhoneArena, Cnet និង Engadget ជាដើម៕</p>
<p class="Normal"> </p>
<p class="Normal" style="text-align: right;">ប្រែសម្រួល៖ សិលា<br />ប្រភព៖ IT168, vexpress</p>