<p>ពណ៌របស់បឹងអំបិលបុរាណមួយនៅ Yuncheng ខែត្រ Shanxi ប្រទេសចិន បានប្ដូរទៅជាពណ៌<br />ក្រហមក្នុងរយៈពេលចុងក្រោយនេះ។</p>
<p><a class="thickbox" title="" href="/FileManager/Commons/2016/9/28/red1-28-09-2016--10-05-25.jpg"><img src="/FileManager/Articles/mce/2016/9/28/red1-28-09-2016--10-05-25.jpg" alt="" /></a></p>
<p>បឹងអំបិលត្រូវបានបែងចែកដោយដងផ្លូវ។ ការប្ដូរពណ៌ដ៏ចម្លែកនេះ បានទាក់ទាញមនុស្សមក<br />ទស្សនាយ៉ាងច្រើន ចាប់តាំងពីថ្ងៃទី ២៥កញ្ញារហូតមកដល់ពេលនេះ។</p>
<p><a class="thickbox" title="" href="/FileManager/Commons/2016/9/28/red2-28-09-2016--10-05-43.jpg"><img src="/FileManager/Articles/mce/2016/9/28/red2-28-09-2016--10-05-43.jpg" alt="" /></a></p>
<p>ប្រភពព័ត៌មានបានឱ្យដឹងថា ប្រជាជនក្នុងតំបន់ បានប្រមូលអំបិលពីបឹងនេះ ក្នុងរយៈពេល ៤.០០០<br />ឆ្នាំមកហើយ។</p>
<p>មនុស្សអាចដេកបណ្ដែតខ្លួននៅលើបឹងនេះ ព្រោះតែកម្រិតនៃជាតិប្រៃរបស់វាខ្ពស់ហួស។ មូល<br />ហេតុនេះហើយបានធ្វើឱ្យប្រជាជននៅក្នុងតំបន់នេះដាក់ឈ្មោះបឹងនេះថា “សមុទ្រងាប់របស់ចិន”។ <br />(សមុទ្រងាប់ស្ថិតនៅកណ្ដាលនៃប្រទេស Jordan, Palestine និង Israel គឺជាបឹងយក្សមួយដែល<br />មានជាតិប្រៃខ្ពស់ជាងគេក្នុងពិភពលោក)។</p>
<p><a class="thickbox" title="" href="/FileManager/Commons/2016/9/28/red3-28-09-2016--10-06-04.jpg"><img src="/FileManager/Articles/mce/2016/9/28/red3-28-09-2016--10-06-04.jpg" alt="" /></a></p>
<p>ក្នុងរយៈពេលចុងក្រោយនេះ ទឹកក្នុងបឹងបានប្រែទៅជាពណ៌ក្រហម ដោយសារតែសារាយក្រហម<br />មួយប្រភេទដែលមានឈ្មោះថា salinas dunaliella បានរីកលួតលាស់នៅក្នុងបឹងនេះ។</p>
<p>មុននេះ ប្រជាជន Siberia ប្រទេសរុស្ស៊ីក៏បានប្រទះឃើញបឹងអំបិលពណ៌ក្រហមមួយដ៏ចម្លែក។<br /> ប្រការដែលចម្លែកបំផុតគឺការប្ដូរពណ៌នេះ តែងតែកើតឡើង នៅក្នុងខែសីហារៀងរាល់ឆ្នាំ។ បឹង<br /> Burlinskoye នៅក្នុងតំបន់ភ្នំ Altai, Siberia ជាធម្មតាមានពណ៌ខៀវក្នុងរដូវក្ដៅ និងពណ៌ប្រផេះពេល<br />មានអាកាសធាតុមិនល្អ។</p>
<p><a class="thickbox" title="" href="/FileManager/Commons/2016/9/28/red4-28-09-2016--10-06-15.jpg"><img src="/FileManager/Articles/mce/2016/9/28/red4-28-09-2016--10-06-15.jpg" alt="" /></a></p>
<p>ក្រុមអ្នកវិទ្យាសាស្ដ្រយល់ថា ពណ៌របស់ទឹកក្នុងបឹង Burlinskoye ត្រូវបានបង្កើតឡើងដោយពពួក<br />បាក់តេរីពណ៌ក្រហមដែលមានឈ្មោះថា Artemia salina ដែលតែងតែរស់នៅក្រោមផ្ទៃទឹក។</p>
<p style="text-align: right;">ប្រែសម្រួល ៖ តារា<br />ប្រភព ៖ chinadaily</p>