<p><span style="color: #000000;"><strong>ភ្នំពេញ៖</strong> បទ«ពុកខ្ញុំជាប៉ូលិសចរាចរណ៍» ដែលជាសំនៀងដ៏គ្រលួច លន្លង់លន្លោច របស់អ្នកចម្រៀងខ្មែរសុរិន្ទ អ្នកនាង ចេន សាយចៃ ក្នុងផលិតកម្ម ថោន បានច្រៀងរៀបរាប់ ពីការតស៊ូក្រោមកំដៅថ្ងៃ ក្រោមភ្លៀវរលឹម ខ្យល់ របស់ប៉ូលិសចរាចរណ៍ម្នាក់ ដែលបានប្រណិបត្តិច្បាប់ចរាចរណ៍ សម្រួលចរាចរណ៍ មិនឲ្យកកស្ទះ តាមដងផ្លូវ មិនគិតពីការនឿយហត់ ប៉ុន្តែលទ្ធផលដែលទទួលបាន គឺត្រឹមតែការតិះដៀល ពីសំណាក់មហាជន និងអ្នកដំណើរទៅវិញ ។</span></p>
<p><span style="color: #000000;">បទ«ពុកខ្ញុំជាប៉ូលិសចរាចរណ៍» បើស្ដាប់មួយភ្លេតទៅ គឺត្រឹមតែដឹងថា បទនេះកម្សត់ តម្អូញតម្អែ របស់តារាចម្រៀង ដែលច្រៀងឡើង ឲ្យពីរោះស្ដាប់ប៉ុណ្ណោះ ប៉ុន្តែបើអ្នកស្ដាប់គិតឲ្យបានល្អិតល្អន់ ទៅលើអត្ថន័យនៃបទចម្រៀងវិញ ប្រិយមិត្ត ពិតជាយល់ច្បាស់ ពីក្ដីកង្វល់ របស់កូនស្រី ដែលមានឪពុកជាមន្រ្តីប៉ូលិសចរាចរណ៍ ហើយបានប្រឹងប្រែងខំធ្វើការទាំងថ្ងៃទាំងយប់ បែកញើសប៉ុនៗគ្រាប់ពោត ដើម្បីតែប្រយោជន៍ របស់ប្រជាពលរដ្ឋ ប្រយោជន៍ក្នុងសង្គម ប៉ុន្តែឪពុកនាង បែរជាទទួលបានមកវិញ ត្រឹមពាក្យស្អប់។</span></p>
<p><span style="color: #000000;">ជាក់ស្ដែងតំណាងរាស្រ្តវ័យក្មេង ក្នុងមណ្ឌលព្រៃវែង លោក ស សុខា នៅពេលលោកបានស្ដាប់បទនេះហើយ បែរជាលោកស្រក់ទឹកភ្នែក ទាំងមិនដឹងខ្លួន ព្រោះលោកបានស្លុងអារម្មណ៍ ទៅនឹងអត្ថន័យក្នុងបទចម្រៀង ដូចទៅនឹងជីវិតពិត របស់មន្រ្តីប៉ូលិសចរាចរណ៍ សព្វថ្ងៃ។</span></p>
<p><span style="color: #000000;">តើបទ«ពុកខ្ញុំជាប៉ូលិសចរាចរណ៍» របស់តារាចម្រៀងខ្មែរ សុរិន្ទ ចេន សាយចៃ ក្នុងវ៉ុលទី៧៨ មានខ្លឹមសារ និងអត្ថន័យជ្រាលជ្រៅយ៉ាងណា ហូតធ្វើឲ្យលោក ស សុខា ស្រក់ទឹកភ្នែកទាំងមិនដឹងខ្លួននោះ សូមស្ដាប់ទាំងអស់គ្នា៖</span></p>
<p><a class="thickbox" title="" href="/FileManager/Commons/2015/8/21/45-21-08-2015--14-47-49.jpg"><img src="/FileManager/Articles/mce/2015/8/21/45-21-08-2015--14-47-49.jpg" alt="" /></a></p>
<p><span style="color: #000000;"><object width="463" height="397" data="http://www.youtube.com/v/1BOO4JZx_00&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/1BOO4JZx_00&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>