<p>“អ្នកមិនចាំបាច់រង់ចាំរហូតដល់ពេលពេញវ័យ ប្រសិនអ្នកពិតជាចូលចិត្ត ចូរធ្វើឱ្យវាក្លាយជាការពិត” នេះគឺជាការចែករំលែករបស់ម្ដាយកុមារា Moziah Bridges ដែលជាអ្នកជំនួញ វ័យ ១១ឆ្នាំ ក្លាយជាអ្នកមានដោយសារបូ។<br /> <br />Moziah Bridges និយាយថា ភាពប៉ិនប្រសប់ មិនរង់ចាំពេលវេលានោះទេ នៅពេលក្មេងៗអាចច្នៃជារបស់អ្វីមួយ ហើយរកប្រាក់បានពីរបស់នោះ។</p>
<p style="text-align: center;"><a class="thickbox" title="" href="/FileManager/Commons/2013/11/3/mo3-03-11-2013--10-43-52.jpg"><img src="/FileManager/Articles/mce/2013/11/3/mo3-03-11-2013--10-43-52.jpg" alt="" /></a></p>
<p>អាចរកកន្លែងឈរជើងបាននៅក្នុងវិស័យម៉ូដែល ដោយការផលិតបូ កុមារាអាយុ ១១ឆ្នាំ Moziah Bridges បានធ្វើឱ្យមនុស្សជាច្រើនកោតសរសើរ ពេលដែលកុមារនេះបានធ្វើឱ្យគំនិតជំនួញនេះរបស់ខ្លួនក្លាយជាការពិត។<br /><br />ខណៈដែលមិត្តទាំងឡាយ ចូលចិត្តផលិតផលបច្ចេកវិទ្យា Moziah Bridges កើត និងរស់នៅក្នុងក្រុង Memphis ភាគនិរតីអាមេរិក បានក្លាយជាម្ចាស់ក្រុមហ៊ុនតូចមួយ មានឈ្មោះថា Mo's Bows ជាក្រុមហ៊ុនផលិតបូ ដ៏ស្រស់ស្អាត។<br /><br />គំនិតជំនួញនេះ បានចាប់ផ្ដើមនៅពេលលោយយាយ បានណែនាំវិធីធ្វើបូមេអំបៅ ដល់ Moziah ដោយប្រើក្រណាត់ចាស់ៗ យកមកដេរ។ ដំបូង Moziah Bridges គ្រាន់តែចាត់ទុកថា វាជារបស់លេងធម្មតា ប៉ុន្ដែបន្ទាប់ពីទទួលបានការសរសើរយ៉ាងច្រើន Moziah Bridges ក៏នឹកឃើញដល់ការធ្វើជំនួញ។<br /><br />នៅពេលមានអាយុ ៩ឆ្នាំ Moziah Bridges ចាប់ផ្ដើមបើកក្រុមហ៊ុនផលិតបូ ក្រោយពីបានឃើញ “ចន្លោះប្រហោង” មួយរបស់ទីផ្សារម៉ូដែល។ Moziah Bridges បានថ្លែងនៅលើទំព័រ Daily Mail ថា ៖ “ពេលខ្លះ ក្មួយមិនអាចរកបានបូដែលក្មួយពេញចិត្តសម្រាប់ឈុតខោអាវ ហើយអ្នកដទៃក៏ដូច្នេះដែរ។ ហើយតាំងពីនោះមក ក្មួយបានសួរខ្លួនឯង ៖ ហេតុអ្វីយើងមិនបង្កើតក្រុមហ៊ុនផលិតបូ ដើម្បីបំពេញចន្លោះប្រហោងនេះ?។<br /><br />Moziah Bridges បានធ្វើបូតូចៗ ហើយលក់វានៅលើទំព័រលក់ទំនិញ Etsy ។ គិតមកដល់ខែសីហា ឆ្នាំ ២០១៣ នេះ Moziah Bridges រកបានប្រាក់ជាង ៣០,០០០ដុល្លារ នេះបើតាមតួលេខរបស់ Forbes ។<br /><br />Moziah Bridges មានការប្រុងប្រយ័ត្នខ្ពស់ នៅពេលជ្រើសរើសក្រណាត់ដើម្បីយកមកធ្វើបូ។ ជាងនេះ Moziah Bridges ក៏តែងស្វែងយល់ និងបង្កើតបូដែលមានម៉ូដែលថ្មីៗ ស្រស់ស្អាត ទាំងពណ៌ ទាំងរូបភាព។ បូរបស់ Moziah Bridges លក់ក្នុងតម្លៃចាប់ពី ២៥ ដល់ ៥០ដុល្លារ ក្នុងមួយឈុត។</p>
<p style="text-align: center;"><a class="thickbox" title="" href="/FileManager/Commons/2013/11/3/mo4-03-11-2013--10-52-45.jpg"><img src="/FileManager/Articles/mce/2013/11/3/mo4-03-11-2013--10-52-45.jpg" alt="" /></a></p>
<p>ក្រៅពីដាក់លក់នៅលើអ៊ីនធើរណិត បូរបស់ Moziah Bridges ក៏មានវត្តមាននៅក្នុងបណ្ដារដ្ឋមួយចំនួន ដូចជា Tennessee, Alabama, Texas, Louisiana, South Carolina និង Arkansas ហើយថ្មីៗនេះ មហាសេដ្ឋីទូរគមនាគមន៍ Oprah Winfrey បានវាយតម្លៃខ្ពស់ទៅលើគំនិតនេះ។ គេប្រាកដថា នៅថ្ងៃអនាគត កុមារា Moziah នឹងបោះជំហានទៅមុខបានឆ្ងាយជាងនេះ។<br /><br />ក្នុងកិច្ចសម្ភាសមួយនៅលើទស្សនាវដ្ដី Forbes កុមារា Moziah ថ្លែងថា ៖ “ក្មួយនឹងប្រើប្រាស់ប្រាក់មួយចំនួន ចូលរួមសកម្មភាពមនុស្សធម៌ ដើម្បីជួយដល់ក្មេងៗ ឱ្យមានឱកាសទៅបោះជុំរុំកម្សាន្ដនៅរដូវក្ដៅ។ ទន្ទឹមនឹងនេះ ក្មួយក៏ចង់រកប្រាក់ឱ្យបានច្រើនបន្ថែមទៀត ដើម្បីបង្កើតក្រុមហ៊ុនផលិតរបស់សម្រាប់ក្មេងៗ ដ៏គួរឱ្យស្រឡាញ់ ដូចជា blazer ឬខោសម្រាប់ក្មេង។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/75843/world-at-work-under-the-volcano"><span style="color: #3366ff;">យកជីវិតទៅប្ដូរនឹងប្រាក់ជាង ៥ដុល្លារ ក្នុងមួយថ្ងៃ នៅមាត់ភ្នំភ្លើង</span></a></span></p>
<p><span style="color: #3366ff;"><a href="/News/Detail/61285/6-youngest-billionaires-in-the-united-states"><span style="color: #3366ff;">កំពូលមហាសេដ្ឋី វ័យក្មេងបំផុត របស់អាមេរិក</span></a></span></p>
<p><span style="color: #3366ff;"><a href="/News/Detail/41890/frog-fallopian-tubesbusiness-booming-at-singapores-only-frog-farm"><span style="color: #3366ff;">ស្រីស្អាត បោះបង់មហាវិទ្យាល័យ បែរមកចិញ្ចឹមកង្កែប</span></a></span><strong><br /></strong></p>
<p> </p>
<p> </p>
<p style="text-align: right;"><br /><br /> <br /><br />ប្រែសម្រួលដោយ ៖ តារា<br />ប្រភព ៖ Dailymail/Forbes<br /><br /></p>