<p><strong>ភ្នំពេញ៖</strong> បុរសម្នាក់ជិះកង់តាំងពី ជិតកៀនស្វាយ មកឈប់លើស្ពានមុនីវង្ស ហើយឡើងលើបង្កាន់<br />ដៃស្ពាន បម្រុងលោតចុះទៅក្នុងទឹក ប៉ុន្តែត្រូវអ្នកដំណើរ និងនគរបាល នាំគ្នាជួយឃាត់ទាន់។ ហេតុ<br />ការណ៍ភ្ញាក់ផ្អើលអ្នកដំណើរ និងសមត្ថកិច្ចនាំគ្នា ចាប់ឃាត់យុវជនប្រុងលោតទឹកនេះ កើតឡើង <br />នៅស្ពាន ព្រះមុនីវង្សថ្មី កាលពីវេលាម៉ោង ៨និង៣០នាទីយប់ ថ្ងៃទី១៤ ខែកញ្ញា ឆ្នាំ២០១៣ សង្កាត់<br />ច្បារអំពៅទី១ ខណ្ឌមានជ័យ។ </p>
<p>អ្នកដំណើរដែលបានឃើញ ទិដ្ឋភាព ជនប្រព្រឹត្តអំពើ ដែលព្រះប្រោសមិនរួចនោះ បាននិយាយថា <br />មុនដំបូងគេ បានឃើញជនម្នាក់ ជិះកង់មួយគ្រឿង ក្នុងទិសដៅពី លិចទៅកើត ឡើងមកដល់ពាក់<br />កណ្តាលស្ពាន ក៏ឈប់កង់ ហើយដើរឡើងលើបង្កាន់ដៃស្ពាន បម្រុងលោតចុះទឹក ប៉ុន្តែត្រូវបានបង<br />ប្អូនប្រជាពលរដ្ឋ អ្នកដំណើរស្រែកឃាត់ និងចាប់អូសដៃទម្លាក់ពីលើ បង្កាន់ដៃស្ពាន យកទៅកាន់<br />ស្នាក់ការប៉ុស្តិ៍នគរបាលរដ្ឋបាល ច្បារអំពៅ១ និងបានសួរនាំ ទំនាក់ទំនងទៅ ក្រុមគ្រួសារឲ្យមក<br />ទទួលយកទៅអប់រំឯផ្ទះវិញ។</p>
<p>បុរសចង់បញ្ចប់វាសនា អាក្រក់ក្នុងជាតិនេះ បាននិយាយរៀបរាប់ប្រាប់ សមត្ថកិច្ចថា ខ្លួនធ្វើដំណើរ<br /> ដោយជិះកង់ ចេញពីផ្ទះ នៅឯសង្កាត់ក្បាលកោះ តាមផ្លូវជាតិលេខ ១ ឡើងស្ពានព្រះមុនីវង្សចាស់<br /> ហើយត្រឡប់មកដល់គល់ ស្ពានព្រះមុនីវង្សថ្មីពីខាងកើត ក៏សម្រេចឡើងលើ បង្កាន់ដៃស្ពានបម្រុង<br />លោតទឹក សម្លាប់ខ្លួន តែត្រូវអ្នកដំណើរ ដែលកំពុងជិះម៉ូតូឆ្លងកាត់ បាននាំគ្នាចុះឈប់ឃាត់ និង<br />ហៅ សមត្ថកិច្ចឲ្យជួយអន្តរាគមន៍ភ្លាមៗ ទើបអាចសង្គ្រោះ បុរសខាងលើនេះ នឹងពន្យល់រូបគេកុំឲ្យ<br />គិតខ្លីបែបនេះ។</p>
<p>លោក ពៅ ហួត ចៅសង្កាត់ ច្បារអំពៅ១ បានឲ្យដឹងថា ជនដែលគិតខ្លីបែបនេះមានឈ្មោះ ស៊ុំ សា<br />មឿន អាយុ ២៦ ឆ្នាំ ស្នាក់នៅសង្កាត់ក្បាលកោះ ខណ្ឌមានជ័យ ។ បុរសឈ្មោះ ស៊ុំ សាមឿន បាន<br />និយាយរៀបរាប់ប្រាប់ សមត្ថកិច្ចថា មូលហេតុដែលខ្លួន ជិះកង់មកលោត ទឹកធ្វើអត្តឃាតខ្លួនឯង<br /> គឺដោយសាររូបគេតូចចិត្តនឹងវាសនាខ្លួន មានជីវភាព ក្រីក្រពេក ហើយជីវភាពនេះ មិនអាចធ្វើឲ្យ<br />រូបគេរកប្រាក់ចំណូល ដើម្បីដណ្តឹងប្រពន្ធបានក៏សម្រេចមកលោតទឹក ដើម្បីបញ្ចប់វាសនាបែបនេះ<br /> តែត្រូវបានសមត្ថកិច្ចជួយទាន់ពេលវេលា ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Senghou-0109.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>