<p><strong>ភ្នំពេញ៖</strong> ពិធីការិនីការិនីរូបស្រស់សោភា កញ្ញា ជីជី កាលពីពេលមុន ធ្លាប់មានការលេចឮនូវ <br />ពាក្យចចាមអារ៉ាម អំពីរឿងមានទំនាក់ទំនងស្នេហាជាមួយប្តីគេ (ស្នេហាត្រីកោណ) តាមរយៈ<br />ការនិយាយតៗគ្នា ក៏ដូចជាបណ្តាញសារព័ត៌មាន មួយចំនួនដែលបានចុះផ្សាយ។ រឿងទាំងនោះ មិនទាន់នឹងមានភាពស្ងប់ស្ងាត់ប៉ុន្មានផង ស្រាប់តែពេលនេះ ជីជី ជួបនូវបញ្ហាដោយគេដាក់ការ<br />សង្ស័យថា កំពុងលួចមានទំនាក់ទំនងស្នេហា ជាមួយនឹងបុរសវ័យក្មេងម្នាក់ មានវ័យប្រហាក់<br />ប្រហែលគ្នា។</p>
<p>បើទោះបីជា ជីជី កំពុងតែមានភាពល្បីល្បាញ និងទទួលបានការគាំទ្រ ពីទស្សនិកជនជាច្រើន <br />យ៉ាងណាក៏ដោយ ក៏ពិធីការិនីមានប្រជាប្រិយភាពរូបនេះ នៅតែជៀសមិនផុត ពីបញ្ហារឿងអា-<br />ស្រូវ ដែលតែងតែលេចឮជារឿយៗ ម្តងថាអញ្ចេះម្តងថាអញ្ចុះមិនចប់ ទាល់តែសោះ។</p>
<p>បើតាមប្រភពព័ត៌មាន ពីអ្នកនៅជិតដិតជាមួយតារារូបនេះ បានឱ្យដឹង ថាពិធីការិនីគ្រងតំណែង<br /> កម្មវិធី “រាត្រីកំសាន្ត” ក្នុងស្ថានីយទូរទស្សន៍ ស៊ីធីអិន រូបនេះ គេឃើញ នាងឧស្សាហ៍បណ្តើរ<br />ប្រុសក្មេងម្នាក់ ទៅចូលតាមកន្លែងសប្បាយៗមួយចំនួនដូចជា ក្លឹបកំសាន្តជាដើម។ ទន្ទឹមជា-<br />មួយនឹង ភាពស្និទ្ធស្នាលរវាងនាង និងបុរសវ័យក្មេងម្នាក់នោះ ត្រូវបានគេដឹងថា មានលក្ខណៈ<br />កំពុងតែផ្តើមសាងជីវិតស្នេហា ដ៏ផ្អែមជាមួយគ្នា ។</p>
<p>ប្រភពខាងលើ បាននិយាយាទៀតថា ពិធីការិនី ជីជី ដែលមានរូបសម្រស់ ស្រស់ស្អាត ស្រដៀង<br />កូនកាត់ចិនរូបនេះ បើនិយាយពីការដើរលេងកំសាន្តសប្បាយ នៅតាមក្លឹបទំនើបៗនានា ក៏នាង<br />មានឱកាសច្រើន ក្នុងការបង្ហាញភាពស្និទ្ធស្នាលជាមួយ គូ ស្នេហ៍ជាបុរសវ័យក្មេងម្នាក់នេះទៀត<br />ផង។ ថ្មីៗកន្លងមកនេះ គេក៏បានឃើញ ជីជី បណ្តើរប្រុសក្មេងម្នាក់ ចុះពីលើឡានស៊េរីទំនើបដើរ<br />សំដៅចូលទៅទិញសំភារៈ នៅក្នុងហាងមួយកន្លែងនៅរាជធានីភ្នំពេញ ក្នុងរូបភាពជិតស្និទ្ធជាមួយ<br />គ្នាបំផុត។</p>
<p>ជុំវិញការលេចធ្លាយនូវព័ត៌មាន ទំនាក់ទំនងស្នេហារវាង កញ្ញា ជីជី ជាមួយនឹងបុរសវ័យក្មេងនេះ<br /> គេហទំព័រ LookingTODAY មិន អានទាក់ទង ដើម្បីសុំការបំភ្លឺពី កញ្ញា ជីជី បាននៅឡើយទេ នៅ<br />ថ្ងៃនេះ ដោយសារលេខទូរសព័ព្ទរបស់នាង មិនអាចទំនាក់ ទំនងបាន។ប៉ុន្តែ LookingTODAY រង់<br />ចាំស្វាគមន៍ជានិច្ច ចំពោះការចេញមុខមកបកស្រាយ ពីសំណាក់ កញ្ញា ជីជី ដោយក្តីរីករាយនៅ<br /> ពេលក្រោយ។</p>
<p>ជាការពិត តារាសម្តែង តារាចម្រៀង ពិធីករ-ពិធីការិនី ដែលមានឈ្មោះបោះសម្លេង ពួកគេតែង<br />តែជួបប្រទះនូវរឿងរ៉ាវស្នេហា ជាមួយនឹងនរណាម្នាក់ ជាពិសេសជាមួយមនុស្ស មានអំណាច <br />មានលុយច្រើន ប៉ុន្តែអ្វីជាកាពិត ឬមិនពិតនោះ គឺវាស្រ័យលើបុគ្គលម្នាក់នោះ ជាអ្នកដឹងពីអ្វីដែល<br />ខ្លួនឯងបានប្រព្រឹត្ត ប៉ុណ្ណោះ៕</p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0420.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0421.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0422.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>