<div class="article-content">
<p><strong>- លោកផ្កាយ១ ឱក បូរិន មេបញ្ជាការ អ.ហ ខេត្តស្ទឹងត្រែង ផ្ទេរទៅធ្វើជាមេបញ្ជាការ អ.ហ <br />ខេត្តបន្ទាយមានជ័យវិញ </strong></p>
<p><strong>ភ្នំពេញ៖</strong> លោកឧត្តមសេនីយ៍ទោ រ័ត្ន ស្រ៊ាង មេបញ្ជាការរង កងរាជអាវុធហត្ថ (អ.ហ) លើផ្ទៃ<br />ប្រទេស និងជាមេ បញ្ជាការ អ.ហ ខេត្តបន្ទាយមានជ័យ នឹងត្រូវផ្ទេរមកគ្រងតំណែងជាមេបញ្ជា<br />ការ អ.ហ នៅរាជធានីភ្នំពេញវិញ ជំនួសលោកឧត្តមសេនីយ៍ឯក យ៉ា គឹមអ៊ី ។នេះបើយោងតាមប្រភពពីមន្រ្តីកងរាជអាវុធហត្ថលើផ្ទៃប្រទេស។</p>
<p>បើតាមប្រភពពីមន្រ្តីកងរាជអាវុធហត្ថលើផ្ទៃប្រទេស បានឲ្យដឹងថា ពិធីផ្ទេរតំណែងនេះ នឹងធ្វើឡើង<br />នៅម៉ោង៣ រសៀលថ្ងៃចន្ទ ទី២៣ ខែកញ្ញា ឆ្នាំ២០១៣ ស្អែកនេះ។</p>
<p>ប្រភពដដែលនេះ បន្តថា លោកឧត្តមសេនីយ៍ឯក យ៉ា គឹមអ៊ី នឹងត្រូវឡើងបំពេញការងារកងរាជអា<br />វុធហត្ថលើផ្ទៃ ប្រទេសវិញ។ ប្រភពបន្តថា ការផ្លាស់ប្តូរសមាសភាពមេបញ្ជាការកងរាជអាវុធហត្ថនេះ<br /> ធ្វើឡើងដើម្បីជាការកែ សម្រួលប្រព័ន្ធការងារក្នុងជួរកងកម្លាំងកងរាជអាវុធហត្ថតែប៉ុណ្ណោះ មិនមាន<br />បញ្ហាអ្វីផ្សេងនោះឡើយ។</p>
<p>ជាមួយគ្នានេះ លោកឧត្តមសេនីយ៍ត្រី ឱក បូរិន មេបញ្ជាការកងរាជអាវុធហត្ថខេត្តស្ទឹងត្រែង និង<br />អតីតជាមេបញ្ជា ការរងខេត្តបន្ទាយមានជ័យនោះ ក៏នឹងត្រូវផ្ទេរតំណែងទៅធ្វើជាមេបញ្ជាការ អ.ហ <br />ខេត្តបន្ទាយមានជ័យផងដែរ។</p>
<p>សូមបញ្ជាក់ថា លោកផ្កាយ២ រ័ត្ន ស្រ៊ាង ជាមេបញ្ជាការកងរាជអាវុធហត្ថមួយរូប ត្រូវបានគេទទួល<br />ស្គាល់ និងដឹង ថា បានសាងនូវសមិទ្ធផល និងស្នាដៃជាច្រើននៅក្នុង ទីបញ្ជាការដ្ឋាន អ.ហ ខេត្ត<br />បន្ទាយមានជ័យ តាមរយៈហ្វឹក ហាត់ដល់កងកម្លាំងប្រកបដោយប្រសិទ្ធភាពក្នុងការរក្សាសន្តិសុខ<br />ជូនប្រជាពលរដ្ឋ។ មិនតែប៉ុណ្ណោះលោកបាន បង្កើតកន្លែងអប់រំកែប្រែផ្តាច់ថ្នាំញៀនដល់ក្រុមយុវជន <br />បានជាច្រើននាក់ថែមទៀតផង។</p>
<p>ជាពិសេសនៅពេលថ្មីៗនេះ លោកបានសាងនូវស្នាដៃមួយធ្វើឲ្យសាធារណមតិជាច្រើនសាទរ តាម<br />រយៈកោះហៅ មន្រ្តី អ.ហ ដែលស្ពឹកស្ពន់និងការងារបណ្តែត បណ្តោយឲ្យខ្លួនអសមត្ថភាពក្នុងការ<br />បំពេញការងាររក្សាសន្តិសុខ មក លត់ដំសម្រកខ្លាញ់ និងក្បាលពោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-267.jpg" alt="Photo by DAP-NEWS" width="550" /></p>
<p style="text-align: center;"><strong>លោកឧត្តមសេនីយ៍ឯក យ៉ា គឹមអ៊ី និង លោកឧត្តមសេនីយ៍ទោ រ័ត្ន ស្រ៊ាង</strong></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-268.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-269.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-270.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>