<p>ព័ត៌មានជាតិ & អន្តរជាតិ ៖ រូបចម្លាក់បុរាណ ធ្វើពីថ្មភក់ ដែលត្រូវបាន ជនអន្ធពាល លួចយកទៅ បាត់កាលពីអតីតកាល កន្លងទៅនោះ ឥលូវនេះ ជាលទ្ធផល បណ្តារូបចម្លាក់បុរាណ ទាំង ៣នោះ បានធ្វើមាតុភូមិនិវត្តន៍ វិលមកប្រទេស កម្ពុជា វិញហើយ តាមរយៈ ជើងហោះហើរ ពោលលាចាក ឆ្ងាយពី ទឹកដីសហរដ្ឋអាមេរិក កាលពីសប្តាហ៍មុន បន្ទាប់ពីវត្តមាន ចម្លាក់បុរាណ ទាំង ៣ នេះ បានបាត់ខ្លួនចេញពីទឹកដី ដើមកំណើតរបស់ខ្លួន ច្រើនជាង ៤០ មុននេះ នេះបើយោងតាមសេច ក្តីថ្លែងការណួ ពី ទីស្តីការគណៈរដ្ឋមន្រ្តី កាលពីថ្ងៃច័ន្ទ ម្សិលមិញនេះ ។</p>
<p><a class="thickbox" title="" href="/FileManager/Commons/2014/6/4/ap1825600305958-04-06-2014--16-23-28.jpg"><img src="/FileManager/Articles/mce/2014/6/4/ap1825600305958-04-06-2014--16-23-28.jpg" alt="" /></a></p>
<p><a class="thickbox" title="" href="/FileManager/Commons/2014/6/4/ap2389878288426-04-06-2014--16-23-37.jpg"><img src="/FileManager/Articles/mce/2014/6/4/ap2389878288426-04-06-2014--16-23-37.jpg" alt="" /></a></p>
<p>ប្រភពបន្តអោយដឹងថា ចម្លាក់បុរាណទាំងនេះ ត្រូវបានបុព្វបុរស ឆ្លាក់ឡើង អំឡុងទសវត្សទី ១០ ដោយនៅក្នុងនោះ មានការអះអាង អោយដឹងពី ឈ្មោះ បណ្តារូបចម្លាក់ទាំងនោះ ពោលមាន ឈ្មោះថា Duryodhana, Balarama និង Bhima ។</p>
<p><a class="thickbox" title="" href="/FileManager/Commons/2014/6/3/04-03-06-2014--08-57-31.jpg"><img src="/FileManager/Articles/mce/2014/6/3/04-03-06-2014--08-57-31.jpg" alt="" width="494" height="201" /></a></p>
<p>របាយការណ៍ដដែល បញ្ជាក់បានអោយដឹងថា មណ្ឌលធ្វើការដេញថ្លៃ Sotheby មានមូលដា្ឋន នៅក្នុងទីក្រុង ញូវយ៉ក សហរដ្ឋអាមេរិក បានសម្រេច បញ្ជូនត្រលប់ នូវរូបចម្លាក់បុរាណ Duryo- dhana មកអោយកម្ពុជាវិញ នៅថ្ងៃទី ៧ ឧសភា កន្លងទៅ បន្ទាប់ពីធ្វើការតស៊ូក្តី អស់រយៈពេល ជាយូរអង្វែង ស្របពេលដែល មណ្ឌលដេញថ្លៃមនុស្សធម៌ Christie បានសម្រេចប្រគល់រូបចម្លាក់ បុរាណ Balarama មកអោយកម្ពុជាដូចគ្នា ខណៈពេលដែល សារមន្ទីរ Norton Simon Museum នៅឯរដ្ឋ California ក៏បានសម្រេចចិត្ត ប្រគល់ចម្លាក់ Bhima អោយធ្វើមាតុភូមិនិវត្តន៍ វិលមកដី ស្រុកកំណើតរបស់ខ្លួនវិញ ដូចគ្នាដែរ ។</p>
<p><a class="thickbox" title="" href="/FileManager/Commons/2014/6/4/ap3871493668535-04-06-2014--16-23-49.jpg"><img src="/FileManager/Articles/mce/2014/6/4/ap3871493668535-04-06-2014--16-23-49.jpg" alt="" /></a></p>
<p><a class="thickbox" title="" href="/FileManager/Commons/2014/6/4/ap6381967678547-04-06-2014--16-24-02.jpg"><img src="/FileManager/Articles/mce/2014/6/4/ap6381967678547-04-06-2014--16-24-02.jpg" alt="" /></a></p>
<p>គួរបញ្ជាក់ថា បណ្តារូបចម្លាក់បុរាណ ទាំង ៣ នេះ ត្រូវបានគេលួចយកទៅ កាលពីអតីតកាល ពី ប្រាសាទច័ន្ទ ក៏ដូចជា ប្រាសាទ កោះកេរ នៅឯភាគខាងជើងប្រទេសកម្ពុជា អំឡុងពេលដែល មានសង្គ្រាម ស៊ីវិល ទសវត្ស ឆ្នាំ ១៩៧០ ។</p>
<p>យោងតាមសេចក្តីថ្លែងការណ៍ បន្តអោយដឹងថា នឹងមានការប្រារព្ធកម្មវិធី ដ៏អធឹកអធមមួយ ក្នុង ការទទួលស្វាគមន៍ នៃការធ្វើមាតុភូមិនិវត្តន៍ នៃរូបចម្លាក់បុរាណ របស់កម្ពុជា ទាំង ៣ នេះ នៅឯ សំណង់អាគារ មិត្តភាព ទីស្តីការគណៈរដ្ឋមន្រ្តី វេលាម៉ោង ៤ ល្ងាច ថ្ងៃទី ៣ មិថុនា ក្រោមអធិបតី ភាព លោក ឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តីការ គណៈរដ្ឋមន្រ្តី ៕</p>
<p><a class="thickbox" title="" href="/FileManager/Commons/2014/6/4/ap7431645960153-04-06-2014--16-24-12.jpg"><img src="/FileManager/Articles/mce/2014/6/4/ap7431645960153-04-06-2014--16-24-12.jpg" alt="" /></a></p>
<p><a class="thickbox" title="" href="/FileManager/Commons/2014/6/4/ap7970451961681-04-06-2014--16-24-22.jpg"><img src="/FileManager/Articles/mce/2014/6/4/ap7970451961681-04-06-2014--16-24-22.jpg" alt="" /></a></p>
<p><a class="thickbox" title="" href="/FileManager/Commons/2014/6/4/ap8792275240602-04-06-2014--16-24-31.jpg"><img src="/FileManager/Articles/mce/2014/6/4/ap8792275240602-04-06-2014--16-24-31.jpg" alt="" width="499" height="748" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>