<div class="article-content">
<p><span style="color: #000000;"><strong>ភ្នំពេញ ៖</strong> មេបញ្ជាការរង កងរាជអាវុធហត្ថលើផ្ទៃប្រទេស និងជាប្រធានគណៈកម្មការចំពោះកិច្ច លោកឧត្តមសេនីយ៍ ស៊ិន សុផានី បានថ្លែងឲ្យដឹងថា ទាំងកម្លាំងមានសមត្ថកិច្ច និងអ្នកបើករថយន្តដឹកស្រូវ មានកំហុសឆ្គងចំនួន ៣ ចំណុចដូចគ្នា ទើបបង្កឲ្យមានអំពើហិង្សាកើតមានឡើង ។</span></p>
<p><span style="color: #000000;"><a class="thickbox" title="" href="/FileManager/Commons/2015/4/10/60-10-04-2015--10-59-39.jpg"><img src="/FileManager/Articles/mce/2015/4/10/60-10-04-2015--10-59-39.jpg" alt="" /></a><br /></span></p>
<p><span style="color: #000000;">លោកឧត្តមសេនីយ៍ ស៊ិន សុផានី បានមានប្រសាសន៍ នៅក្នុងសន្និសីទ ស្តីពីលទ្ធផល នៃការស្រាវជ្រាវ នៅព្រឹកថ្ងៃទី ១០ ខែមេសា ឆ្នាំ២០១៥ នាទីបញ្ជាការដ្ឋានអាវុហត្ថ ផ្ទៃប្រទេសថា អ្នកបើករថយន្តទទួលរងការគំរាមកំហែង, គំរាម បាញ់សម្លាប់ និងប្រើអំពើហិង្សាចងដៃចងជើង ហើយពួកគេបានដឹកលើសចំណុះជាង៣០តោន បង្កគ្រោះថ្នាក់ដល់ រថយន្តកាមរីក្បែរនោះ និងមិនព្រមឈប់ថ្លឹងរថយន្ត ។</span></p>
<p><a class="thickbox" title="" href="/FileManager/Commons/2015/4/10/61-10-04-2015--10-59-47.jpg"><img src="/FileManager/Articles/mce/2015/4/10/61-10-04-2015--10-59-47.jpg" alt="" /></a></p>
<p><span style="color: #000000;">ចំណែកកងកម្លាំងមានសមត្ថកិច្ចវិញ បានអនុវត្តផ្ទុយពីបទបញ្ជាកងកម្លាំងអាវុហត្ថ និងកងយោធពលខេមរភូមិន្ទ, អនុវត្តផ្ទុយពីអនុក្រឹត្យ របស់រាជរដ្ឋាភិបាល និងអនុវត្តខុសពីខ្លឹមសារ ដែលមានចែងក្នុងក្រមព្រហ្មទណ្ឌ ។</span></p>
<p><span style="color: #000000;">កងរាជអាវុធហត្ថដែលធ្វើខុសទាំងអស់មាន ៧រូប ហើយក្នុងចំណោមនេះ មាន៣នាក់ ត្រូវបានបញ្ជូនទៅតុលាការ នៅខេត្តព្រៃវែងព្រឹកនេះ ៕</span></p>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>