<p>ស្ទើរតែមិនគួរអោយជឿ ៖ បុរសជា អ្នកបើកបរ រថយន្ត ដឹកទំនិញ ធន់ធំ ត្រូវបានរកអោយឃើញថា ពិតជា សំណាង ហួស ខណៈគាត់ មិនបានស្លាប់ បាត់បង់ ជីវិតអ្វីនោះទេ ក្រោយពី រថយន្ត របស់គាត់ ជាប់គាំង នៅនឹងកណ្តាល ផ្លូវហាយវេ ជាប់មាត់សមុទ្រ មួយកន្លែង បន្ទាប់ពី វាស្រាប់តែ បាក់រលំ មួយរំពេច នេះបើ យោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មាន បរទេស ស្កាយ ។</p>
<p>គួរបញ្ជាក់ផងដែរថា ករណីគ្រោះថ្នាក់ ធម្មជាតិ ដ៏គួរអោយរន្ធត់ មួយនេះ បានកើតឡើង នៅឯ ប្រទេស ម៉ិចសិក ។ យ៉ាងណាមិញ បើតាម របាយការណ៍ លោក Gabriel Gonzalez Cuevas ពិតជា មិនអាចបញ្ជា រថយន្ត របស់ខ្លួន ចេញពី ស្ថានភាព គ្រោះថ្នាក់នេះ បានទេ ពីព្រោះ រថយន្តរបស់លោក ធ្ងន់ពេក ខណៈ ដឹកស៊ីម៉ង់ ដល់ទៅ ៣៦ តោន ឯណោះ ។</p>
<p>ទីភ្នាក់ងារ សារព័ត៌មាន ស្កាយ បន្តអោយដឹងថា ករណីគ្រោះថ្នាក់ បាក់រលំ ផ្លូវហាយវេ ដែលជាតំណភ្ជាប់ ពី Ensenada និង Tijuana មានទីតាំងនៅជិត តំបន់ Salsipuedes បានកើតឡើង កាលពីថ្ងៃ សៅរ៍ កន្លង ទៅ វេលាម៉ោង ២ ទាបភ្លឺ (ម៉ោងក្នុងស្រុក ប្រទេសម៉ិចសិក ) ។</p>
<p>ដោយឡែក បើតាមការ គូសបញ្ជាក់ អោយដឹងពី អាជ្ញាធរ ប្រចាំតំបន់ បាននិយាយអោយដឹងថា យ៉ាង ហោចណាស់ ត្រូវចំណាយ ពេលដល់ទៅ ១ ឆ្នាំ ដើម្បី ជួសជុល ក៏ដូចជា ស្ការឡើងវិញ នូវផ្លូវហាយវេ មួយនេះ ។ មូលហេតុដែលនាំ អោយមានការបាក់រលំ មិនទាន់បានដឹង ជាក់ច្បាស់ នៅឡើយទេ។ គួរ រំឭកផងដែរថា កាលពី ពាក់កណ្តាលខែ ធ្នូ កន្លងទៅ តំបន់នេះ បានរង នូវគ្រោះ រញ្ជួយដី។ ខាងក្រោម ជាវីដេអូ ជ្រាបកាន់តែច្បាស់ តាមដាន ទស្សនាបន្តិចទៅ ៖</p>
<p><object width="497" height="426" data="http://www.youtube.com/v/07VXzzGuaXk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/07VXzzGuaXk&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>