<p>ទីភ្នាក់ងារ NASA ទើបតែបានផ្ដល់កិច្ចសន្យាតម្លៃ ៥,១លានដុល្លារអាមេរិកឱ្យក្រុមហ៊ុនមួយ នៅ <br />Tucson ដើម្បីអភិវឌ្ឍប្រព័ន្ធចម្រោះទឹកនោមឱ្យទៅជាទឹកសុទ្ធសម្រាប់ក្រុមអវកាសចរ។</p>
<p>គេបានដឹងថា បច្ចុប្បន្ន នៅលើស្ថានីយអវកាសអន្តរជាតិ មានប្រព័ន្ធចម្រោះទឹកចំនួនពីរដែល<br />មានទំហំប្រហែលនឹងទូរទឹកកក។ ប្រព័ន្ធនេះមានតួនាទីចម្រោះទឹកនោម ឱ្យទៅជាទឹកសុទ្ធដែល<br />អាចផឹកបាន។ ដើមឡើយ អ្នកអវកាសនៅលើស្ថានិយអវកាសអត្តរជាតិត្រូវប្រើប្រាស់ទឹកដែល<br />បញ្ជូនពីផែនដី។</p>
<p style="text-align: center;"><a class="thickbox" title="" href="/FileManager/Commons/2016/7/2/issok-02-07-2016--10-51-56.jpg"><img src="/FileManager/Articles/mce/2016/7/2/issok-02-07-2016--10-51-56.jpg" alt="" /></a></p>
<p>ប្រព័ន្ធចម្រោះទឹកខាងលើ ត្រូវបានដំឡើងកាលពីឆ្នាំ ២០០៨ ដោយវាអាចផ្គត់ផ្គង់ទឹកប្រហែល<br /> ៣គីបក្នុងមួយឆ្នាំ ជួយកាត់បន្ថយការបញ្ជូនទឹកពីផែនដី ប្រមាណជា ៦៥%។ ប៉ុន្តែ មកដល់ពេល<br />នេះ ប្រព័ន្ធចម្រោះទឹកនោះបានចាស់ ហើយវាត្រូវការផ្លាស់ប្ដូរថ្មី។ ទន្ទឹមនឹងនេះ វាក៏អាចច្រោះ<br />បានត្រឹមតែ ៩៣% ប៉ុណ្ណោះ ធៀបនឹងទឹកនោមដែលត្រូវច្រោះ។</p>
<p>ប្រព័ន្ធចម្រោះទឹកនោមដែល NASA បានប្រគល់ឱ្យក្រុមហ៊ុន Paragon Space Development <br />(PSD) ជាអ្នកផលិតនោះ មានតម្លៃ ជាង ៥លានដុល្លារអាមេរិក ហើយវានឹងអាចច្រោះបាន<br /> ៩៤%។ បើទោះជាវាលើសគ្នាតែ ១% ប៉ុន្ដែ វាមានភាពខុសគ្នាយ៉ាងច្រើន។ រាល់ដំណក់ទឹកស្អាត<br />នៅលើអវកាស សុទ្ធតែមានតម្លៃខ្ពស់ ព្រោះថា វាជួយឱ្យអ្នកអវកាសអាចបន្តបេសកកម្មបានយូរ<br />អង្វែងសម្រាប់ស្រាវជា្រវ និងដើម្បីកាត់បន្ថយការដឹកជញ្ជូនទឹកពីផែនដីដែលមានតម្លៃថ្លៃដូច<br />មាស។</p>
<p>តាមគម្រោង ប្រព័ន្ធចម្រោះទឹកនោមទៅជាទឹកស្អាតរបស់ក្រុមហ៊ុន Paragon Space Development<br /> នឹងត្រូវរួចរាល់នៅឆ្នាំ ២០១៨។ ដូច្នេះចាប់ពីពេលនេះ ដល់ឆ្នាំ ២០១៨ ក្រុមហ៊ុន Paragon Space<br /> Development ត្រូវតែធ្វើការសាកល្បងជាច្រើនលើក មុននឹងយកទៅដំឡើងនៅស្ថានិយអវកាស<br />អន្តរជាតិ។</p>
<p>សូមបញ្ជាក់ថា ការដែល NASA ផ្ទល់ប្រព័ន្ធចម្រោះទឹកនោមទៅឱ្យអ្នកអវកាសនេះ ត្រូវបានធ្វើឡើង<br />ខណៈដែលទីភ្នាក់ងារនេះកំពុងត្រៀមខ្លួនសម្រាប់បេសកកម្មបីឆ្នាំទៅកាន់ភពព្រះអង្គារ និងបណ្ដា<br />បេសកកម្មអវកាសនានា ក្នុងពេលអនាគតរបស់មនុស្ស។</p>
<p style="text-align: right;">ប្រែសម្រួល ៖ បុត្រា</p>