<p><span style="color: #000000;">ដើមសប្តាហ៍ភ្លាម Samsung ក៏ទទួលបាននូវព័ត៌មានមិនល្អបន្ថែមភ្លែត ខណៈពេលដែល Note 7 ទី៥ ដែលបានប្តូរថ្មីរួចហើយនោះ នៅតែផ្ទុះឆេះនៅសហរដ្ឋអាមេរិច ដែលក្នុងមួយសប្តាហ៍កន្លងទៅនេះ មានចំនួន៥គ្រឿងហើយ ហើយករណីចុងក្រោយបំផុត បានកើតឡើងនៅរដ្ឋ Virginia និង Texas។ ចំណែកនៅតៃវ៉ាន់ ក៏មានរបាយការណ៍ស្រដៀងគ្នានេះដែរ។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/10/10/201610091253580-10-10-2016--10-57-10.jpg"><img src="http://camnews.com.kh/FileManager/Articles/mce/2016/10/10/201610091253580-10-10-2016--10-57-10.jpg" alt="" /></a><br /></span></p>
<p><span style="color: #000000;">បន្ទាប់ពីកើតមានបណ្តាករណីខាងលើនេះ ក្រុមហ៊ុនប្រព័ន្ធទូរស័ព្ទចល័ត AT&T បានប្រកាសឈប់ដាក់ លក់ទាំងស្រុងនូវស្មាតហ្វូន Note 7 រហូតដល់មានការសន្និដ្ឋានផ្លូវការមួយក្នុងត្រួតពិនិត្យ ពីសំណាក់ អាជ្ញាធរដែលពាក់ព័ន្ធ។ ក្រុមហ៊ុននេះបានជុំរុញឲ្យ បណ្តាអ្នកប្រើប្រាស់ណាដែលកំពុងតែប្រើ “Note 7 Gen 2” យកវាមកប្តូរ យកម៉ូដែលស្មាតហ្វូនមួយគ្រឿងផ្សេង ដែលអាចជាស្មាតហ្វូន Samsung ឬរបស់ ក្រុមហ៊ុនផ្សេងក៏បាន។ បណ្តាក្រុមហ៊ុនប្រព័ន្ធទូរស័ព្ទចល័តផ្សេងទៀត នៅអាមេរិច ក៏ចាប់ផ្តើមឲ្យ អតិថិជនប្តូរចេញ Note 7 ផងដែរ ប៉ុន្តែ AT&T គឺក្រុមហ៊ុនប្រព័ន្ធទូរស័ព្ទដំបូងគេដែលឈប់ដាក់លក់ ផលិតផលនេះ។</span></p>
<p><span style="color: #000000;">ពាក់ព័ន្ធនឹងករណីថ្មីបំផុត ដែលបានកើតឡើងនៅរដ្ឋ Texas ស្មាតហ្វូន Note 7 មួយគ្រឿងបានផ្ទុះឆេះ ពេលដែលកំពុងស្ថិតក្នុងដៃរបស់ក្មេងអាយុ ៨ឆ្នាំម្នាក់ ហើយពេលនោះគេកំពុងតែលេង Minecraft។ ស្មាតហ្វូននេះបានប្តូរថ្មីនៅហាង Best Buy កាលពីខែមុន។ ចំណែកករណីនៅរដ្ឋ Virgina គឺ Note 7 ត្រូវបានឆេះ ពេលកំពុងដាក់លើទូក្បាលគ្រែ ដែលធ្វើឲ្យបន្ទប់ពោរពេញដោយផ្សែង។ សម្រាប់ករណី នៅក្រុមហ៊ុនអាកាសចរ Southwest Airline វិញ Note 7 បានផ្ទុះឆេះ នៅពេលដែលយន្តហោះជិតចេញ ដំណើរ។ កាលពីថ្ងៃអង្គារសប្តាហ៍មុន Note 7 មួយគ្រឿងនៅ Kentucky បានឆេះ ធ្វើឲ្យបុរសម្នាក់ត្រូវ ចូលមន្ទីរពេទ្យ ដោយសារការស្រូបផ្សែងចូលខ្លួន។ អ្វីដែលចង់និយាយនោះគឺ Samsung បានដឹងនូវ រឿងហេតុនេះ ប៉ុន្តែមិនបានប្រកាសជាសាធារណៈឲ្យទូលំទូលាយនោះទេ។ ចំណែកមួយករណីផ្សេង ទៀតនៅ Minnesota ក៏ប្រហាក់ប្រហែលករណីខាងលើនេះដែរ។</span></p>
<p><span style="color: #000000;">ជុំវិញរឿងហេតុនៃការផ្ទុះឆេះ Note 7 ដែលបានប្តូរថ្មីមួយរយះពេលកន្លងមកនេះ Samsung ក៏បាន ចេញជា សេចក្តីថ្លែងការណ៍ផ្លូវការមួយផងដែរ ពាក់ព័ន្ធនឹងបញ្ហានេះ។<span style="color: #0000ff;"> <em><a href="/News/Detail/16696/samsung-issues-statement-on-replacement-galaxy-note-7-exploding"><span style="color: #0000ff;">ចុចអាននៅទីនេះ!</span></a></em></span></span></p>
<p><span style="color: #000000;"><a href="/News/Detail/16675/new-galaxy-note-7-exploded-in-taiwan"><span style="color: #0000ff;"><em>- Galaxy Note 7 ថ្មីមួយគ្រឿងទៀតហើយ បានបន្តផ្ទុះឆេះ នៅតៃវ៉ាន់</em></span></a></span></p>
<p> </p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ The Verge, Tinhte</em></p>