<p><span style="color: #000000;"><strong>ភ្នំពេញ៖</strong> រយៈពេល៤ឆ្នាំហើយ ដែលតារាសម្តែងបុរសសង្ហា លោក នរៈ សិរីវិទ្យា បានបោះជំហាន ចូលប្រឡូកក្នុងវិថីសិល្បៈ ដោយលោកគឺជាតារាមួយរូប ដែលមានឈ្មោះបោះសំឡេងគួរសម ក្នុងសិល្បៈពេលនេះ បានចេញមុខមកបង្ហាញភាព ជឿជាក់ លើខ្លួនឯងថាថ្មីៗនេះ លោកបានធ្វើការចុះកុងត្រា ខាងផ្នែកសម្តែង ឲ្យផលិតកម្មថោន និងបង្ហាញម៉ូដឲ្យ Sun Super Models ។ </span></p>
<p><span style="color: #000000;">តារាប្រុសវ័យ២២ឆ្នាំ លោក នរៈ សិរីវិទ្យា ថ្មីៗនេះបានពាំនាំ សម្រិតសម្រាំងការងារថ្មីៗ មកបង្ហាញដល់ទស្សនិកជន និងអ្នកគាំទ្រ ដោយថ្មីៗនេះលោកបានចុះកុងត្រា ជាមួយផលិតកម្មថោន ខាងផ្នែកសម្តែងឲ្យ និងបង្ហាញម៉ូដឲ្យ Sun Super Models ដោយលោកបានបង្ហាញការរំពឹង និងក្តីសង្ឃឹមថាអាចទទួល បានជោគជ័យខ្លាំង ក្នុងវិស័យសិល្បៈ ក្រោយលោកមានផលិតកម្ម ធ្វើជាខ្នងបង្អែក ជួយជ្រុមជ្រែងលើកស្ទួយលោក ។</span></p>
<p><span style="color: #000000;">នរៈ សិរីវិទ្យា បានប្រាប់ឲ្យដឹងថា « ការទទួលបានការងារជាច្រើននៅផលិតកម្មថោន និងចុះកិច្ចសន្យារយៈពេល៥ឆ្នាំនេះ គឺលោកពិតជារំភើប និងជឿជាក់ក្នុងចិត្តថា អាចកសាងភាពល្បីល្បាញ បានលេចធ្លោខ្លាំង ជាងគេនេះ ហើយមានការងារ ថ្មីៗចេញ លក់ជាហូរហែមិនធ្វើឲ្យអ្នកគាំទ្រ ខកបំណងឡើយ» ។</span></p>
<p><span style="color: #000000;">តារាវ័យក្មេងសំឡេងពីរោះ សមជាសុភាពបុរសរូបនេះ នៅមិនទាន់បង្ហើបនៅឡើយទេថា មានការងារអ្វីខ្លះដែលផលិតកម្ម និងក្រុមបង្ហាញម៉ូត ខាងលើផ្តល់ឲ្យទេ។ ទោះជាយ៉ាងណាលោក នៅតែអាចបន្តឡើង ច្រៀងនៅតាមកម្មវិធីប្រគំតន្ត្រី តាមស្ថានីយទូរទស្សន៍ ការសម្តែងឈុត ផ្សព្វផ្សាយពាណិជ្ជកម្ម និងកម្មវិធីអប់រំនានាជាធម្មតា លើកលែងតែការសម្តែង សម្រាប់ផលិតកម្មផ្សេង ។</span></p>
<p><span style="color: #000000;">គួរបញ្ជាក់ដែរថា តារាសម្តែង នរៈ សិរីវិទ្យា ត្រូវបានគេចាប់ផ្តើមស្គាល់ ក្នុងខ្សែភាពយន្តអប់រំរបស់ មណ្ឌលព័ត៌មានស្ត្រីកម្ពុជា រឿង“ក្របីរាល” ពិសេសលើកិច្ចការងារសសង្គមជាច្រើន បូករួមទាំងការចុះផ្សព្វផ្សាយ ចំណេះដឹងផ្សេងនៅតាមមូលភូមិឃុំ និងតំបន់រោងចក្រជាដើម ។ តារារូបនេះនឹងត្រូវគេរំពឹងថា អាចឈរក្នុងតំណែងជួរមុខ ក្នុងពេលដ៏ខ្លីខាងមុខនេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/5/21-05-12-2015--12-09-24.jpg"><img src="/FileManager/Articles/mce/2015/12/5/21-05-12-2015--12-09-24.jpg" alt="" /></a></span></p>
<p><a class="thickbox" title="" href="/FileManager/Commons/2015/12/5/21a-05-12-2015--12-09-33.jpg"><img src="/FileManager/Articles/mce/2015/12/5/21a-05-12-2015--12-09-33.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/5/21-05-12-2015--12-09-24.jpg"></a></span></p>
<p><a class="thickbox" title="" href="/FileManager/Commons/2015/12/5/21b-05-12-2015--12-09-40.jpg"><img src="/FileManager/Articles/mce/2015/12/5/21b-05-12-2015--12-09-40.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>