<p><span style="color: #000000;"><strong>(ប៉េកាំង)៖</strong> ក្រុមហ៊ុនលក់ផលិតផលតាមអនឡាញ Alibaba របស់ចិន បានចេញមកប្រកាស ក៏ដូចជាច្រានចោល នូវរាល់ព័ត៌មានដែលលេចឮថា ក្រុមហ៊ុនខ្នាតយក្សរបស់ចិនមួយនេះ បានកំពុងតែចរចាទិញក្លឹបបាល់ទាត់អាជីព AC Milan របស់អ៊ីតាលីមួយនេះ ។</span></p>
<p><span style="color: #000000;">សារព័ត៌មានចិន ស៊ិនហួ បានផ្សាយថ្ងៃទី២៨ មេសានេះថា Alibaba បានបដិសេធចំពោះរបាយការណ៍ដែលបានចុះផ្សាយនៅថ្ងៃពុធ ទី២៧ ខែមេសាម្សិលមិញនេះរបស់ប្រព័ន្ធផ្សព្វផ្សាយអ៊ីតាលីថា ប្រធានក្រុមហ៊ុន Alibaba លោក Jack Ma បានផ្តល់លុយចន្លោះ ៤៥០លានដុល្លារ ជាថ្នូរនឹងការទិញក្លឹបបាល់ទាត់ជើងខ្លាំងដែលកំពុងលេងនៅក្របខណ្ឌកំពូល Serie A របស់អ៊ីតាលីបច្ចុប្បន្ន ដែលស្មើនឹង ៧០% មានភាគហ៊ុនច្រើនជាងគេក្នុងក្លឹបនេះ គ្រាដែលម្ចាស់ក្លឹបនេះលោក Silvio Berlusconi កំពុងជួបវិបត្តិហិរញ្ញវត្ថុ ។</span></p>
<p><span style="color: #000000;">ភ្លាមៗនោះលោក Jack Ma ឆ្លើយតប ក៏ដូចជាបដិសេធជុំវិញរបាយការណ៍មិនពិតនៅលើ Weibo និង Twitter ដោយ បានសរសេរថា <strong>«ក្លឹប AC Milan ស្ថិតក្នុងទីក្រុង Milan មែនទេ? ពេលថ្មីៗនេះ ខ្ញុំបានទទួលដំណឹងថា អតីតកីឡាករប្រ ដាល់ពិភពលោក Mike Tyson បានធ្វើដំណើរទៅកាន់ទីក្រុង Milan ដើម្បីនិយាយពីរឿងនេះ តែខ្ញុំមិនប្រាកដនោះទេ»</strong> ។</span></p>
<p><span style="color: #000000;">សូមរំលឹកដែរថា កាលពីថ្ងៃទី២៥ មេសា រាជបុត្រាប្រទេសម៉ាឡេស៊ី ព្រះអង្គម្ចាស់ Tunki Ismail Sultan Ibrahim ក៏បានបដិសេធជុំវិញពាក្យចចាមអារ៉ាមដែលថា ព្រះអង្គបានកំពុងចរចាទិញបាល់ទាត់ AC Milan នោះដែរ ។</span></p>
<p><span style="color: #000000;">Jack Ma គ៏ជាអ្នកគាំទ្របាល់ទាត់មួយរូបផងដែរ ដោយលោកបានទិញភាគហ៊ុនក្នុងក្លឹបបាល់ទាត់ Guangzhou Evergrande របស់ចិនដែរ ៕</span></p>
<p><br /><a class="thickbox" title="" href="/FileManager/Commons/2016/4/29/04c-29-04-2016--11-15-55.jpg"><img src="/FileManager/Articles/mce/2016/4/29/04c-29-04-2016--11-15-55.jpg" alt="" /></a></p>
<p><span style="color: #000000;"><img src="http://static6.businessinsider.com/image/558c2e766bb3f79716839ad0/alibaba-is-investing-125-billion-into-a-chinese-food-delivery-company.jpg" alt="" width="730" /></span></p>
<p style="text-align: center;"><span style="color: #000000;">លោក Jack Ma ម្ចាស់ក្រុមហ៊ុន Alibaba</span></p>
<p><span style="color: #000000;"><img src="http://tensportsclub.com/wp-content/uploads/2014/05/Ac-Milan-FC-Squad.jpg" alt="" width="730" /></span></p>
<p style="text-align: center;"><span style="color: #000000;">កីឡាករក្រុម AC Milan</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>