<p><span style="color: #000000;"><strong>(ភ្នំពេញ)៖</strong> ខណៈដែលការស្លាប់ របស់អតីតតារាសម្តែង លោក ហង្ស ផល្លីមធុរ៉ា ទើបតែកន្លងផុតបានប្រមាណ៤ឬ៥ថ្ងៃ និងត្រៀមរៀបចំធ្វើបុណ្យគំរប់ខួប៧ថ្ងៃ នៅថ្ងៃអាទិត្យខាងមុខនេះ ដើម្បីឧទ្ទិសកុសលដល់ដួងវិញ្ញាណក្ខន្ធរបស់លោក ដែលបានស្លាប់ទៅហើយនោះ តារាសម្តែងល្បីឈ្មោះលោក សាវិន ហ្វីលីព បានប្រកាសតាមបែបស្រមើស្រមៃ ចេញពីក្នុងចិត្តឲ្យមហាជន និងសិល្បករ-សិល្បការិនីខ្មែរ ចូលរួមពិធីបុណ្យគំរប់ខួប៧ថ្ងៃ របស់លោក ហង្ស ផល្លីមធុរ៉ា ឲ្យបានច្រើនកុះករ ដូចពិធីខួបកំណើតរបស់កញ្ញា ពៅ លីដា កាលពីយប់មិញ។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាប្រុសលោក សាវិន ហ្វីលីព បានសរសេរបង្ហោះ ជាសាធារណៈថា «យប់មិញជួបស្រីស្អាត ប៉ុបពី! អូយចង់លង់ នៅខួបកំណើតកញ្ញា ពៅ លីដា។ ពិធីយប់មិញនេះ មានអ្នកសិល្បៈចាស់ថ្មីចូលរួមច្រើនមែនទែន មិនគួរឲ្យជឿ ខ្ញុំឆ្លៀតទៅក្រោយគេ ប្រហែលម៉ោង៩កន្លះយប់ ព្រោះជាប់ថតរឿង "ភ្លៀងមួយតក់" ផលិតដោយ SEATV»។</span></p>
<p><span style="color: #000000;">ទន្ទឹមនឹងការលើកឡើងដូច្នេះ លោក សាវិន ហ្វីលីព ក៏បានបន្ថែមថា «ខ្ញុំចេះតែលួចគិតឆ្កួតៗតែម្នាក់ឯងថា បើអ្នកសិល្បៈទាំងអស់នេះ នាំគ្នាទៅចូលរួមបុណ្យ៧ថ្ងៃ របស់តារាសម្តែងដែលក្របំផុត គឺលោក ហង្ស ផល្លីមធុរ៉ា នៅថ្ងៃអាទិត្យខាងមុខនេះ មិនដឹងវិញ្ញាណក្ខន្ធសពសប្បាយចិត្តយ៉ាងណាទេ?»។</span></p>
<p><span style="color: #000000;">សូមជម្រាបជូនថា អតីតតារាសម្តែងប្រុសល្បីឈ្មោះ ទស្សវត្សរ៍ទី៩០លោក ហង្ស ផល្លីមធុរ៉ា បានទទួលមរណៈភាព ក្នុងវ័យ៥២ឆ្នាំហើយ កាលពីព្រឹកថ្ងៃទី១ខែសីហា ឆ្នាំ២០១៦នេះ ដោយជំងឺដុះសាច់ក្នុងខួរក្បាល។ ដោយឡែកសម្រាប់ពិធីបុណ្យគំរប់ខួប០៧ថ្ងៃ របស់លោក ហង្ស ផល្លីមធុរ៉ា ត្រៀមធ្វើឡើង នៅថ្ងៃអាទិត្យទី០៧ ខែសីហា ឆ្នាំ២០១៦ខាងមុខនេះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13939556_1514454431914195_6239147307687993333_n.jpg?oh=77b2da39921dab153b78d59987c34de9&oe=58287A93" alt="" width="730" /></span></p>
<p><span style="color: #000000;"><img src="https://i.kspg.co/2016/8/d01e7d8f-05a3-4c62-be3e-98b51c0b3049.jpg?w=610&mode=carve" alt="" width="730" /></span></p>
<p><span style="color: #000000;"><img src="https://i.kspg.co/2016/8/bed855d8-3828-4f91-9bea-a0ed19a6dc37.jpg?w=610&mode=carve" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13627042_10202136785016452_6041582510637499910_n.jpg?oh=c721c842ff2397d9eee487457ab9b5eb&oe=585BEBB8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>