<div class="article-content">
<p><strong>ភ្នំពេញ ៖</strong> នារីវ័យក្មេងម្នាក់ បានទៅដេកលេងក្នុងបន្ទប់ សង្សារតាំងពី ព្រលប់រហូត ដល់ម៉ោង៣ <br />ទៀបភ្លឺឈាន ចូលថ្ងៃទី១ ខែវិច្ឆិកា ឆ្នាំ២០១៣ មិនមានរឿងហេតុអី កើតឡើង ធ្វើឲ្យនារីរូបនេះ <br />រត់ចេញពីបន្ទប់ មកលោតទម្លាក់ ខ្លួនពីជាន់ទី១ ប៉ងសម្លាប់ខ្លួន តែមិនស្លាប់ គ្រាន់តែ បាក់ជើងឆ្វេង ។</p>
<p>ហេតុការណ៍នេះ បង្កឲ្យផ្អើល ឆោឡោប្រជាពលរដ្ឋ និងសមត្ថកិច្ច ចុះមក ពិនិត្យ អន្តរាគមន៍ រក<br />រថយន្តដឹក ទៅសង្រ្គោះ ភ្លាមៗ នៅចំណុចផ្ទះជួល តាមបណ្តោយ ផ្លូវលេខ ៦៣ កែងផ្លូវលេខ<br />២៩៤ ស្ថិតក្នុង សង្កាត់បឹងកេងកងទី១ ខណ្ឌចំការមន ។ នារីរងគ្រោះឈ្មោះ ជាង សុខគួន អាយុ<br />១៩ឆ្នាំ ស្នាក់នៅ ផ្ទះលេខ៣០ តាមបណ្តោយ ផ្លូវលេខ១៦៣ ស្ថិតក្នុងសង្កាត់ ទួលទំពួងទី២ ខណ្ឌ<br />ចំការមន និងបុរសជាសង្សារឈ្មោះ អ៊ាង ម៉េងលី អាយ២៤ឆ្នាំ ស្នាក់នៅផ្ទះជួល កន្លែងកើតហេតុ ។</p>
<p>យោងតាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេសង្កេតឃើញ<br /> នារីរងគ្រោះបាន មកលេង និងផ្ទះជួលសង្សារ នៅកន្លែងកើតហេតុ តែមិនដឹងថា មានរឿង ទាស់<br />ទែងពាក្យសម្តី គ្នាអ្វីនោះទេ ទើបនារីរងគ្រោះបាន លោតពី លើផ្ទះជាន់ទី១ ក្នុងបំណងសម្លាប់ខ្លួន<br /> តែមិនបានសម្រេច គ្រាន់តែរបួសបាក់ភ្លៅខាងឆ្វេងម្ខាង ត្រូវបានរថយន្តសាមុយ ដឹកយកទៅ<br />សង្គ្រោះនៅមន្ទីរពេទ្យភ្លាមៗ។</p>
<p>ក្រោយពេលកើតហេតុសមត្ថកិច្ចមូលដ្ឋានបានចុះមក អន្តរាគមន៍ដល់កន្លែងកើតហេតុ និង<br />សាកសួរពីសង្សារនារីរង គ្រោះពីហេតុការណ៍ខាងលើនេះ តើពាក់ព័ន្ធនឹងរឿងអ្វីពិតប្រាកដ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0883.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0884.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>