<p><span style="color: #000000;"><strong>(ភ្នំពេញ)៖</strong> មណ្ឌលប្តូរ និងពន្យារបណ្ណបើកបរ ដែលមានទីតាំងនៅផ្សារទំនើបអ៉ីអន នឹងបើកឲ្យដំណើរការនៅថ្ងៃទី១៥ ខែមិថុនា ឆ្នាំ២០១៦ សប្តាហ៍ក្រោយនេះ ជាមួយការរំពឹងថា នឹងជួយកាត់បន្ថយផលលំបាករបស់ប្រជាពលរដ្ឋក្នុងផ្លាស់ប្តូរ ឬពន្យារបណ្ណបើកបរ។</span></p>
<p><span style="color: #000000;">ការប្រកាសបង្ហាញកាលបរិច្ឆេទ នៃការដាក់ឲ្យដំណើរការមណ្ឌលប្តូរ និងពន្យារបណ្ណបើកបរនេះ បានធ្វើឡើងក្នុងកិច្ចប្រជុំរបស់ក្រសួងសាធា រណការ និងដឹកជញ្ជូន ដឹកនាំដោយលោកទេសរដ្ឋមន្រ្តី ស៊ុន ចាន់ថុល។</span></p>
<p><span style="color: #000000;">សូមបញ្ជាក់ថា មណ្ឌលប្តូរ និងពន្យារបណ្ណបើកបរនៅផ្សារទំនើបអ៉ីអននេះ សាងសង់ទីធ្លាសាធារណៈមួយកន្លែងទំហំ ៤០ម៉ែត្រការ៉េ។ មជ្ឈមណ្ឌលនេះ ប្រើប្រាស់បច្ចេកវិទ្យាទំនាក់ទំនងជាមួយប្រព័ន្ធទិន្នន័យរបស់ក្រសួង ដែលនឹងជួយសម្រួលដល់ការប្តូរ និងពន្យាបណ្ណបើកបរកាន់តែលឿន និង កាន់តែងាយស្រួលសម្រាប់ប្រជាពលរដ្ឋកម្ពុជា។</span></p>
<p><span style="color: #000000;">លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ធ្លាប់បានហៅការបង្កើតមណ្ឌលនេះថា ជាការបង្ខិតសេវាឲ្យ ទៅកាន់តែជិតប្រជាពលរដ្ឋ ហើយការបង្កើតមណ្ឌលនេះ ក៏ជាផ្នែកមួយ នៃផែនការ ១០០ថ្ងៃ ក្នុងការធ្វើកំណែទម្រង់នៅក្រសួងសាធារណការ និង ដឹកជញ្ជូនផងដែរ។</span></p>
<p><span style="color: #000000;">ក្នុងកិច្ចប្រជុំពិភាក្សាលើការងារប្រឈមរបស់ក្រសួងនៅថ្ងៃទី០៨ ខែមិថុនា ឆ្នាំ២០១៦នេះ លោកទេសរដ្ឋមន្រ្តី ស៊ុន ចាន់ថុល រួមនិងមន្រ្តី ក្រោមឱវាទ ក៏បានពិភាក្សាអំពីការត្រៀមរៀបចំការប្រឡងចូលមន្ត្រីរាជការក្របខណ្ឌក្រសួងសាធារណការ និងដឹកជញ្ជូន។ លោកទេសរដ្ឋមន្រ្តី បានគូសបញ្ជាក់ពីសារៈសំខាន់ នៃការធ្វើឱ្យប្រសើរឡើងដល់យន្តការទាំងឡាយ ដែលពាក់ព័ន្ធការអនុវត្តក្នុងប្រឡង ធ្វើយ៉ាងណាបង្ហាញពីតម្លាភាព និងភាពត្រឹមត្រូវ ដើម្បីទទួលបានមន្ត្រីថ្មីប្រកបដោយសមត្ថភាពកាន់តែខ្ពស់ ក៏ដូចជាការកសាងសមត្ថភាព និងការបង្កើនល្បឿន នៃការអភិវឌ្ឍកិច្ចការសាធារណៈ និងវិស័យដឹកជញ្ជូនរបស់ប្រទេសឱ្យមានការរីកចម្រើន៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13422263_531864283664583_7920833266438781159_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13325635_529094200608258_1465667494858433320_n.jpg?oh=2e8be01670c568a2e5699b94ef051477&oe=580F6571" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13327473_529094150608263_2486202238446674979_n.jpg?oh=648604df9efb882989167eab5a138942&oe=57D8C224" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpf1/v/t1.0-9/13346492_529094067274938_7981202020662025673_n.jpg?oh=2bbd784db54873e499b2b26079b3f704&oe=57E3C182&__gda__=1473952488_95d347d2fe5446b3e3312e88b1de3cf9" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpl1/v/t1.0-9/13312856_529094020608276_6961671890022879300_n.jpg?oh=9fd556c6c99a821c113e10fd27c7438c&oe=57D1E400&__gda__=1472750476_b60a69b17375f849afe130d50f3aa292" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13342955_529094003941611_5491242116253765968_n.jpg?oh=3ebda4c57b42b057f9a4e7e0bdb52fd9&oe=57E1AEDA" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13335726_529094293941582_3370372693479339331_n.jpg?oh=af37fb52793d39f12054b38971bd2e0e&oe=57CD87EC" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlp1/v/t1.0-9/13330907_529094350608243_6244281874586974793_n.jpg?oh=9c8e00dec27055aa43b987d17be3b2e8&oe=57E12EDE&__gda__=1473901772_2c0ee60512ae1cf2b8cc5de9a155af15" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtp1/v/t1.0-9/13321853_529094367274908_2404944254398194695_n.jpg?oh=22e5cf2f8f3349e6dfb1ab7cb6c9450c&oe=580E576E&__gda__=1473929560_b3f8d2a3484151fdd8f33f9d00663b68" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>