<p><span style="color: #000000;"><strong>(ព្រៃវែង)៖</strong> មេចោរប្លន់ប្រដាប់អាវុធម្នាក់ទៀត ដែលតែងតែធ្វើសកម្មភាពបាញ់ប្លន់យ៉ាងកក្រើក នៅទឹកដីស្រុកមេសាង និងស្រុកបាភ្នំ នាពេលកន្លងទៅនោះ ត្រូវបានកម្លាំងនគរបាលតាមស្រាវជ្រាវ រហូតឈានទៅដល់ការបង្ក្រាបបាន នៅល្ងាចថ្ងៃទី០៤ ខែកុម្ភៈ ឆ្នាំ២០១៦នេះ ។</span></p>
<p><span style="color: #000000;">ស្នងការនគរបាលខេត្តព្រៃវែង លោកឧត្តមសេនីយ៍ ស្រេង ជា បានប្រាប់អង្គភាព Fresh News នៅយប់ថ្ងៃនេះថា <strong>«យើងបានចាប់ក្រុមជនប្រដាប់អាវុធ និងប្លន់កន្លងមកនៅស្រុកមេសាង និងស្រុកបាភ្នំ ស្ថិតនៅភូមិកំចាយមារត្បូង ឃុំក្រញូង ស្រុកកំចាយមារ»។</strong></span></p>
<p><span style="color: #000000;">លោកឧត្តមសេនីយ៍ស្នងការបានបញ្ជាក់ថា ជននេះមានឈ្មោះ ធែល ហ៊ល អាយុ ៣៨ឆ្នាំ រស់នៅភូមិបារ៉ាច ឃុំព្រៃឃ្នេស ស្រុកបាភ្នំ ហើយត្រូវបានតុលាការចេញដីការតាមចាប់ខ្លួនផងដែរ។</span></p>
<p><span style="color: #000000;">ក្រោយការចាប់ខ្លួនមេចោរប្លន់រូបនេះ ស្ថិតក្រោមការសាកសួរនៅស្នងការដ្ឋាននគរបាលខេត្តព្រៃវែង ដើម្បីកសាងសំណុំរឿង បញ្ជូនទៅកាន់តុលាការចាត់ការតាមច្បាប់៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/12654659_1554098681571164_4680997857868655324_n.jpg?oh=49b0d5a34d986d2fcf5b4d051e3b1e71&oe=5736A082&__gda__=1462385083_b895d23c1f48889334c04e123d6d0cc3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>