<p><span style="color: #000000;"><strong>(ភ្នំពេញ)៖</strong> តារាសម្តែង និងចម្រៀងបែបសិចស៊ី លេងស្ទីលយុវវ័យ កញ្ញា ហ្វីហ្វី បានចេញមុខទម្លាយអាថ៌កំបាំងផ្ទាល់ខ្លួន បន្ទាប់ពីឆាកជីវិតរបស់នាង តែងតែទទួលបាននូវ ភាពបរាជ័យ ដោយក្នុងនោះ នាងបានកត់សម្គាល់ឃើញថា មានតែពីរចំណុច ប៉ុណ្ណោះ ដែលនាំនាងឲ្យធ្លាក់ចូលក្នុងផ្លូវមួយនេះ។ ពីរចំណុចដែលបានទាញ កញ្ញា ហ្វីហ្វី ឲ្យចូលក្នុងរណ្ដៅបរាជ័យ ត្រូវបាននាងបង្ហើបថា គឺការទុកចិត្តមនុស្សនៅក្បែរខ្លួនខ្លាំងពេក និងការរាប់មិត្តភក្តិ ប៉ះចំតែមនុស្សអាត្មានិយម មិនដូចអ្វីដែលនាងបានចំណាយទឹកចិត្ត ស្រឡាញ់គេទាំងអស់គ្នាវិញ នោះទេ។</span></p>
<p><span style="color: #000000;">តារាស្រីកញ្ញា ហ្វីហ្វី បានទម្លាយថា<strong> «ពេលដែលទៅណាមកណា ឬធ្វើអ្វីមួយភាគច្រើនណាស់ ដែលខ្ញុំទទួលបានជោគជ័យ តែមានរឿង២យ៉ាង ដែលខ្ញុំបរាជ័យ គឺទុកចិត្តមនុស្ស និងរាប់អានមិត្តភក្តិ គឺខ្ញុំមិនដែលជោគជ័យ មិនមែនមិនមានមិត្តល្អ តែកម្រមានមិត្តដែលស្រឡាញ់រាប់អានខ្ញុំ ដូចខ្ញុំស្រឡាញ់គេណាស់។ លាសិនហើយមនុស្សអាត្មានិយម សូមឈប់ត្រឹមហ្នឹង លែងចង់ធ្វើល្អជាមួយនរណាទៀតហើយ បាយ បាយ..!»</strong>។</span></p>
<p><span style="color: #000000;">ទោះបីជាមានការលើកឡើងបែបនេះ ពីសំណាក់តារាស្រី កញ្ញា ហ្វីហ្វី ចំពោះរឿងដែលបរាជ័យ លើការរាប់អានមិត្តភក្តិយ៉ាងនេះ ក៏ពិតមែន។ ប៉ុន្តែនាងមិនបានទម្លាយពីបុគ្គល ដែលបោកចិត្ត ឬនិយាយកុហកនាងឲ្យមហាជនបានដឹង និងស្គាល់ជាសាធារណៈនោះឡើយ ខណៈកន្លងមកតារាស្រីរូបនេះ ហាក់ដូចជាពុំសូវមានជម្លោះ ជាមួយនរណាម្នាក់នោះទេ។</span></p>
<p><span style="color: #000000;">សូមបញ្ជាក់ថា តារាស្រីកញ្ញា ហ្វីហ្វី ជាការកត់សម្គាល់ ត្រូវបានគេដឹងថា នាងក៏ជាតារាស្រីមួយរូប ចូលចិត្តស្លៀកពាក់ តុបតែងខ្លួនរបៀបសិចស៊ី បញ្ចេញសាច់គល់ភ្លៅសខ្ចី រន្ធផ្ចិត និងដើមទ្រូងមូលក្បំ ទាមទារការចាប់អារម្មណ៍ និងគាំទ្រពីសំណាក់ទស្សនិជន ផងដែរ៕</span></p>
<p><span style="color: #000000;"><img src="http://image.freshnewsasia.com/2016/fn-2017-01-04-16-53-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2017-01-04-16-53-25-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2017-01-04-16-53-25-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2017-01-04-16-53-25-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2017-01-04-16-53-26-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>