<div>
<p><span style="color: #000000;"><strong>(មេនឆេស្ទើ)៖</strong> ក្រុម Leicester City ដែលកំពុងឈរនៅលេខ១កំពូលតារាង Premier League បច្ចុប្បន្ននឹងធ្វើដំណើរ ទៅជួបក្រុមម្ចាស់ផ្ទះ Manchester City ដែលកំពុងឈរនៅលេខ២ នាម៉ោង ១៩៖៤៥នាទីក្បាលព្រលប់នេះ (ម៉ោង នៅកម្ពុជា) បើកឆាកសប្តាហ៍ទី២៥មុនគេ ក្នុងជើងទី២ ។</span></p>
<p><span style="color: #000000;">ក្រុមដែលទើបតែឡើងមកលេងនៅក្របខណ្ឌកំពូលអង់គ្លេសរដូវកាលនេះ Leicester City នឹងត្រូវអស់តំណែងកំពូល តារាងធ្លាក់មកលេខ២វិញ ប្រសិនបរាជ័យនៅក្នុងទឹកដី Etihad របស់ Man City យប់នេះ បើទោះបីជាមាន៥០ពិន្ទុស្មើគ្នា ព្រោះថាទាំងគ្រាប់ស៊ុតចូលទីគេ របូតវិញ និងចំណេញគ្រាប់បាល់ សុទ្ធតែចាញ់ក្រុមដែលកំពុងដឹកនាំដោយគ្រូបង្វឹក Manuel Pellegrini ទាំងអស់ តែបើទប់បានស្មើវិញនោះ គឺមិនមានអ្វីប្រែប្រួលនោះទេ ។</span></p>
<p><span style="color: #000000;">កាលពីលេងនៅកីឡដ្ឋាន King Power របស់ខ្លួនសប្តាហ៍មុន Leicester យកបាន៣ពិន្ទុយ៉ាងស្រួល ក្រោយពីយក ឈ្នះក្រុមខ្លាំង Liverpool ២-០ ដែលជាការធ្វើបានសម្រេដោយកីឡាករវ័យ២៨ឆ្នាំ Jamie Vardy ទាំងពីរគ្រាប់តែម្តង បន្ទាប់ពីជាសំស្បើយពីរបួសសរសៃពួរជើងបន្តិចបន្ទួចមក គ្រាដែលក្រុមរងជើងឯកឆ្នាំទៅមេឃខៀវ Man City បានយកឈ្នះម្ចាស់ផ្ទះ Sunderland តែ ១-០ ប៉ុណ្ណោះ ដោយកីឡាករខ្សែប្រយុទ្ធលេខ១ប្រចាំក្លឹប Sergio Aguero នៅនាទីទី១៦ ។</span></p>
<p><span style="color: #000000;">ប្រវត្តិជួបគ្នា៤ដងចុងក្រោយនៅក្នុងផ្ទះរបស់ Man City ក្រុមថ្មី Leicester City បានលេងចាញ់២ដង ស្មើ១ និងឈ្នះម្តងដែរ ហើយកាលពីជើងទី១ នៃរដូវកាលនេះឆ្នាំ ២០១៥-២០១៦នេះ Leicester ហែកចែកគ្នាម្នាក់១ពិន្ទុ ក្រោយប្រកួតពេញម៉ោងមានលទ្ធផលស្មើគ្នា ០-០ ៕</span></p>
<p style="text-align: center;"><span style="color: #000000;"><img src="http://newsth.com/sport/wp-content/uploads/2015/12/hasil-pertandingan-Leicester-City-vs-Manchester-City-.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.telegraph.co.uk/multimedia/archive/03537/Raheem_Sterling2_3537260b.jpg" alt="" width="730" /></span></p>
<p style="text-align: center;"><span style="color: #000000;">រូបភាពកាលពីជួបគ្នាក្នុងជើងទី១ លទ្ធផលផ្លូវការ ០-០</span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpt1/v/t1.0-9/12654151_1045696172149807_4262127147363116021_n.jpg?oh=93214ae4a1fef378687e82fb9bfdcb1e&oe=573826A2&__gda__=1463052578_1fff64a32379aea359828a3530fd0ad6" alt="" width="730" /></span></p>
<p style="text-align: center;"><span style="color: #000000;">កម្មវិធីប្រកួតប្រចាំសប្តាហ៍ទី២៥</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12662649_1045696178816473_5998196003881044033_n.jpg?oh=ba637d0c16c82b2ebde3444c9bb7a891&oe=576E94FF" alt="" width="730" /></span></p>
<p style="text-align: center;"><span style="color: #000000;">តារាងពិន្ទុបណ្តោះអាសន្នប្រចាំសប្តាហទី២៤</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>