<p><span style="color: #000000;"><strong>(អាមេរិក)៖</strong> នាយកប្រតិបត្តិក្រុមហ៊ុន Apple លោក Tim Cook នឹងទៅបំពេញទស្សនកិច្ចជាផ្លូវការមួយក្នុងទីក្រុងប៉េកាំង ប្រទេសចិន ក្នុងពេលឆាប់ៗនេះ ដើម្បីជួបពិភាក្សាជាមួយមន្ត្រីរដ្ឋាភិបាលជាន់ខ្ពស់របស់ចិន ខណៈដែលទីផ្សារភាគហ៊ុនរបស់ Apple ដាំក្បាលចុះយ៉ាងខ្លាំង ជាពិសេសគឺប្រទេសចិន នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី៩ ខែឧសភា។</span></p>
<p><br /><a class="thickbox" title="" href="/FileManager/Commons/2016/5/9/08ab-09-05-2016--15-17-23.jpg"><img src="/FileManager/Articles/mce/2016/5/9/08ab-09-05-2016--15-17-23.jpg" alt="" /></a></p>
<p><span style="color: #000000;">នៅក្នុងរយៈពេល ៥ឆ្នាំចុងក្រោយនេះ លោក Tim Cook បានទៅបំពេញទស្សនកិច្ចនៅចិនជាញឹកញាប់ ប៉ុន្តែការបំពេញទស្សនកិច្ចលើកនេះ គឺមានសារសំខាន់ជាងលើកណាទាំងអស់ ព្រោះថា តួលេខនៃការលក់ iPhone នៅចិន ក៏ធ្លាក់ចុះនៅក្នុងត្រីមាសដើមឆ្នាំនេះ ជាពិសេសគឺទីផ្សារភាគហ៊ុន Apple បានធ្លាក់ចុះរហូតដល់ជាង ២០ភាគរយ មិនធ្លាប់មាននៅក្នុងប្រវត្តិសាស្ត្រ មួយវិញទៀត តុលាការចិន បានសម្រេចក្ដីឲ្យ Apple ចាញ់ក្នុងជម្លោះប៉ាតង់ IPHONE ជាមួយនឹងក្រុមហ៊ុនចិន។</span></p>
<p><span style="color: #000000;">មូលហេតុធំៗទាំងនេះហើយ ដែលជំរុញឲ្យលោក Tim Cook សម្រេចចិត្តទៅបំពេញទស្សនកិច្ចនៅចិន ដើម្បីពិភាក្សាជាមួយនឹងដៃគូពាណិជ្ជកម្ម និងជាពិសេសគឺរដ្ឋាភិបាលចិនតែម្ដង។</span></p>
<p><span style="color: #000000;">គួរបញ្ជាក់ផងដែរថា ទីផ្សារភាគហ៊ុនរបស់ក្រុមហ៊ុន Apple មិនធ្លាប់ធ្លាក់ចុះយ៉ាងដូច្នេះឡើយ ក្នុងរយៈពេល ១៣ឆ្នាំចុងក្រោយមកនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/9/29-09-05-2016--13-53-20.jpg"><img src="/FileManager/Articles/mce/2016/5/9/29-09-05-2016--13-53-20.jpg" alt="" /></a><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>