<p><span style="color: #000000;"><strong>(ភ្នំពេញ)៖</strong> នៅម៉ោង៩៖៣០នាទីព្រឹកថ្ងៃទី១៧ ខែតុលា ឆ្នាំ២០១៦នេះសពលោក សេក បរិសុទ្ធ ដែលជាអ្នកកាសែតជើងចាស់ និងជាទីប្រឹក្សាព័ត៌មាន ផ្នែកភាសាអង់គ្លេសរបស់អង្គភាពព័ត៌មាន Fresh News ជាបុគ្គលិកបម្រើការងារនៅអង្គការ AEA ត្រូវបានក្រុមគ្រួសារដឹកសពមកដល់វត្តទួលទំពូងហើយ ដើម្បីតម្កល់រៀបចំធ្វើបុណ្យតាមប្រពៃណី។</span></p>
<p><span style="color: #000000;">ការបាត់បង់លោក សេក បរិសុទ្ធ គឺជាការបាត់បង់នូវធនធានអ្នកកាសែតម្នាក់ គួរឲ្យសោកស្តាយជាទីបំផុត ពីព្រោះលោកត្រូវបានអ្នកកាសែតស្ទើរតែគ្រប់គ្នា បានស្គាល់ និងធ្លាប់ទទួលបានចំណេះដឹងពីលោក។ ជាមួយគ្នានេះអ្នកដែលគួរឲ្យអាណិតយ៉ាងពន់ពេកនោះ គឺភរិយា និងកូនៗរបស់លោក ដែលរស់នៅក្រោមបន្ទុកទាំងអស់ ដូច្នេះសូមអ្នកកាសែតរួមអាជីពអញ្ជើញចូលរួមបុណ្យសពលោក សេក បរិសុទ្ធ បានគ្រប់ៗគ្នាផង។</span></p>
<p><span style="color: #000000;">សូមបញ្ជាក់ថា លោក សេក បរិសុទ្ធ អាយុ៥០ឆ្នាំ និងបុគ្គិលរបស់លោក២នាក់ទៀត ពេលកំពុងធ្វើដំណើរទៅបំពេញបេសកកម្មក្នុងនាមអង្គការ AEA ទៅខេត្តរតនគិរី បានជួបគ្រោះថ្នាក់ចរាចរណ៍ក្រឡាប់រថយន្ត នៅទឹកដីស្រុកសំបូរ ខេត្តក្រចេះ នៅរសៀលថ្ងៃទី១៦ ខែតុលា ឆ្នាំ២០១៦រហូតបាត់បង់ជីវិត។ លោក សេក បរិសុទ្ធ ក៏មានតួនាទីជាទីប្រឹក្សានៅសហភាពសហព័ន្ធអ្នកសារព័ត៌មានកម្ពុជា។</span></p>
<p><span style="color: #000000;">អធិការនគរបាលស្រុកសំបូរ ខេត្តក្រចេះ បានបញ្ជាក់ថា គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៣:៣៥នាទីថ្ងៃទី១៦ ខែតុលា ឆ្នាំ២០១៦នេះ ស្ថិតនៅចំណុចអូរកណ្តៀរភូមិអូរព្រះ ឃុំអូរគ្រៀង ស្រុកសំបូរផ្លូវជាតិលេខ៧ ក្រចេះ-ស្ទឹងត្រែង។</span></p>
<p><span style="color: #000000;">មន្រ្តីនគរបាលបានបញ្ជាក់ទៀតថា គ្រោះថ្នាក់ចរាចរណ៍បង្កដោយខ្លួនឯង នៅពេលរថយន្តប្រភេទ Pick up ពណ៌មាស ពាក់ស្លាកលេខ OMG442002 របស់អង្គការ AEA ធ្វើដំណើរពីទិសត្បូងទៅជើងដល់ចំណុចកើតហេតុ គេចក្មេងរត់ឆ្លងកាត់ផ្លូវបណ្តាលឲ្យក្រឡាប់ បណ្តាលឲ្យលោក សេក បរិសុទ្ធ ដែលអង្គុយនៅខាងមុខ ជាប់ជាមួយតៃកុង គៀបជាប់ជាមួយរថយន្ត ស្លាប់ភ្លាមៗតែម្តង។ ដោយឡែកជនរងគ្រោះ២នាក់ទៀត មានស្រីម្នាក់អង្គុយពីក្រោយ បានរងរបួសធ្ងន់ស្រាល។</span></p>
<p><span style="color: #000000;">សូមបញ្ជាក់ថា លោក សេក បរិសុទ្ធ គឺជាគ្រូបង្រៀនអ្នកសារព័ត៌មាននៅសកលវិទ្យាល័យភូមិន្ទភ្នំពេញ ហើយលោកក៏ធ្លាប់បានបង្រៀនវគ្គខ្លីៗ ដល់អ្នកកាសែតកម្ពុជាជាច្រើននាក់ផងដែរ។ សូមដួងវិញ្ញាណក្ខន្ធរបស់លោក ទៅកាន់សុខគតិភព កុំបីឃ្លៀងឃ្លាតឡើយ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2F883354018404207%2Fvideos%2F1235409099865362%2F&show_text=0&width=400" frameborder="0" width="730" height="900"></iframe></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-16-08-32-52-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-16-08-35-03-0.jpg" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/14642275_2165444877015036_1812535568809291818_n.jpg?oh=f03076a0cd4b9047dd9dc1e0c956969f&oe=58A7C0B3" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-16-08-31-36-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-16-08-31-36-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>