<p><span style="color: #000000;"><strong>ភ្នំពេញ៖</strong> ជនសង្ស័យពីរនាក់ ក្នុងចំណោមបក្ខពួកគេបីនាក់ ត្រូវបានប្រជាពលរដ្ឋ ស្ទាក់ដេញចាប់វាយទ្រោមខ្លួន ទើបប្រគល់ឲ្យនគរបាលចាត់ការ ទៅតាមផ្លូវច្បាប់ កាលពីវេលាម៉ោង២០និង៣០នាទី យប់ថ្ងៃទី៩ ខែវិច្ឆិកា ឆ្នាំ២០១៤ ស្ថិតនៅក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។ </span></p>
<p><span style="color: #000000;">នគរបាលបានឲ្យដឹងថា ជនរងគ្រោះឈ្មោះ ម៉ី ប៊ុណ្ណារិទ្ធ ភេទប្រុស អាយុ៣៤ឆ្នាំ មុខរបរកម្មកររោងចក្រ ស្នាក់នៅផ្ទះជួល ភូមិជ្រៃកោង សង្កាត់ចោមចៅ ខណ្ឌ ពោធិ៍សែនជ័យ និងប្អូនប្រុសអង្គុយពីក្រោយ ឈ្មោះ ឡេង ពិសាល អ្នកទាំងពីរជិះម៉ូតូមួយគ្រឿង ម៉ាកហុងដាសេ១២៥ ពណ៌ខ្មៅស៊េរីឆ្នាំ២០១៣ ពាក់ស្លាកលេខ កំពង់ចាម 1K 0689 ។ ជនសង្ស័យ ដែលត្រូចឃាត់ខ្លួនបាន ទី១ ឈ្មោះធី សុផល ហៅពៅ ភេទប្រុស អាយុ១៨ឆ្នាំ មុខរបរកម្មករ ទី២ មានឈ្មោះ ជៀក ជែម ភេទប្រុស អាយុ២៥ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ហើយម្នាក់ទៀត ដែលរត់គេចខ្លួនបាត់នោះ ពុំត្រូវបានគេស្គាល់ ឈ្មោះនោះទេជាជនដៃដល់។</span></p>
<p><span style="color: #000000;">តាមជនរងគ្រោះរៀបរាប់ ប្រាប់នគរបាលថា មុនពេលកើតហេតុពួកគេទាំងពីរនាក់ បានរើឥវ៉ាន់ចេញពីបន្ទប់ចាស់ ទៅកាន់បន្ទប់ថ្មី ដោយបានដឹកឥវ៉ាន់តាមម៉ូតូ ដោយឲ្យឌុបប្អូនប្រុសអង្គុយឱបឥវ៉ាន់ពីក្រោយ។ លុះពេលឌុបគ្នាចេញបានបន្តិច ស្រាប់តែមានជនសង្ស័យបីនាក់ ដើរមកពីមកមុខ ពេលមកដល់ទន្ទឹមគ្នានោះ ស្រាប់តែម្នាក់ក្នុងចំណោមបក្ខពួកគេ យាដាវកាប់សំដៅមកលើជនរងគ្រោះទាំងពីរ ប៉ុន្តែត្រូវបានប្អូនប្រុសអង្គុយពីក្រោយ លើកថង់ឥវ៉ាន់រងជាប់ ពុំបណ្តាលឲ្យត្រូវ មនុស្សនោះទេ។ ហើយជនរងគ្រោះ ក៏បានស្រែកចោរៗ ទើបប្រជាពលរដ្ឋបានដឹង និងនាំគ្នាចេញមកធ្វើអន្តរាគមន៍ ដេញចាប់បានជនសង្ស័យ២នាក់ វាយ១ដៃ១ជើង ឡើងទ្រោមខ្លួន ទើបប្រគល់ឲ្យនគរបាល ចំណែកឯជនដៃដល់បានកាន់ដាវរត់គេចខ្លួនបាត់។</span></p>
<p><span style="color: #000000;">បច្ចុប្បន្នជនសង្ស័យទាំងពីរ ត្រូវបានឃុំខ្លួនជាបណ្តោះអាសន្ន នៅអធិការដ្ឋានផ្នែកជំនាញ ព្រហ្មទណ្ឌ ដើម្បីធ្វើការសាកសួរ និងកសាងសំណុំរឿងបញ្ជូន ទៅកាន់ តុលាការចាត់ការទៅតាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/10/11-10-2014-12-56-54-pm-10-11-2014--13-03-58.jpg"><img src="/FileManager/Articles/mce/2014/11/10/11-10-2014-12-56-54-pm-10-11-2014--13-03-58.jpg" alt="" /></a></span></p>
<p><a class="thickbox" title="" href="/FileManager/Commons/2014/11/10/11-10-2014-12-57-15-pm-10-11-2014--13-04-15.jpg"><img src="/FileManager/Articles/mce/2014/11/10/11-10-2014-12-57-15-pm-10-11-2014--13-04-15.jpg" alt="" /></a></p>
<p><a class="thickbox" title="" href="/FileManager/Commons/2014/11/10/11-10-2014-12-57-29-pm-10-11-2014--13-04-25.jpg"><img src="/FileManager/Articles/mce/2014/11/10/11-10-2014-12-57-29-pm-10-11-2014--13-04-25.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>