<p>ទោះជាបុរសរៀបការ ជាមួយភរិយា រួចហើយក្តី ក៏នៅតែត្រូវការ ពិភពផ្ទាល់ខ្លួនរបស់គេ ដាក់ ដោយ ឡែកមួយដែរ ហើយក្នុងចិត្តរបស់គេ ក៏នៅមានអាថ៍កំបាំងមួយ ចំនួនដែលមិនចង់ឲ្យភរិយា ដឹង....។</p>
<p><strong>១- មានអារម្មណ៍ថា ភរិយាជាមនុស្សគូរឲ្យធុញថប់</strong></p>
<p>ទោះជាពីមុនភរិយាជា “ស្ត្រីដ៏គួរឲ្យស្រលាញ់បំផុតក្នុងលោក” ក្តីប៉ុន្តែពេលរស់នៅ ជាមួយ គ្នាយូរៗទៅ គេអាចមាន អារម្មណ៍ថា អ្វីដែលគេធ្លាប់ធ្វើ ធា្លប់គិត ធ្លាប់សម្រេចចិត្ត តែម្នាក់ឯង បានយ៉ាង ឯករាជ្យ នោះ មកល់ពេលនេះ មានភរិយាកំពុង តែជ្រៀតជ្រែក និងកកូរកកាយ ក្នុងជីវិតរបស់គេ ។</p>
<p><strong>២- មានអារម្មណ៍ថា ភរិយាជាដើមហេតុនៃការលំបាក </strong></p>
<p>ពេលស្រលាញ់គ្នាថ្មីៗ គេបម្រើគូស្នេហ៍ យ៉ាងពេញចិត្តតែនៅពេលបាន គ្នាជាស្វាមី ភរិយាយូរៗ ទៅគេអាច មានអារម្មណ៍ថា ការមានភរិយា បានធ្វើឲ្យគេមានការលំបាក យ៉ាងធំធេង ប៉ុន្តែសុខចិត្ត ស៊ូទ្រាំ ។</p>
<p><strong>៣- យកលេសការងារ ដើម្បីសេរីភាពផ្ទាល់ខ្លួន</strong></p>
<p>គេអាចយកពេលការងារ ជាមូលហេតុអ្វីធ្វើឲ្យគេត្រូវ ត្រលប់មកផ្ទះ យប់ជ្រៅ ដែលធ្វើឲ្យ ភរិយាមិន មានការសង្ស័យ ឬបារម្ភ ។ ប៉ុន្តែជួនកាលក៏ត្រូវបែកការ ពេលនាងទូរស័ព្ទទៅសួរ នៅការិយាល័យ ធ្វើ របស់គេ (មិនមែនទូរស័ព្ទដៃទេ) ដើម្បីជាការពិនិត្យមើលថា តើគេនៅកន្លែង ធ្វើការមែន ឬយ៉ាងណា ?</p>
<p><strong>៤- ប្រៀបធៀបភរិយា នឹងសង្សារចាស់របស់គេ </strong></p>
<p>ជួនកាលគេអាចលួចគិតថា បើគេមិនស្រឡាញ់ ភរិយាសព្វថ្ងៃនេះទេ ហើយនៅ ស្រឡាញ់ គូស្នេហ៍ ចាស់ គេប្រហែលជាមាន សេចក្តីសុខ ជាងនេះដែរឬទេ ? ការសម្រេចចិត្ត រួមរស់ស្នេហា ជាមួយភរិយា សព្វថ្ងៃ ជាការសម្រេចចិត្តខុសឆ្គង ឬការត្រឹមត្រូវ ? ពេលគេខូចចិត្ត ឬក្រៀមក្រំ ដោយសារភរិយា ធ្វើឲ្យចិត្តរបស់គេ តែងតែរវើរវាយ នឹកដល់គូស្នេហ៍ចាស់ថា នាងប្រហែល ជាមិនធ្វើ ឲ្យគេក្រៀមក្រំ ដល់ថ្នាក់នេះទេ ។</p>
<p><strong>៥- ធ្លាប់គិតក្បត់ចិត្តភរិយា </strong></p>
<p>វាគ្រាន់តែជាការគិត ប៉ុណ្ណោះ ហើយតែងតែកើតឡើង នៅពេលដែលភ្នែក របស់គេបាន ឃើញរូប ស្រីស្អាត ត្រចៀករបស់គេ បានឮសូររឿងរ៉ាវរបស់ស្ត្រី ដែលទាក់ទាញ កាមារម្មណ៍បុរស ដែលធ្វើឲ្យ អារម្មណ៍គេ ពុះកញ្ច្រោលឡើង ។ ប៉ុន្តែនៅពេលមានភរិយា ក្បែរកាយ គេប្រហែលជា មិនគិត ផ្តេសផ្តាស ទៅរកស្ត្រីផ្សេងនោះទេ គេគិតតែពីស្វែងរក សេចក្តីសុខ ជាមួយភរិយាប៉ុណ្ណោះ ។</p>
<p><strong>៦- តែធ្វើពុតជាមិន ចាប់អារម្មណ៍អើពើនឹងភរិយា</strong></p>
<p>ស្ត្រីតែងតែបង្ហាញថា ខ្លួនផ្តល់ការចាប់អារម្មណ៍ គ្រប់យ៉ាងលើគូស្នេហ៍ និងតែងតែបង្ហាញ ការ ហួងហែង កង្វល់ដែលមាន ចំពោះគូស្នេហ៍ យ៉ាងច្បាស់និងមិនបាន បិតបាំងអារម្មណ៍របស់ខ្លួន ។ ប៉ុន្តែចំពោះបុរសវិញ បែរជាធ្វើឬកជាមិនអើពើ មិនខ្វាយខ្វល់ឬ មិនចាប់អារម្មណ៍ចំពោះស្ត្រី ជាគូស្នេហ៍ ខណៈដែលចិត្ត ពិតប្រាកដ របស់គេ មានការបារម្ភ និងស្រឡាញ់ភរិយាស្ទើលេប ។</p>
<p><strong>៧- មានខ្ទង់សន្សំផ្ទាល់ខ្លួន </strong></p>
<p>ចំពោះស្ត្រី ក្រៅពីចាប់អារម្មណ៍រូបសង្ហានឹងគុណសម្បតិ្ត ជាសុភាពបុរសរបស់ ស្វាមីហើយ ក៏ចាប់ អារម្មណ៍លើខ្ទង់ ចំណូលរបស់គេដែរ ដើម្បីធានាជីវភាពរស់នៅ ឲ្យសមរម្យ មិនខ្វះមុខខ្វះក្រោយ ។ ប៉ុន្តែបុរសខ្លះ អាចមានខ្ទង់សន្សំផ្ទាល់ខ្លួន មិនឲ្យភរិយាដឹង ដូចជាលាក់ទុក ក្នុងទីកំបាំង ភ្នែកឬបើក គណនីសន្សំនៅធនាគារ ឬធ្វើលិខិតស្នាម លាក់បាំងចំណូលរបស់ខ្លួន ដើម្បីឲ្យភរិយាទុកចិត្ត ...។</p>
<p><strong>៨- លួងលោម ឲ្យភរិយាទន់ចិត្តដើម្បីគេចទៅសប្បាយ</strong></p>
<p>ដើម្បីផ្តល់កិត្តិយស និងផ្តល់ភាពក្រែងចិត្តចំពោះភរិយា បុរសតែងសុំយោបល់ឬការ អនុញ្ញាតពីភរិយា នៅពេលចង់ ធ្វើអ្វីមួយ ប៉ុន្តែគេដឹងថា ការសុំអនុញ្ញាតពាក្យ សម្តីច្បាស់ជាមិនទាន់ គ្រប់គ្រាន់ឡើយ គេនឹងខិតមក ជិតភរិយា បោះរង្វង់ដៃទៅក្រសោប កាយភរិយា រូចចាប់ផ្តើមប្រលោម រហូតដល់ភរិយា ទន់ចិត្ត និងយល់ព្រម ឬអាចថែមដោយពាក្យអង្វរថា “កុំយប់ជ្រៅពេកណា! អូននៅចាំផ្លូវ” ....៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-017/chetha-85.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/January/id-017/chetha-84.jpg" alt="Photo by LookingTODAY" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27120-2014-01-29-01-29-50.html"><span style="color: #0000ff;">ដើមអំពិល</span></a></p>