<p><span style="color: #000000;"><strong>(ភ្នំពេញ)៖</strong> តារាចម្រៀងលេចធ្លោ និងមានប្រជាប្រិយខាងកិច្ចការងារសង្គម លោក ទិត្យ វិច្ឆិកា នាថ្ងៃទី០៦ ខែវិច្ឆិកា ឆ្នាំ២០១៦ម្សិលមិញ បានសម្រេចចិត្តរៀបចំពិធីភ្ជាប់ជាផ្លូវការ ជាមួយនារីវ័យក្មេងរូបស្អាតម្នាក់ ក្រោយពីពួកគេបានស្គាល់គ្នា អស់រយៈពេលជាច្រើនឆ្នាំមកនោះ។ មិនតែប៉ុណ្ណោះក្នុងពិធីភ្ជាប់ពាក្យ របស់លោក ទិត្យ វិច្ឆិកា គេក៏សង្កេតឃើញ មានការអញ្ជើញភ្ញៀវកិត្តិយស ចូលរួមច្រើន ក្រៅតែពីឪពុក-ម្តាយទាំងសងខាង។</span></p>
<p><span style="color: #000000;">បង្ហោះភ្ជាប់ជាមួយរូបថត ជាច្រើនសន្លឹកនៃពិធីភ្ជាប់ពាក្យនេះ លោក ទិត្យ វិច្ឆិកា ក៏បាននិយាយថា «ខ្ញុំសូមគោរពនឹងថ្លែងអំណរគុណ ចំពោះលោកឪពុកអ្នកម្តាយលោកពូអ្នកមីងជាទីស្រឡាញ់ ព្រមទាំងបងប្រុសបងស្រីទាំងសងខាង ហើយខ្ញុំបាទ ក៏សូមអរគុណសំឡាញ់ទាំងអស់គ្នា ដែលបានមកចូលរួម។ ពេលនេះខ្ញុំចង់និយាយថា ខ្ញុំស្រឡាញ់អ្នកមានគុណណាស់ ព្រោះអ្នកមានគុណមានចិត្តមេត្តា សណ្តោសប្រណីមកដល់រូបខ្ញុំបាទ!»។</span></p>
<p><span style="color: #000000;">តារាចម្រៀង លោក ទិត្យ វិច្ឆិកា បានបន្តថា «ខ្ញុំក៏សូមក្រាបថ្វាយបង្គំ ទៅដល់ទេវតា ដែលបានផ្តល់នារីម្នាក់ ដែលមានចិត្តសប្បុរស ចេះស្រឡាញ់នឹងយល់ចិត្ត អ្នកមានគុណជាពិសេសគាត់មិនដែល និយាយពាក្យថា នឿយហត់នោះទេ ពេលដែលចេញទៅតាមតំបន់ដាច់ស្រយាល ដើម្បីជួយសង្គម ជាមួយនឹងខ្ញុំ។ អរគុណអូន ដែលបានយល់ព្រមធ្វើជាភរិយា របស់បង»។</span></p>
<p><span style="color: #000000;">ជាមួយគ្នា នៃដំណឹងភ្ជាប់ពាក្យរបស់លោក ទិត្យ វិច្ឆិកា នេះដែរ នៅលើបណ្តាញសង្គមហ្វេសប៊ុក ត្រូវបានគេកត់សម្គាល់ឃើញថា មានទស្សនិកជនជាច្រើន បានសម្តែងការភ្ញាក់ផ្អើល ខណៈនៅសុខៗស្រាប់តែ លោក ទិត្យ វិច្ឆិកា ភ្ជាប់ពាក្យជាមួយនារីវ័យក្មេង ឈ្មោះ កុយ សុផាឡា យ៉ាងស្រស់ស្អាតបែបនេះ។ ម្យ៉ាងទៀតក្នុងនោះ ក៏មានមហាជនខ្លះទៀត បានផ្ញើសារជូនពរគូស្នេហ៍ របស់អ្នកទាំងពីរឲ្យសមតាមបំណង រហូតទៅថ្ងៃអនាគតផងដែរ៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/14915232_1632822766744027_1144468356099879015_n.jpg?oh=702a508ac0850eb3c34739c030bf490e&oe=5891D304&__gda__=1489576108_7a5522cb04b09c7ee835acd7290a1d7f" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14993520_1632822860077351_354821558936080557_n.jpg?oh=567ca05611870502a4e2db44ed39c94b&oe=589AF2FA" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14980628_1632822863410684_6292762073123680301_n.jpg?oh=abf33e2f1f374545fbefeaa12e43758a&oe=589DD922" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfa1/v/t1.0-9/14937233_1632822763410694_8590087465181762080_n.jpg?oh=39051a250b031cd96633b5a459d75f1f&oe=589C400A&__gda__=1485523841_b443dc7709839c25a7e8a29a5513ce95" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/14963218_1632822773410693_5764336774944841296_n.jpg?oh=d7897adb9f9ea93f1a13d3ac72dde441&oe=5895FCD3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>