<p><span style="color: #000000;">ហេតុអ្វីបានជាលោក Jack Ma តែងតែជ្រើសរើសបុគ្គលិកភេទស្រី? មូលហេតុគឺថា ព្រោះតែគុណ</span><br /><span style="color: #000000;">សម្បត្តិដោយឡែករបស់ស្ដ្រី។</span></p>
<p><span style="color: #000000;">នៅក្នុងវេទិការសេដ្ឋកិច្ចពិភពលោក ដែលបានធ្វើឡើងនៅ Davos ប្រទេសស្វីស កាលពីឆ្នាំ ២០១៥</span><br /><span style="color: #000000;"> ស្ថាបនិក Alibaba ធ្លាប់បាននិយាយថា មួយក្នុងចំណោមមូលហេតុដែលនាំឱ្យក្រុមហ៊ុន Alibaba </span><br /><span style="color: #000000;">ទទួលបានជោគជ័យ គឺការជ្រើសរើសបុគ្គលិកភេទស្រី។</span></p>
<p><span style="color: #000000;"><a class="thickbox" title="" href="/FileManager/Commons/2016/9/3/jack-03-09-2016--09-35-48.jpg"><span style="color: #000000;"><img src="/FileManager/Articles/mce/2016/9/3/jack-03-09-2016--09-35-48.jpg" alt="" /></span></a></span></p>
<p><span style="color: #000000;">លោក Jack Ma ឱ្យដឹងថា ៖ “គន្លឹះដែលនាំទៅរកភាពជោគជ័យរបស់ Alibaba គឺការជ្រើសរើស</span><br /><span style="color: #000000;">បុគ្គលិកភេទស្រីជាច្រើននាក់” ហើយលោកបន្តថា ក្នុងចំណោម ៤៧% នៃបុគ្គលិកភេទស្រី គឺមាន</span><br /><span style="color: #000000;"> ៣៣% កាន់កាប់តំណែងជាន់ខ្ពស់។ នេះគឺជាចំនួនដ៏ច្រើន សម្រាប់ក្រុមហ៊ុនមួយនៅក្នុងប្រទេស</span><br /><span style="color: #000000;">ដែលមានបុរសច្រើនដូចប្រទេសចិន។</span></p>
<p><span style="color: #000000;">Jack Ma បកស្រាយថា ស្ដ្រីតែងតែគិតចំពោះអ្នកផ្សេងច្រើនជាងខ្លួនឯង។ នេះគឺជាគុណសម្បត្តិ</span><br /><span style="color: #000000;">សំខាន់បំផុតក្នុងការបម្រើអតិថិជនរបស់ក្រុមហ៊ុន Alibaba។</span></p>
<p><span style="color: #000000;">មួយក្នុងចំណោមឧទាហរណ៍លេចធ្លោសម្រាប់យុទ្ធសាស្ដ្រជ្រើសរើសបុគ្គលិករបស់ Alibaba នោះ</span><br /><span style="color: #000000;">គឺការបញ្ជូន Zhang Wei (ស្ដ្រីអ្នកជំនួញដែលធ្លាប់សិក្សានៅអាមេរិក) ពីសៀងហៃ ទៅកាន់ Los </span><br /><span style="color: #000000;">Angeles ដើម្បីគ្រប់គ្រងការិយាល័យរបស់ Alibaba នៅទីនេះ នៅពេលក្រុមហ៊ុនកំពុងត្រៀមខ្លួន</span><br /><span style="color: #000000;">សម្រាប់ “វាយលុក” ចូល Hollywood។</span></p>
<p><span style="color: #000000;">លោក Jack Ma ក៏ធ្លាប់ចែករំលែកអំពីមហិច្ឆតានៅ Hollywood ជាមួយនឹងការបង្កើតផ្នែកផលិត</span><br /><span style="color: #000000;">ភាពយន្ត Alibaba Pictures។ មហាសេដ្ឋីផ្នែក e-commerce រួមនឹងអ្នកវិនិយោគចិន បានចាប់ផ្ដើម</span><br /><span style="font-size: 12px; color: #000000;">សាងសង់បណ្ដាស្ទូឌីយោសម្រាប់ថតភាពយន្ដនៅ Hollywood ចាប់ពីឆ្នាំ ២០១៥។ </span></p>
<p><span style="color: #000000;">លោក Jack Ma ឱ្យដឹងថា អារម្មណ៍រំភើបចំពោះការផលិតភាពយន្តរបស់លោក បានចាប់ផ្ដើមពី</span><br /><span style="color: #000000;">ការចង់ផ្លាស់ប្ដូរនូវការយល់ឃើញរបស់ជនជាតិចិនចំពោះវិរបុរស ក៏ដូចជាវិរភាពនាបច្ចុប្បន្ន។</span></p>
<p><span style="color: #000000;">លោក Jack Ma បានសង្កត់ធ្ងន់ថា ៖ “ក្នុងខ្សែភាពយន្តអាមេរិក ស្ទើរតែទាំងអស់នៃវិរបុរសនៅភាគ</span><br /><span style="color: #000000;">ដំបូងៗ សុទ្ធតែមានលក្ខណៈដូចមនុស្សមិនបានការ ហើយពួកគេចាប់ផ្ដើមក្លាយជាអ្នកក្លាហាននៅ</span><br /><span style="color: #000000;">ពេលមានបញ្ហាធំកើតឡើង ប៉ុន្តែ ចុងក្រោយ ពួកគេក៏បានឆ្លងកាត់ការលំបាក ហើយក៏នៅមានជីវិត។</span><br /><span style="color: #000000;"> ប៉ុន្តែ ក្នុងខ្សែភាពយន្ដចិនវិញ អ្នកក្លាហានភាគច្រើន ចុងក្រោយ បានបាត់បង់ជីវិត ដូច្នេះ…ពុំមាន</span><br /><span style="color: #000000;">អ្នកណាចង់ក្លាយជាអ្នកក្លាហានទៀតទេ”។</span></p>
<p><span style="color: #000000;">យ៉ាងនេះក្ដី លោក Jack Ma ក៏មិនបានបង្ហើបបន្ថែមអំពីព័ត៌មានទាក់ទឹកនឹងផលិតកម្មរបស់ Alibaba</span><br /><span style="color: #000000;">នោះទេ៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ cnbc</span></p>