<p><strong>ភ្នំពេញៈ</strong> តារាសម្តែងពន្លកថ្មី កំពុងស្រវ៉ាបានតំណែង ជាស្រីស្នេហ៍គេ កញ្ញា ហេង ស្រីខួច បានទម្លាយឲ្យដឹងថា មានបុរសៗរូបសង្ហាជាច្រើន បានតាមប្រម៉ាញ់ស្នេហ៍ពីនាងមិនឈប់មិនឈរនោះទេ តែនាងហាក់មិនអើពើ ព្រោះតែពេលនេះ កំពុង ញាប់ដៃញាប់ជើង ជាមួយការងារសិល្បៈ រហូតលែងចង់គិតខ្វល់ពីរឿងស្នេហា ។</p>
<p>ស្រីស្អាតសិចស៊ី សម្រស់ឆើតឆាយ កញ្ញា ហេង ស្រីខួច បានបង្ហើបប្រាប់ LookingTODAY ឲ្យដឹងកាល ពីពេលកន្លងទៅថ្មីៗនេះថា ដោយសារតែបច្ចុប្បន្ន ការងារសិល្បៈរបស់នាង កំពុងតែចាប់ផ្តើម ងើបឡើង សម្បូរការងារច្រើនគួរសម ហេតុដូច្នេះហើយទើបធ្វើឲ្យនាង មិនសូវមានពេលទំនេរ គិតរឿងផ្សេង (សេ្នហា) ។</p>
<p>តារាស្រីសាច់សរម៉ដ្ឋ រលោងរូបនេះ បានអួតប្រាប់ថា " ខ្ញុំទទួលស្គាល់ថា កន្លងមកធ្លាប់មាន អ្នកតាមស្រលាញ់ច្រើនគួរ សមដែរ ភាគច្រើនជាអ្នករកស៊ី ប៉ុន្តែដោយសារតែខ្ញុំ មិនមានពេលទំនេរ ទើបខ្ញុំមិនចង់និយាយពីរឿងនេះ ដោយចំហរ ខ្លាចគេយល់ច្រឡំ។ សម្រាប់ខ្ញុំពេលនេះ គឺចង់ទុកពេលសម្រាប់ការងារ ឲ្យបានច្រើនសិន ពេលមានឈ្មោះល្បី ទើបគិតពីរឿងនេះ"។</p>
<p>នេះមិនមែនជាលើកទី១ទេ ដែលអ្នកសិល្បៈ ភាគច្រើន បានលើកឡើង ពេលដែលពួកគេបាន បោះជំហានចូលប្រឡូកសិល្បៈ ហើយតែងតែប្រកាស ក្តែងៗថា ខ្លួនមិនមានម្ចាស់ចិត្ត ឬក៏សង្សារអ្វីឡើយ ។ ប៉ុន្តែនៅទីបំផុត រងើកភ្លើងស្នេហ៍មួយ បានឆាបឆេះឡើង ធ្វើឲ្យមហាជនដឹងជាសាធារណៈ។ ដោយឡែក កញ្ញា ស្រីខួច បែរជានិយាយថា " រឿងស្នេហាពេលនេះ ខ្ញុំ មិនទាន់អាចនិយាយបានទេ ពេលណាពេលហ្នឹងចុះ..! ប្រសិនបើខ្ញុំនិយាយទៅ ទស្សនិកជនខ្លះ ក៏មិនជឿ ដូច្នេះមានតែឲ្យពេលវេលាជាអ្នកបង្ហាញឲ្យមហាជនដឹង..!" ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1086.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1087.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1088.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1089.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1090.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1091.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-141/photo-1092.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31314-2014-06-13-08-52-57.html" target="_blank">ផ្តល់សិទ្ធដោយ ៖ ដើមអម្ពិល</a></p>