<p><span style="color: #000000;">ថៃ ៖ <span style="font-size: 12px;">ដោយសារតែមានភ្លៀងធ្លាក់ខ្លាំងពេក ទើបបណ្តាលឲ្យទឹកឡើងខ្លាំង ព្រមទាំងបង្អាក់ការប្រឹងប្រែងស្វែងរកក្មេងៗចំនួន ១២ នាក់ និងគ្រូបង្វឹកបាត់ទាល់ម្នាក់ ដែលបានបាត់ខ្លួននៅក្នុងរូងភ្នំនៅភាគខាងជើងនៃប្រទេសថៃ ។ នៅក្នុងនោះផងដែរ កាបូមទឹកត្រូវបានផ្អាក ហើយគេក៏សម្រេចចិត្តរកវិធីសាស្រ្តផ្សេងដើម្បីជួយសង្រ្គោះក្មេងៗទាំងនោះ ។ </span></span></p>
<p><span style="color: #000000;">ក្មេងប្រុសដែលមានអាយុចាប់ពី ១១ ទៅដល់ ១៦ ឆ្នាំ ព្រមទាំងគ្រូបង្វឹកអាយុ ២៥ ឆ្នាំ ត្រូវបានគេដឹងថា ពួកគេបាននាំគ្នាចូលទៅក្នុងរូងភ្នំនោះ កាលពីថ្ងៃសៅរ៍ ហើយក៏ទាក់ទងមិនបានចាប់តាំងពីពេលនោះមក ។</span></p>
<p><span style="color: #0000ff;"><a href="/News/Detail/46014/heavy-rains-frustrate-search-for-teen-soccer-team-trapped-in-thai-cave" target="_blank"><span style="color: #0000ff;">-ចុចអាន ៖ ក្មេង ១២ នាក់និងគ្រូហ្វឹកហាត់បាល់ទាត់ម្នាក់ អាចនឹងនៅមានជីវីត ប៉ុន្តែអាចមានអ្វីមួយបិទបាំង</span></a></span></p>
<p><a class="thickbox" title="" href="/FileManager/Commons/2018/6/28/32-28-06-2018--14-32-27.PNG"><img src="/FileManager/Articles/mce/2018/6/28/32-28-06-2018--14-32-27.PNG" alt="" /></a></p>
<p><span style="color: #000000;">អាជ្ញាធរថៃបានថ្លែងថា ពួកគេគ្រោងនឹងខួងដើម្បីឲ្យមានផ្លូវតូច ដើម្បីបង្កើតជាច្រកចូលទៅក្នុងរូងភ្នំនោះបាន ។ </span><span style="color: #000000; font-size: 12px;">ក្រុមអ្នកជួយសង្រ្គោះបានប្រាប់ប៊ីប៊ីសុីថា ដរាបណាពួកគេអាចគេចផុតពីទឹកជំនន់ ពួកគេនៅមានឱកាសរស់រានមានជីវីត ។</span></p>
<p><span style="color: #000000;">អ្វីដែលក្រុមសើបអង្កេតព្រួយបារម្ភបំផុតនោះគឺ ការខ្វះខាតអុកសុីសែន។ នៅក្នុងនោះផងដែរ គេបានសន្និដ្ឋានថា ក្រុមក្មេងៗនិងគ្រូរបស់ពួកគេ មិនអាចចេញមកបានដោយសារតែកម្រិតទឹកចេះតែកើនឡើង ដោយសារតែទឹកភ្លៀង ។</span></p>
<p><span style="color: #000000;">ក្រុមជួយសង្គ្រោះ និងអ្នកស្ម័គ្រចិត្តជាច្រើននាក់ បានព្យាយាមស្វែងរកវិធីចូលទៅក្នុងរូងភ្នំ ដោយរកមើលផ្លូវរូងក្រោមដី ប៉ុន្តែហាក់បីដូចជាមិនបានផលទាល់តែសោះ ។ </span></p>
<p><span style="color: #000000;">លោក Vern Unsworth ជនជាតិអង់គ្លេស ដែលមានមូលដ្ឋាននៅខេត្តឈាងរ៉ៃបានប្រាប់ Reuters ថាមានបរិមាណទឹកយ៉ាងខ្ពស់នៅក្នុងរូងភ្នំ ។ </span><span style="color: #000000; font-size: 12px;">លោកបានមានប្រសាសន៍ថា មានប្រភពទឹកនៅខាងក្នុងដែលមានសភាពមិនធម្មតា ពោលគឺមានន័យថាមានទឹកចេញមកពីទិសពីរ ។</span></p>
<p><a class="thickbox" title="" href="/FileManager/Commons/2018/6/28/33-28-06-2018--14-33-06.PNG"><img src="/FileManager/Articles/mce/2018/6/28/33-28-06-2018--14-33-06.PNG" alt="" /></a></p>
<p><span style="color: #000000;">កាលពីថ្ងៃពុធ មានជនជាតិអង់គ្លេស ៣ នាក់ ដែលជំនាញខាងមុជទឹក បានមកដល់ទីក្រុងឆៀងវ៉ៃរួមជាមួយនិងយោធាអាមេរិច ដើម្បីជួយសង្គ្រោះអ្នកដែលបានបាត់ខ្លួនចំនួន ១៣ នាក់នៅក្នុងរូងភ្នំនោះ។ ពួកគេបានបន្ថែមទៀតថា នឹងចូលទៅក្នុងរូងភ្នំនៅពេលដែលច្រកសំខាន់អាចចូលដំណើរការបានម្តងទៀត ។ លោក Sgt Kresada Wanaphum ដែលជាកងទ័ពថៃ បានប្រាប់ Reuters ថា វាគឺជាបញ្ហាដែលប្រឈមខ្លាំងបំផុតនោះគឺ មានកំទេពកំទី និងដីខ្សាច់ជាច្រើនដែលជាប់គាំងនៅពេលដែលកំពុងបូមទឹកចេញពីរូងភ្នំ ។</span></p>
<p><span style="color: #000000;">ខណៈពេលដែលមានជនសប្បុរសធម៌ជាច្រើនបានខិតខំប្រឹងប្រែងជួយអស់រយៈពេលជាច្រើនថ្ងៃលោក Anupong Paojinda ដែលជារដ្ឋមន្រ្តីមហាផ្ទៃបានថ្លែងថា គាត់មានទំនុកចិត្តថា កុមារនិងគ្រូរបស់ពួកគេនៅមានជីវីតនោះឡើយ ។</span></p>
<p><span style="color: #000000;">លោកបានបន្តទៀតថា ពួកគេនៅមានអាហារ មានជំនាញអាចការពារជីវីតរបស់ពួកគេ ហើយយើងនៅតែជឿជាក់ថា ពួកគេនឹងមានសុវត្ថិភាព ៕</span></p>
<p><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/6/28/mekongnet-28-06-2018--14-33-18.PNG" alt="" /></a></p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ ប៊ីប៊ីសុី </span></p>