<p><span style="color: #000000;"><strong>ភ្នំពេញ៖</strong> តារាចម្រៀងសំឡេងស្អក កូន២ អ្នកនាង យក់ ថិតរដ្ឋា បន្ទាប់ពីបានផ្តាច់ខ្លួន ពីវិថីសិល្បៈ ប្រមាណជាង១ឆ្នាំមកនេះ គេសង្កេតឃើញថា នាងហាក់មិនសូវខ្វាយខ្វល់ ក្នុងការវិលត្រឡប់ មកផ្តើមការងារជាថ្មី ឬក៏ស្តារប្រជាប្រិយភាពឡើងវិញទេ ។ ផ្ទុយទៅវិញ នាងបែរជាបណ្តែតបណ្តោយខ្លួនឯង ឲ្យមានសាច់ឈាម កាន់តែធាត់ឡើងៗ ពីមួយថ្ងៃទៅមួយថ្ងៃ រហូតធ្វើឲ្យអ្នកគាំទ្រខ្លះ ទ្រាំមិនបានក៏បង្ហោះសាររិះគន់ នាងចំៗម្តងទៅ ។</span></p>
<p><span style="color: #000000;">សារខ្លីមួយ បានសរសេររិះគន់ចំៗទៅលើ តារាចម្រៀងប្រចាំផលិតកម្ម ហង្សមាស អ្នកនាង យក់ ថិតរដ្ឋា ថា «ខ្ញុំពិតជាមិនសប្បាយចិត្តសោះ ពេលដែលឃើញ រូបរាងគាត់បែបនេះ ... គាត់ពិតជាធាត់ជ្រុលពេកហើយ ខ្ញុំពិតជាមិនដឹងថាហេតុអីគាត់បែរជាបណ្តោយខ្លួនមើលទៅ អាក្រក់មើលបែបនេះ ទើបមានកូន២សោះ មើលទៅឡើងចាស់ ដូចអាយុ៤០ឆ្នាំ.....»។</span></p>
<p><span style="color: #000000;">នេះមិនមែនជាលើកទី១ទេ សម្រាប់តារាចម្រៀង អ្នកនាង យក់ ថិតរដ្ឋា ដែលទទួលរងការរិះគន់ថា មិនចេះរក្សារាង បណ្តោយឲ្យរូបរាងធាត់ខ្លាំង គ្មានរាងរៅ ពោលចាប់តាំងពីនាងមានកូន១ មកដល់ពេលនេះ ខុសពីតារាចម្រៀងដទៃ ដែលគេមានកូនចៅហើយ តែនៅអាចរក្សារូបរាង និងសម្រស់បានយ៉ាងស្រស់ស្អាត មិនចាញ់តារាចម្រៀងវ័យក្មេង ស្រករក្រោយឡើយ ។ ខុសអីតែនាងមានកូន ទើបតែ២សោះ បែរជាបាក់រូបឆោម ប្រៀបដូចជាអ្នកមានអាយុ៤០ឆ្នាំ ។</span></p>
<p><span style="color: #000000;">ក្រោយពីមានសារបែបនេះ រំលេចឡើងភ្លាម តារាចម្រៀង យក់ ឋិតរដ្ឋា ក៏ប្រញាប់ប្រញាល់ Share សារនេះមកបង្ហាញឲ្យអ្នកគាំទ្របានឃើញ និងចេញមុខបកស្រាយ ដោយបើកចំហរថា «ចង់ស្គមខ្លាំងណាស់ បើនិយាយពីញុំាបាយវិញ មិនចូលចិត្តញុំាបាយច្រើនទេ តែមកពីមានមូលហេតុជាច្រើន ដែលពួកគាត់ មិនបានដឹងដូចជា នៅសរសៃខ្ចីពេក មិនទាន់ហ៊ាន ធ្វើអ្វីឲ្យដូចគេទំនេរខ្លួន ហើយមួយវិញទៀត ខ្ញុំមានជំងឺប្រចាំកាយ គឺរោគខ្សោយបេះដូងទៀត ប៉ុន្តែខ្ញុំមិនចង់បកស្រាយច្រើនទេ ព្រោះយើងពិតជាអ៊ីចឹងមែន ហើយក៏អរគុណគាត់ដែរ ព្រោះបើគាត់មិនចូលចិត្តយើង ក៏គាត់មិនខ្វល់ ពីយើងដែរ...!» ។</span></p>
<p><span style="color: #000000;">តាមរយៈពាក្យសម្តី ដែលម្ចាស់សាម៉ីខ្លួន យក់ ឋិតរដ្ឋា ចេញមុខបកស្រាយ ដោយបានសារភាព ប្រាប់ដល់អ្នកគាំទ្រ ដោយបើកចំហរថា នាងមានជំងឺខ្សោយបេះដូង ទើបធ្វើឲ្យនាងរស់នៅ ក្នុងសភាពបែបនេះ មិនអាចថែរក្សារាងតាមវិធីសាស្ត្រកែច្នៃ និងធ្វើឲ្យទស្សនិកជន មានការខកបំណង ចំពោះនាង។ ទោះជាយ៉ាងណា នាងក៏បានសន្យា ជាមួយអ្នកគាំទ្រថា នៅពេលដែលនាងបង្ហាញវត្តមាន នៅលើអាជីពចម្រៀងជាថ្មី នាងនឹងមិនធ្វើឲ្យអ្នកគាំទ្រ ខកចិត្តទៀតឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/4/80-04-05-2015--13-42-45.jpg"><img src="/FileManager/Articles/mce/2015/5/4/80-04-05-2015--13-42-45.jpg" alt="" /></a></span></p>
<p><a class="thickbox" title="" href="/FileManager/Commons/2015/5/4/81-04-05-2015--13-42-52.jpg"><img src="/FileManager/Articles/mce/2015/5/4/81-04-05-2015--13-42-52.jpg" alt="" /></a></p>
<p><a class="thickbox" title="" href="/FileManager/Commons/2015/5/4/82-04-05-2015--13-42-59.jpg"><img src="/FileManager/Articles/mce/2015/5/4/82-04-05-2015--13-42-59.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>