<p><span style="color: #000000;"><strong>(ភ្នំពេញ)៖</strong> តារាឯកតំណាងឲ្យប្រទេសកម្ពុជា ដើម្បីទៅចូលរួមប្រកួតកញ្ញាឯកពិភពលោក កញ្ញាឯក ហេង ចន្ថា បានបញ្ចេញសារធ្ងន់ៗ សំដៅដល់ស្ថានទូតអាមេរិក ប្រចាំនៅកម្ពុជា ថា ការមិនផ្ដល់ទិដ្ឋាការឲ្យនាង ដើម្បីបានចូលរួមប្រកួតក្នុងកម្មវិធី «MISS GRAND INTERNATION 2016» នៅសហរដ្ឋអាមេរិកជាលើកទី២ គឺជាការប្រមាថមួយដ៏ធ្ងន់ធ្ងរចំពោះរូបនាង ក៏ដូចជាប្រជាជាតិកម្ពុជាទាំងមួយ និងជាការបន្ទាបបន្ថោកតម្លៃ នៃការខិតខំប្រឹងប្រែងរបស់នាង និងក្រុមការងារផងដែរ។</span></p>
<p><span style="color: #000000;">កញ្ញាឯកឆ្នាំ ២០១៦ ហេង ចន្ថា បាននិយាយនៅក្នុងបណ្ដាញសង្គមរបស់នាងថា «កម្មវិធីប្រកួតបានចាប់ផ្តើម ក្រុមការងារបានត្រៀមលក្ខណៈ ទាំងសម្លៀកប្រចាំជាតិ ក៏ដូចជាឈុតរាត្រីសមោសរ ដ៏ស្រស់ស្អាត ប៉ុន្តែនាងខ្ញុំ ពុំមានឱកាសបានស្លៀកពាក់ ទៅវិញ។ នេះគឺជាការប្រមាថមួយដ៏ឆ្ងន់ធ្ងរ ជាការបន្ទាបតម្លៃ នៃការតាំងចិត្ត ក៏ដូចជាខិតខំប្រឹងប្រែង នៃនាងខ្ញុំផ្ទាល់ ក៏ដូចជាក្រុមការងារ គេមិនផ្តល់តម្លៃដល់យើងសោះឡើយ ចុងបញ្ចប់នៃកិច្ចសម្ភាសន៍ មន្រ្តីកុងស៊ុលនារីបានតបមកកាន់នាងខ្ញុំនូវចម្លើយ ដ៏ឈឺចាប់ថា "Sorry, I don’t give you" (សុំទោសខ្ញុំមិនអាច ជួយអ្នកបាន)..!» ។</span></p>
<p><span style="color: #000000;">កញ្ញា ហេង ចន្ថា បានបញ្ជាក់ទៀតថា «មន្រ្តីកុងស៊ុល បានចោទសួរ នៅសំណួរដដែល ដូចកាលពីលើកទី១ ដែលនាងខ្ញុំចូលសម្ភាសន៍ មន្រ្តីទូតដែលជាអ្នកបកប្រែ បានបញ្ជាក់ឲ្យនាងខ្ញុំដឹងថា គេបារម្ភខ្លាចផ្តល់ទិដ្ឋាការ ដល់នាងខ្ញុំ ហើយពេលទៅដល់សហរដ្ឋអាមេរិក បានចូលរួមកម្មវិធីប្រកួតរួចរាល់ នាងខ្ញុំនឹងមិនវិលត្រឡប់ មកកាន់មាតុភូមិកំណើតវិញ។ នាងខ្ញុំពិតជាតូចចិត្ត ដែលក្នុងនាមជាប្រជាពលរដ្ឋកម្ពុជា១រូប ជាបេក្ខនារី តំណាងកម្ពុជា ចូលរួមក្នុងកម្មវិធីប្រកួត កម្រិតអន្តរជាតិ ប៉ុន្តែត្រូវបាន បដិសេធមិនឲ្យទៅ!»។</span></p>
<p><span style="color: #000000;">ទន្ទឹមគ្នានេះដែរ កញ្ញា ហេង ចិន្ថា ក៏បានបន្ថែមថា «គ្មានអ្វីនឹងថ្លែង ក្រៅពីទទួលយកនូវលទ្ធផលបដិសេធនេះ នាងខ្ញុំសូមអភ័យទោស ចំពោះបញ្ហាដែលបានកើតឡើង ដែលបានធ្វើឲ្យប្រជាជន កម្ពុជាខកចិត្ត។ សូមថ្លែងអំណរគុណ ចំពោះស្ថានទូតសហរដ្ឋអាមេរិក ដែលអនុញ្ញាតឲ្យនាងខ្ញុំ ចូលសម្ភាសន៍ជាលើកទី២។ សូមគោរពជូនពរលោក អ្នកប្រិយមិត្តគ្រប់ៗរូប!»។</span></p>
<p><span style="color: #000000;">ជាមួយគ្នានេះ តារាសម្តែងស្រីសម្បូររឿងអាស្រូវ មិនចេះចប់ហើយ អ្នកនាង ចន ច័ន្ទលក្ខិណា ថ្មីៗនេះ ក៏បានបង្ហាញអារម្មណ៍ សោកស្តាយ បន្ទាប់ពីបានទទួលដំណឹងថា តារាឯកឆ្នាំ២០១៦ របស់កម្ពុជា កញ្ញា ហេង ចន្ថា មិនត្រូវបានស្ថានទូតសហរដ្ឋអាមេរិក ផ្តល់ទិដ្ឋាការចេញទៅប្រឡង ក្នុងកម្មវិធីប្រកួត នោះឡើយ។</span></p>
<p><span style="color: #000000;">ជាមួយការសោកស្តាយនេះដែរ អ្នកនាង ចន ច័ន្ទលក្ខិណា បានសរសេរបង្ហោះភ្ជាប់ជាមួយ រូបភាពរបស់កញ្ញាឯកកម្ពុជា កញ្ញា ហេង ចន្ថា ថា« ខ្មែរមានឱកាសតែ គ្មានសំណាង គ្នាខំព្យាយាមលើកមុខមាត់ប្រទេស ទោះចូលរួមលក្ខណៈឯកជន ក៏គាត់ជាជនជាតិខ្មែរ ទៅតំណាងខ្មែរ មិនមែនតំណាងសាសន៍ផ្សេងទេ ពិតជាមិនយល់នូវមតិ និងហេតុផលមួយចំនួន នៃប្រជាជនខ្មែរ!»៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/14/04e-14-10-2016--13-54-00.jpg"><img src="/FileManager/Articles/mce/2016/10/14/04e-14-10-2016--13-54-00.jpg" alt="" /></a><br /></span></p>
<p> </p>
<p><img src="https://fbcdn-sphotos-e-a.akamaihd.net/hphotos-ak-xlt1/v/t1.0-9/14650214_1602414409784863_269256767980616945_n.jpg?oh=830b991d894b0d01135cf210715cd18b&oe=58AAE026&__gda__=1487218743_748b204c2d91014573c18d7c75cf1083" alt="" width="730" /></p>
<p><img src="https://scontent-hkg3-1.xx.fbcdn.net/v/t1.0-9/14725634_1602414413118196_7383035121052392906_n.jpg?oh=1580d77f2469bcc6cd7e68584ff151d5&oe=58A689C8" alt="" width="730" /></p>
<p><img src="https://fbcdn-sphotos-c-a.akamaihd.net/hphotos-ak-xta1/v/t1.0-9/14713664_1602414326451538_6981923615920532901_n.jpg?oh=cd08fde77680e2f264414930daa2de78&oe=58A34CBA&__gda__=1483249223_6bdd69f8235f812f7aa3611367988ff2" alt="" width="730" /></p>
<p><img src="https://scontent-hkg3-1.xx.fbcdn.net/v/t1.0-9/14681841_1602414319784872_2029204929169484711_n.jpg?oh=6f5efba0a8fefdb995128e8b5aa93f9d&oe=58695B28" alt="" width="730" /></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>