<p><span style="color: #000000;"><strong>(ភ្នំពេញ)៖</strong> ក្រុម Global FC របស់ហ្វីលីពីន បានបន្ថែម ៣ពិន្ទុទៀតហើយ ដើម្បីឈរកំពូលតារាងពូលF នៃពានរង្វាន់ AFC Cup 2017 បន្ទាប់ពីលត់ក្រុមម្ចាស់ផ្ទះបឹងកេតអង្គរ ដោយលទ្ធផល ៣-០ នៅលើទីលានពហុកីឡាជាតិ រាជធានីភ្នំពេញ កាលពីយប់មិញ ។</span></p>
<p><span style="color: #000000;">ការប្រកួតមានអ្នកគាំទ្រទស្សនាប្រមាណ ៣,០០០នាក់នេះ ក្រុមភ្ញៀវ Global ធ្វើបានយ៉ាងល្អនៅដើមតង់ទី១ ដោយកីឡាករ Paul Mulders បានបំប៉ោងសំណាញ់ទីក្រុមម្ចាស់ផ្ទះ ១គ្រាប់ត្រឹមនាទីទី៥ ។ បន្ទាប់មកក្រុមបឹងកេតអង្គរ បានព្យាយាមវាយបកជាមួយនឹងឱកាសស៊ុតជាច្រើនលើក តែមិនបានសម្រេចឡើយ ។</span></p>
<p><span style="color: #000000;">ចូលតង់ទី២ ក្រុមទាំងពីររក្សាទម្រង់នៅដដែល ប៉ុន្ដែក្រុមបឹងកេត បានបន្ដការវាយសម្រុករកគ្រាប់បាល់តែមិនទទួលបានផ្លែផ្កា ផ្ទុយវិញបានបង្កកំហុសក្នុងតំបន់គ្រោះថ្នាក់ ត្រូវបានកីឡាករ Paul Mulders ដដែល ទាត់បាល់ពិន័យ ១១ម៉ែត្របន្ថែម ១គ្រាប់ទៀត ឲ្យក្រុម Global នាំមុខ ២-០ ហើយលទ្ធផលបានរក្សាដល់ចប់ការប្រកួតតែម្ដង ។</span></p>
<p><span style="color: #000000;">ជ័យជម្នះនេះបានធ្វើឲ្យក្រុមជើងឯក ៣ជំនាន់របស់ហ្វីលីពីន Global FC ឈរកំពូលតារាងបណ្ដោះអាសន្ន ក្រោយឈ្នះ ២ប្រកួតជាប់គ្នា និងកាន់ ៦ពិន្ទុក្នុងដៃ ហើយឈរចំណាត់ថ្នាក់បន្ទាប់ដោយក្រុម Johor Darum Ta’zim របស់ម៉ាឡេស៊ីមាន ៤ពិន្ទុក្នុងដៃ ក្រោយប្រកួតស្មើក្រុម Magwe របស់មីយ៉ាន់ម៉ា ដោយលទ្ធផល ១-១ កាលពីល្ងាចមិញ ។ ចំណែកក្រុមបឹងកេតគ្មានពិន្ទុរាប់នោះទេ ដោយសារចាញ់ ២ប្រកួតមកហើយ ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-08-08-20-55-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-08-08-20-56-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-08-08-21-24-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>