<p><span style="color: #000000;"><strong>(ភ្នំពេញ)៖</strong> តារាសម្ដែង និងពិធីករមានឈ្មោះល្បីទាំងការងារសិល្បៈ និងល្បីឈ្មោះជាព្រាននារី លោក ប៉ែន ចំរ៉ុង និងមេធាវី បានចូលបំភ្លឺតាមការកោះហោះ របស់ព្រះរាជអាជ្ញា ជាលើកទី២ នៅព្រឹកថ្ងៃទី០៨ ខែកក្កដា ឆ្នាំ២០១៦នេះ នៅសាលាដំបូងរាជធានីភ្នំពេញ ខណៈអតីតភរិយាដែលកំពុងពពោះប៉ុនកញ្ជើ នាង ភិន សុដាលីស ត្រូវបានអវត្តមាន មិនបានមកចូលបំភ្លឺ ក្នុងសវនការ តាមការកោះហោះនេះទេ។</span></p>
<p><span style="color: #000000;">ពិធីករលោក ប៉ែន ចំរុង អមដោយមេធាវី បានចូលទៅបំភ្លឺលើបណ្តឹងសុំលែងលះ ជាមួយភរិយាឈ្មោះ ភិន សុដាលីស នៅសាលាដំបូងរាជធានីភ្នំពេញ ជាសារថ្មីទៀត។ ការចូលបំភ្លឺនៅព្រឹកនេះ គឺពុំមានតែវត្តមអ្នកនាងភិន សុដាលីស ចូលរួមទេ ។ </span></p>
<p><span style="color: #000000;">ពេលដើរចេញពីតុលាការ ពិធីករលោក ប៉ែន ចំរុង មិនបានផ្តល់បទសម្ភាសន៍ ពាក់ព័ន្ធ និងសំណុំរឿងលែងលះ របស់លោកដល់អ្នកសារព័ត៌មានឡើយ។</span></p>
<p><span style="color: #000000;">សូមបញ្ជាក់ថា តារាសម្ដែង ប៉ែន ចំរ៉ុង បានចូលខ្លួនមកបំភ្លឺលើកទី១ នៅក្នុងសាលាដំបូងរាជធានីភ្នំពេញ នៅព្រឹកថ្ងៃទី១២ ខែឧសភា ឆ្នាំ២០១៦នេះ តាមពាក្យបណ្ដឹង របស់ខ្លួនដែលបានប្ដឹងសុំ លែងលះប្រពន្ធ គឺអ្នកនាង ភិន សុដាលីស កាលពីអំឡុងមុន ពិធីបុណ្យចូលឆ្នាំថ្មី ។</span></p>
<p><span style="color: #000000;">ជាមួយគ្នានេះ តារាសម្ដែងល្បីឈ្មោះ កំពុងតែត្រៀមខ្លួន ក្លាយជាស្រ្តីមេម៉ាយ ទាំងក្មេងវ័យ អ្នកនាង ភិន សុដាលីស ក៏បានចូលមកកាន់សាលាដំបូង រាជធានីភ្នំពេញ តាមការកោះអញ្ជើញ របស់មន្រ្តីតុលាការដែរ នៅព្រឹកជាមួយគ្នានេះ ដើម្បីឆ្លើយបំភ្លឺជុំវិញបណ្ដឹង សុំលែងលះ របស់លោកប្ដីហេងស៊យ គឺលោក ប៉ែន ចំរ៉ុង។</span></p>
<p><span style="color: #000000;">គេនៅចាំបានថា កាលពីចូលបំភ្លឺលើកទី១ លោក ប៉ែន ចំរ៉ុង បាននិយាយថា លោកចូលមកតុលាការពេលនេះ គឺដើម្បីប្តឹងសុំលែងលះភរិយា គឺ អ្នកស្រី ភិន សុដាលីស ហើយលោកបានប្រគល់រឿងនេះ ឲ្យទៅតុលាការជាអ្នកចាត់ចែងហើយ លោកគ្មានអ្វីដែលត្រូវនិយាយទៀតទេ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-12-12-26-12-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-12-12-26-16-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-12-12-26-07-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-12-12-26-04-8.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>