<p>ករណីអ្នកប្រើប្រាស់ ១៧០០.០០០ នាក់ នៅកូរ៉េខាងជើង មិនអាចប្រើប្រព័ន្ធ 3G បាន អាចទាក់<br />ទិននឹងការចោទប្រកាន់ ដែលប្រទេសលោកខាងលិច ទម្លាក់មកលើក្រុម hacker របស់កូរ៉េខាង<br />ជើង បន្ទាប់ពីប្រព័ន្ធកុំព្យូទ័ររបស់ក្រុមហ៊ុន Sony ត្រូវរងការវាយប្រហារតាមអ៊ីនធឺរណែត។</p>
<p style="text-align: center;"><a class="thickbox" title="" href="/FileManager/Commons/2014/12/29/northkoreaflagjpgagklj-29-12-2014--12-41-41.jpg"><img src="/FileManager/Articles/mce/2014/12/29/northkoreaflagjpgagklj-29-12-2014--12-41-41.jpg" alt="" /></a></p>
<p>បណ្ដាព័ត៌មានអំពីកូរ៉េខាងជើង មកដល់ពេលនេះ នៅតែបន្តជាចំនុចកណ្ដាលនៃចំណាប់អារម្មណ៍<br />របស់ក្រុមអ្នកបច្ចេកវិទ្យា ដោយសារថា ថ្មីៗនេះ បញ្ហាធំៗជាច្រើន ទាក់ទិននឹងបច្ចេកវិទ្យា បាន<br />កើតឡើងចំពោះប្រទេសនេះ។ ព័ត៌មានថ្មីបំផុត បានឱ្យដឹងថា កូរ៉េខាងជើង ទើបតែបានជួបបញ្ហា<br />ផ្នែកទូរគមនាគមន៍ នៅពេលប្រព័ន្ធ 3G នៃប្រទេសនេះ មិនអាចដំណើរបាន។ បញ្ហានេះ បាន<br />កើតឡើងនៅវេលាម៉ោង ២១ និង ៣០នាទីយប់ ថ្ងៃទី ២៧ធ្នូ (ម៉ោងក្នុងស្រុក)។ ប៉ុន្ដែ ក្រោយការ <br />"ស្លាប់" រយៈពេល ៥ម៉ោង ប្រព័ន្ធនេះ ក៏ដំណើរការបានធម្មតា។</p>
<p style="text-align: center;"><a class="thickbox" title="" href="/FileManager/Commons/2014/12/29/northkoreaflagjpgag-29-12-2014--12-37-50.jpg"><img src="/FileManager/Articles/mce/2014/12/29/northkoreaflagjpgag-29-12-2014--12-37-50.jpg" alt="" /></a></p>
<p style="text-align: center;">រូបភាពតារាងមួយដែលបង្ហាញអំពីប្រព័ន្ធអ៊ីនធឺរណែតកូរ៉េខាងជើង ជួបបញ្ហា ត្រូវគេបង្ហោះលើ Twitter<br /><br /></p>
<p>នេះគឺជាបញ្ហាធ្ងន់ធ្ងរបំផុត ព្រោះតែបានប៉ះពាល់ដល់អ្នកប្រើប្រាស់ប្រព័ន្ធ 3G ស្ទើរតែទាំងអស់ <br />នៅប្រទេសកូរ៉េខាងជើង។ យោងតាមការវាយតម្លៃ ប្រទេសដែលមានប្រជាជន ២៥លាននាក់នេះ<br /> បច្ចុប្បន្ន មានអ្នកប្រើប្រាស់ប្រព័ន្ធ 3G ចំនួន ១៧០០.០០០នាក់។</p>
<p style="text-align: center;"><a class="thickbox" title="" href="/FileManager/Commons/2014/12/29/northkoreaflagjpgikhg-29-12-2014--12-38-14.jpg"><img src="/FileManager/Articles/mce/2014/12/29/northkoreaflagjpgikhg-29-12-2014--12-38-14.jpg" alt="" /></a></p>
<p>គួររំលឹកថា មុននេះ កាលពីថ្ងៃទី ២២ធ្នូ ប្រព័ន្ធអ៊ីនធឺរណែតរបស់កូរ៉េខាងជើង ក៏បានជួបនឹងបញ្ហា <br />បណ្ដាលឱ្យអ្នកប្រើប្រាស់ មិនអាចធ្វើអ្វីបាន តាមអ៊ីនធឺរណែត។ បញ្ហាដែលកើតឡើងជាបន្តបន្ទាប់ ចំពោះផ្នែកទូរគមនាគមន៍របស់កូរ៉េខាងជើងនេះ ត្រូវបានក្រុមអ្នកវិភាគយល់ថា មានជាប់ទាក់ទិននឹងការចោទប្រកាន់របស់ប្រទេសលោកខាងលិច ដែលថា កូរ៉េខាងជើង នៅពីក្រោយករណីវាយ<br />ប្រហារតាមអ៊ីនធឺរណែត ទៅលើក្រុមហ៊ុន Sony ដែលបានផលិត និងបញ្ចាំងខ្សែភាពយន្ដ រឿង<br /> The Interview ជាខ្សែភាពយន្ដនិយាយអំពីមេដឹកនាំកូរ៉េខាងជើង លោក Kim Jong-un ។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ phonearena/ recode</p>