<p><strong>បម្រាមបីប្រការដែលចាស់បុរាណតែងហាមប្រាមកូនចៅមិនឱ្យ ប្រព្រឹត្ដ ពិសេសគឺកូន<br />ប្រុស។ ដោយហេតុថាល្បែងបីប្រការនេះសុទ្ធសឹងតែជាល្បែងដែលផ្ដល់នូវក្ដីវិនាស <br />មហន្ដរាយ និងអាចមានគ្រោះថ្នាក់ដល់អាយុជីវិតថែមទៀតផង។ តើអ្វីខ្លះជាល្បែង <br />ទាំងបីដែលចាស់ទុំលោកបានហាម ហើយផ្ដល់នូវគុណវិបត្ដិយ៉ាងណាខ្លះចំពោះបុរស?</strong></p>
<p><strong><strong><strong>អ្វីទៅជាល្បែងទាំងបី?</strong></strong></strong></p>
<p>នៅក្នុងពុទ្ធសាសនា ព្រះលោកសម្ដែងក្នុងបរាភវសូត្រជាល្បែងទាំងបី ឬអបាយមុខទាំងបី។ ល្បែង<br />ជាគ្រឿងនាំឱ្យញៀន នាំ ឱ្យវិនាស និងផ្ដល់ជាមហន្ដរាយ។ ល្បែងទាំងបីដែលបុរសតែងប្រព្រឹត្ដ<br />មានគឺ ឥត្ថីធុត្ដៈ សុរាធុត្ដៈ អក្ខធុត្ដៈ។</p>
<p><strong>1. ឥត្ថីធុត្ដៈ </strong>៖ ការចូលចិត្ដលេងសប្បាយកាមគុណជាមួយស្ដ្រី ឬបុរសស្វែងរកការសប្បាយជាមួយ<br />នឹងស្ដ្រី។</p>
<p style="text-align: center;"><a class="thickbox" title="" href="/FileManager/Commons/2012/7/17/7979923cms-17-07-2012--10-54-27.jpg"><img src="/FileManager/Articles/mce/2012/7/17/7979923cms-17-07-2012--10-54-27.jpg" alt="" /></a></p>
<p><strong>2. សុរាធុត្ដៈ </strong>៖<strong> </strong>គឺការសេពគ្រឿងស្រវឹង និងគ្រឿងញៀន។</p>
<p style="text-align: center;"><a class="thickbox" title="" href="/FileManager/Commons/2012/7/17/smoking-and-drinking-17-07-2012--10-55-29.jpg"><img src="/FileManager/Articles/mce/2012/7/17/smoking-and-drinking-17-07-2012--10-55-29.jpg" alt="" width="450" height="269" /></a></p>
<p><strong>3. អក្ខធុត្ដៈ </strong>៖ ជាល្បែងភ្នាល់ស៊ីសងគ្រប់ប្រភេទ។</p>
<p style="text-align: center;"><a class="thickbox" title="" href="/FileManager/Commons/2012/7/17/9554877-woman-play-black-jack-card-game-in-casino-on-blue-table-17-07-2012--10-57-46.jpg"><img src="/FileManager/Articles/mce/2012/7/17/9554877-woman-play-black-jack-card-game-in-casino-on-blue-table-17-07-2012--10-57-46.jpg" alt="" width="456" height="271" /></a></p>
<p><strong>មូលហេតុបុរសប្រព្រឹត្ដល្បែងទាំងបី</strong></p>
<p>មូលហេតុចម្បងមួយគឺបណ្ដាលមកពីការមិនមានភាពខ្មាសអៀនរបស់បុរស រួមនឹងសេរីភាពក្នុង<br />ការប្រព្រឹត្ដដោយពុំមាន ការរិះគន់។ មួយទៀត គឺដើម្បីស្វែងរកសេចក្ដីសប្បាយ បំពេញនូវសេចក្ដី<br />សុខខាងផ្លូវកាម រហូតដល់អ្នកខ្លះប្រព្រឹត្ដល្បែងស៊ីសងដើម្បី ស្វែងរកទ្រព្យថែមទៀតផង។ ប៉ុន្ដែ<br />បុរសមួយចំនួនជ្រើសរើសល្បែងទាំងបីនេះដើម្បីកែប្រែបរិយាកាស បន្ធូរអារម្មណ៍ បំបាត់សេចក្ដី <br />តប់ប្រមល់ ឬធុញទ្រាន់។ ពេលខ្លះដើម្បីដោះស្រាយនូវវិបត្ដិផ្សេងៗ ដូចជាវិបត្ដិ ទំនាស់ ការកើត<br />មានបញ្ហាផ្លូវចិត្ដជាដើម។</p>
<p><strong>ផលប៉ះពាល់នៃល្បែងទាំងបី</strong></p>
<p>ស្រី ស្រា ល្បែង បុរាណតែងហាមកុំឱ្យប្រព្រឹត្ដ ព្រោះជាល្បែងដែលនាំមកនូវសេចក្ដីវិនាសយ៉ាង<br />ពិតប្រាកដ។</p>
<p><strong>1. សេដ្ឋកិច្ច </strong>៖ ជាកត្ដាចម្បងដែលមានគុណវិបត្ដិដោយសារការប្រព្រឹត្ដនូវល្បែងទាំងបី នេះ។ <br />ជាធម្មតាការចេញទៅសេព កាមខាងក្រៅ គ្រឿងស្រវឹង និងគ្រឿងញៀន តែងតែត្រូវចំណាយ<br />ទ្រព្យធនក្នុងផ្ទះដើម្បីបំពេញតម្រូវការទាំងនោះ។ ប្រសិនបើការ សេពគ្រឿងអបាយមុខទាំងនោះ<br />កាន់តែខ្លាំងក៏នឹងត្រូវចំណាយប្រាក់កាន់ តែច្រើន។ ឯការប្រព្រឹត្ដនូវល្បែងស៊ីសង ជាផលធ្វើឱ្យ<br />ខាតបង់ ទ្រព្យធ្ងន់ធ្ងរជាងគេ រហូតមានលោកអ្នកខ្លះបង់អស់ទ្រព្យសម្បត្ដិគ្រប់យ៉ាង ជំពាក់បំណុល<br /> ឬពេលខ្លះបែរទៅប្រព្រឹត្ដអំពើមិនត្រឹមត្រូវ ដូចជាលួច ឆក់ បោកប្រាស់ជាដើម ដើម្បីដោះស្រាយ<br />បញ្ហាជីវិត និងដោះបំណុល។ កម្រនឹងមានអ្នកណាម្នាក់ប្រកាសប្រាប់ថាខ្លួនក្លាយ ជាអ្នកមានដោយ<br />សារការលេងល្បែងនោះឡើយ។</p>
<p><strong>2. សុខភាព </strong>៖ ការប្រព្រឹត្ដកាមគុណនឹងស្រីខាងក្រៅ និងសេពគ្រឿងញៀនមិនត្រឹមតែធ្វើឱ្យខាត<br />បង់ទ្រព្យប៉ុណ្ណោះទេ ថែម ទាំងប៉ះពាល់ដល់សុខភាពយ៉ាងធ្ងន់ធ្ងរថែមទៀតផង។ តម្រូវការខ្លាំង<br />ខាងផ្លូវភេទ ហើយញឹកញាប់ផងនោះអាចធ្វើឱ្យកម្លាំងចុះខ្សោយ និងប្រឈមមុខនឹងជម្ងឺផ្សេងៗ <br />ដូចជាជម្ងឺស្វាយ មហារីកប្រូស្ដាត ជម្ងឺអេដស៍ជាដើម។ សុរាក៏អាចធ្វើឱ្យមានបញ្ហាសុខភាព បង្កជា<br />ជម្ងឺ បាន ដូចជារលាកថ្លើមក្រពះពោះវៀន ហើយក៏អាចប៉ះពាល់ដល់សតិអារម្មណ៍ផងដែរ។ មិន<br />ខុសគ្នានោះដែរ ការលេងល្បែងក៏ធ្វើឱ្យប៉ះ ពាល់ដល់សុខភាពផ្លូវចិត្ដទៅជាមួម៉ៅខឹងនៅពេល<br />ចាញ់ល្បែង។</p>
<p><strong>3. គ្រួសារ </strong>៖ ប៉ះពាល់ទៅដល់គ្រួសារ បង្កឱ្យកើតទំនាស់ និងអំពើហិង្សា គ្រួសារគ្មានសុភមង្គល។<br /> ប្រពន្ធប្រច័ណ្ឌប្ដី ដោយ សារស្វាមីទៅមានស្រីខាងក្រៅផ្ទះ។ បុរសសេពគ្រឿងស្រវឹង និងគ្រឿង<br />ញៀនបាត់បង់ស្មារតីវាយដំកូនប្រពន្ធ។ ស្រា ស្រី ល្បែង ធ្វើឱ្យ គ្រួសារគ្មានសេចក្ដីសុខ បាត់បង់<br />អនាគតកូន រហូតមានការលែងលះបែកបាក់គ្នាថែមទៀតផង។</p>
<p><strong>4. សង្គម </strong>៖ មិនអាចចៀសផុតពីផលប៉ះពាល់ទៅលើសង្គមនោះទេ ប្រសិនបើប្រជាពលរដ្ឋភាគ<br />ច្រើនប្រព្រឹត្ដនូវល្បែងកាម គុណខាងក្រៅ សេពសុរា គ្រឿងស្រវឹង គ្រឿងញៀន ឬលេងល្បែង<br />ស៊ីសង។ ព្រោះថាបុរសជាគ្រឹះយ៉ាងសំខាន់ក្នុងការអភិវឌ្ឍន៍សង្គម បើបុរសរវល់តែឈ្លក់វង្វេង<br />នឹងល្បែងទាំងបីនេះ ពួកគេមិនមានឱកាសទៅបម្រើការងារ និងធ្វើតួនាទីដែលខ្លួនត្រូវបំពេញ<br />នោះទេ។ ផ្ទុយទៅវិញបន្សល់ទុកក្នុងសង្គមនូវជនពាលាអាវាសែ ស្រវឹងខួប អ្នកជម្ងឺអេដស៍ និង<br />អ្នកមានបញ្ហាផ្លូវចិត្ដ។ ទីបំផុតបន្សល់ទុកនូវស្ដ្រី មេម៉ាយ កុមារកំព្រា ឬយុវជនដែលអសមត្ថភាព <br />ជាហេតុធ្វើឱ្យបាត់បង់នូវធនធានមនុស្សសម្រាប់អភិវឌ្ឍន៍សង្គម។</p>
<p><strong>5. កិត្ដិយស </strong>៖ កិត្ដិយសផ្ទាល់ខ្លួនក៏នឹងត្រូវបាត់បង់ចំពោះបុគ្គលនិយមស្រី ស្រា ល្បែងនេះដែរ អ្នក<br />ផងមិនរាប់រកជាសន្ដាន ។ ជាងនេះទៅទៀត គេមិនអាចយកបុគ្គលបែបនេះធ្វើជាសាក្សីក្នុងរឿងក្ដីក្ដាំ<br />បានទេ ព្រោះគេចាត់ទុកមនុស្សបែបនេះជាមនុស្សដែល មិនមានការទទួលខុសត្រូវ និងម្ចាស់ការលើ<br />ខ្លួនឯង។</p>
<p><strong>បុរសគួរប្រព្រឹត្ដយ៉ាងណា?</strong></p>
<p>មានប្រការងាយៗដែលបុរសគួរប្រតិបត្ដិដើម្បីជួយដល់ខ្លួនឯង គ្រួសារ និងសង្គម។<br /><br />សម្រាប់បុរសដែលមានគ្រួសារ គួរកុំទៅប្រព្រឹត្ដកាមគុណនៅខាងក្រៅផ្ទះ ឬគួរកាត់បន្ថយ<br /> តែចាំបាច់គួរមានការការពារ ឱ្យត្រឹមត្រូវរាល់ការរួមភេទ(ប្រើស្រោមអនាម័យ)។ គួរចៀស<br />វាងការលេងល្បែងគ្រប់ប្រភេទដែលអាចនាំមកនូវសេចក្ដីវិនាស អន្ដរាយ ខាតបង់ទ្រព្យ<br />សម្បត្ដិ អនាគត និង ពេលវេលា។ សុរា គ្រឿងញៀន និងគ្រឿងស្រវឹងគ្រប់ប្រភេទជាវត្ថុ<br />ដែលមនុស្សមិនគួរប្រព្រឹត្ដ ព្រោះអាចធ្វើឱ្យប៉ះពាល់ជាច្រើនប្រការ ដូចជាសុខភាពទាំងផ្លូវ<br />កាយ និងផ្លូវចិត្ដ។</p>
<p><strong>ដំបូន្មានអ្នកប្រឹក្សា</strong></p>
<p>សូមលោកអ្នកជ្រាបថាបម្រាមទាំងបីដែលចាស់បុរាណបានហាមនេះ គឺសុទ្ធតែផ្ដល់នូវគុណវិបត្ដិ <br />ហើយដែលលោកអ្នក ជាពិសេសបុរសគួរចៀសវាងកុំប្រព្រឹត្ដដោយប្រការណាមួយឡើយ។ សូម<br />បុរសទូទៅចងចាំថាគ្រួសារលោកអ្នកកំពុងរង់ចាំលោកអ្នក នៅឯផ្ទះ ហើយអនាគតរបស់លោកអ្នក<br />ក៏កំពុងទន្ទឹងរង់ចាំមើលផ្លូវលោកអ្នកផងដែរ៕</p>
<p style="text-align: right;">ដោយ៖ សង្ហារ<br />ប្រភព ៖ ទស្សនាវដ្តី សុខភាពយើង</p>