<p><span style="color: #000000;">អ្នកវិភាគ Ming-Chi Kuo ដែលមកពីក្រុមហ៊ុន KGI Securities បានបង្ហាញចេញនូវរបាយការណ៍</span><br /><span style="color: #000000;">ទស្សន៍ទាយទៅលើបណ្តាផលិតផលថ្មីៗរបស់ Apple នៅក្នុងឆ្នាំ ២០១៦។ ជាដំបូង លោកបានឲ្យដឹង ថា លទ្ធភាពច្រើនដែល Apple នឹងធ្វើការផលិតចេញនូវស្មាតហ្វូន ដែលត្រូវបានចាត់ទុកជាម៉ូដែល</span><br /><span style="color: #000000;">កំណែទម្រង់របស់ iPhone 5S ជាមួយនឹងអេក្រង់ទំហំ 4 inch នៅពាក់កណ្តាលឆ្នាំក្រោយ។ ក្នុងនោះ</span><br /><span style="color: #000000;">ស្មាតហ្វូនថ្មីរបស់ Apple នេះ នឹងបំពាក់នូវ chip A9 (ដែលបានប្រើនៅលើ iPhone 6S និង iPhone 6S Plus), សំបកធ្វើពីលោហធាតុ, តែវាមិនមាន 3D Touch នោះទេ ដោយគោលដៅដើម្បីរក្សាជាកំរិត ម៉ូដែលផលិតផលមានតម្លៃទាបបន្តិច។</span></p>
<p><a class="thickbox" title="" href="/FileManager/Commons/2015/11/5/iphonescreensizes-05-11-2015--14-09-50.jpg"><img src="/FileManager/Articles/mce/2015/11/5/iphonescreensizes-05-11-2015--14-09-50.jpg" alt="" /></a></p>
<p><span style="color: #000000;">បន្ទាប់មកគឺការប៉ាន់ស្មានស្តីពី iPhone 7។ លោក Kuo មានការទស្សន៍ទាយដោយប្រុងប្រយ័ត្នថា iPhone ស៊េរីខ្ពស់បំផុតទាំងពីរម៉ូដែល នៅក្នុងឆ្នាំ ២០១៦ នឹងត្រូវបានដំឡើងបំពាក់នូវ chip A10 ក្នុង</span><br /><span style="color: #000000;">គោលដៅបង្កើននូវសមត្ថភាព ដើម្បីជួយសម្រួលប្រព័ន្ធប្រើប្រាស់បានដោយរលូន លើបណ្តាប្រព័ន្ធ ប្រតិបត្តិការដែលនឹងធ្វើកំណែទម្រង់ថ្មីៗ ក្នុងពេលអនាគត។ ជាពិសេសអ្នកវិភាគរូបនេះបានជឿជាក់</span><br /><span style="color: #000000;">ថា Apple នឹងធ្វើការសម្រេចបែងចែកភាពខុសគ្នារវាង iPhone 7 និង iPhone 7 Plus មិនត្រឹមតែនៅ លើទំហំអេក្រង់ប៉ុណ្ណោះទេ គឺខុសគ្នានៅលើ RAM ថែមទៀត។ iPhone 7 ត្រូវបានគេរំពឹងថា នឹងប្រើ</span><br /><span style="color: #000000;">ប្រាស់ RAM 2GB ចំណែក iPhone 7 Plus វិញនឹងប្រើប្រាស់ RAM 3GB។</span></p>
<p><span style="color: #000000;">ជាចុងក្រោយលោក Kuo បានបញ្ជាក់ឲ្យដឹងបន្ថែមថា Foxconn នឹងជាក្រុមហ៊ុនធ្វើការដំឡើងផ្តាច់មុខ iPhone ថ្មី (ទំហំ 4 inch)។ ក្នុងនោះ TSMC នឹងត្រូវបាន Apple ប្រគល់ឲ្យផលិតផ្គត់ផ្គង់ chip A9 ដល់ iPhone 4 inch ក៏ដូចជា chip A10 ដល់បណ្តាផលិតផលថ្មីៗក្នុងឆ្នាំ ២០១៦។ </span></p>
<p><span style="color: #000000;">គួរបញ្ជាក់ផងដែរថា អ្នកវិភាគ Ming-Chi Kuo មកពី KGI Securities តែងតែធ្វើការទស្សន៍ទាយទៅ លើផលិតផល Apple ក្នុងកំរិតគួរឲ្យជឿទុកចិត្ត ខ្ពស់គួរសម។ លោកធ្លាប់បានធ្វើការប៉ាន់ស្មានត្រឹមត្រូវ ការដែល Apple បញ្ចេញនូវគំរូ iPhone 4.7 inch និង 5.5 inch, ខ្នាតវិមាត្រពីរទំហំរបស់ Apple Watch, MacBook 12 inch ក៏ដូចជាទៅលើលក្ខណៈសម្បត្តិរបស់ iPhone 6S ៕</span></p>
<p> </p>
<p style="text-align: right;"><span style="color: #000000;">ប្រែសម្រួល៖ មង្គល</span><br /><span style="color: #000000;"> ប្រភព៖ <em>MacRumors, Tinhte</em></span></p>