<p><span style="color: #000000;">ព័ត៌មានកីឡា៖ Wayne Rooney នឹងត្រូវអវត្ដមាន ពី Man United ក្នុងឱកាសបើកការប្រកួតលើកដំបូងរបស់ក្លឹបនៃព្រឹត្ដិការណ៍ Champions League ប៉ះជាមួយ PSV Eindhoven ក្លឹបរបស់ ហូឡង់ ក្នុងរាត្រីនេះ ។ </span></p>
<p><span style="color: #000000;">ខ្សែប្រយុទ្ធដ៏ឆ្នើមជនជាតិអង់គ្លេសគឺកីឡាករ Wayne Rooney បានជួយឲ្យ Man United យកឈ្នះ Liverpool ៣-១ កាលពីប៉ុន្មានថ្ងៃមុន ពេលនេះ នឹងត្រូវអវត្ដមានជាមួយការដំណើរទៅប្រកួត នៅទឹកដីខាងក្រៅ ដោយប៉ះជើងខ្លាំងប្រចាំនៅ ហូឡង់គឺក្លឹប PSV Eindhoven នៃព្រឹត្ដិការណ៍ Champions League។ Wayne Rooney ត្រូវអវត្ដមានទាំងស្រុង ក្នុងការប្រកួតនេះ ដោយហេតុកីឡាករ មានរបួសរលាកសាច់ដុំភ្លៅ នៅមិនទាន់ព្យាបាលសះស្បើយ។ </span></p>
<p><span style="color: #000000;">អវត្ដមានខ្សែប្រយុទ្ធ Wayne Rooney ម្នាក់ កីឡាករ Marouanne Fellaini អាចនឹងមានក្ដីសង្ឃឹមចូលជំនួសតំណែងមួយនេះ ប៉ុន្ដែ ក្ដីសង្ឃឹមនេះ អាចមានគំនាបសង្កត់បន្ដិច ជាមួយខ្សែប្រយុទ្ធថ្មីមួយរូបទៀត ដែលក្លឹប ទើបតែ ផ្ទេរចូលកាលពីថ្ងៃចុងក្រោយនៃទីផ្សារផ្ទេរកីឡាករ គឺកីឡាករ Anthony Martial ។ </span></p>
<p><span style="color: #000000;">តាមការអះអាងបានបន្ដឲ្យដឹងថា លោក Louis Van Gaal មានជម្រើសច្រើនថា នឹង ដាក់ Anthony Martial ចូលរួមប្រកួតនេះ ប៉ុន្ដែមិនទាន់នឹងសម្រេចជាផ្លូវការនោះទេ ។ </span></p>
<p><span style="color: #000000;">វត្ដមានកីឡាករសំខាន់ៗផ្សេងទៀត គឺ មាន Luke Shaw, Chris Smalling, Daley Blind និង Matteo Darmian, David De Gea ដែលរំពឹងទុកថា នឹងឆាប់បានកសាងស្នាដៃ នៅថ្ងៃបើកទ្វារដំបូង នៃព្រឹត្ដិការណ៍ Champions League ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/15/9-15-2015-9-31-44-am-15-09-2015--09-38-17.png"><span style="color: #000000;"><img src="/FileManager/Articles/mce/2015/9/15/9-15-2015-9-31-44-am-15-09-2015--09-38-17.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ rippa</span></p>