<p><span style="color: #000000;"><strong>ភ្នំពេញ៖</strong> លោក កែវ រតនៈ ប្រតិភូរាជរដ្ឋាភិបាល ទទួលបន្ទុកអគ្គនាយក អគ្គិសនីកម្ពុជា បានថ្លែងថា តម្លៃអគ្គិសនីសម្រាប់កម្មករ កម្មការិនី នៅតាមផ្ទះជួល នឹងធ្លាក់មកនៅត្រឹម ៦១០រៀលក្នុងមួយគីឡូវ៉ាត់ម៉ោង សម្រាប់អ្នក ដែលប្រើអស់ក្រោម ៥០គីឡូវ៉ាត់។</span></p>
<p><span style="color: #000000;">លោក កែវ រតនៈ បានថ្លែងយ៉ាងដូច្នេះថា «ឆាប់ៗនេះ អគ្គិសនីកម្ពុជា នឹងរៀបចំធ្វើម៉េចឲ្យបងប្អូន ដែលប្រើអគ្គិ សនីក្រោម ៥០គីឡូវ៉ាត់ ក្នុងមួយខែ នឹងត្រូវចុះមកនៅត្រឹមតែ ៦១០រៀលក្នុងមួយគីឡូវ៉ាត់ម៉ោង។ ដូច្នេះសង្ឃឹម ថា ក្នុងពេលឆាប់ៗខាងមុខនេះ បងប្អូនកម្មករ កម្មការិនី ក៏ដូចជាពលករ ទាំងអស់ ដែលមកធ្វើការក្នុងរាជធានីភ្នំ ពេញ ជួលបន្ទប់ ជួលផ្ទះគេនៅ នឹងទទួលបានការប្រើប្រាស់អគ្គិសនីមួយ ដែលធូរថ្លៃជាងពេលបចុប្បន្ន»។</span></p>
<p><span style="color: #000000;">លោក កែវ រតនៈ បានសម្តែងការរំពឹងទុកថា បងប្អូន កម្មករ កម្មការិនី និងពលករទាំងអស់ នឹងសប្បាយរីករាយ ពីការទទួលបានផលប្រយោជន៍ នៃការចុះតម្លៃអគ្គិសនី។</span></p>
<p><span style="color: #000000;">ការចេញមកថ្លែងបញ្ចុះតម្លៃអគ្គិសនីសម្រាប់កម្មករ កម្មការិនី របស់លោក កែវ រតនៈ បានធ្វើឡើងភ្លាមៗ បន្ទាប់ពីនាយករដ្ឋមន្រ្តីកម្ពុជា សម្តេចតេជោ ហ៊ុន សែន បានថ្លែងជំរុញអាជ្ញាធរពាក់ព័ន្ធទាំងអស់ ពិនិត្យទៅលើតម្លៃអគ្គិ សនីនៅតាមផ្ទះជួល ដែលម្ចាស់ផ្ទះបានលក់ ក្នុងតម្លៃថ្លៃទៅឲ្យកម្មករ កម្មការិនី ដែលបានជួលផ្ទះ។</span></p>
<p><span style="color: #000000;">សម្តេចតេជោ ហ៊ុន សែន ក្នុងឱកាសអញ្ជើញសម្ពោធដាក់ឲ្យដំណើរការវារីអគ្គិសនីឫស្សីជ្រុំ នាខេត្តកោះកុង នៅ ថ្ងៃទី១២ ខែមករា ឆ្នាំ២០១៥ បានមានប្រសាសន៍ថា អាជ្ញាធរអគ្គិសនីកម្ពុជា ក្រុមហ៊ុនអគ្គិសនីកម្ពុជា និងក្រ សួងស្ថាប័ន អជ្ញាធរាជធានី-ខេត្ត ពាក់ព័ន្ធ ចុះពិនិត្យឡើងវិញ នូវតម្លៃអគ្គិសនី ដែលម្ចាស់ផ្ទះជួលយកថ្លៃពីកម្មករ ខ្ពស់ជាងតម្លៃដែលអគ្គិសនីកម្ពុជា លក់ឲ្យពួកគាត់ ជាហេតុធ្វើឲ្យការខំប្រឹងបង្កើតវារីអគ្គិសនី ផ្តល់ថាមពលមាន តម្លៃថោកជាងមុនហើយ តែបែរជាផលទាំងនោះ មិនបានទៅដល់កម្មករ-កម្មារិនី ទៅវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/13/1-13-2015-10-47-04-am-13-01-2015--10-52-03.png"><img src="/FileManager/Articles/mce/2015/1/13/1-13-2015-10-47-04-am-13-01-2015--10-52-03.png" alt="" /></a></span></p>
<p><object width="500" height="350" data="http://www.youtube.com/v/9EZlv31cwJQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9EZlv31cwJQ&rel=1" /></object></p>
<p style="text-align: right;"><span style="color: #000000;">ផ្ដល់សិទ្ធដោយ ដើមអម្ពិល</span></p>