<p><span style="color: #000000;">ព័ត៌មានអន្តរជាតិ ៖ យន្តហោះចម្បាំង របស់ទ័ពអាកាស ប្រទេសបារាំង បានធ្លាក់ និងផ្ទុះឆេះចំផ្ទះជន ពិការភាគកណ្តាលប្រទេសបារាំង ក្នុងនោះ បណ្តាលអោយមនុស្សម្នាក់ស្លាប់បាត់ បង់ជីវិត ខណៈប្រាំ មួយនាក់ផ្សេងទៀត រងរបួស នេះបើយោងតាមការដកស្រង់អត្ថបទផ្សាយ ពីទំព័រសារព័ត៌មានប៊ីប៊ីស៊ី </span></p>
<p><span style="color: #000000;">បន្ថែមពីលើនេះ ប្រភពដដែលបន្តអោយដឹងថា យន្តហោះចម្បាំង Alpha Jet មួយគ្រឿង បានធ្លាក់និង ផ្ទុះឆេះអំឡុងប្រតិបត្តិការ ហោះហ្វឹកហ្វើន នៅក្នុងក្រុង Vouvray វេលាម៉ោង ១៧ និង ៣០ នាទី ម៉ោង ក្នុងស្រុកប្រទេសបារាំង ។ គួរបញ្ជាក់ ក្រុមសហសេវិក ពីរនាក់ ពុំបានទទួលរងរបួសអ្វីនោះទេ ក្រោយ ពីភៀសខ្លួនទាន់ពេល ដោយចុចកៅអី បំបែកខ្លួនចេញពីយន្តហោះ ដោយឡែក ពលរដ្ឋ ក្នុងស្រុករស់ នៅកន្លែងកើតហេតុដែលពុំបានរងរបួសអ្វីដូចគ្នាដែរនោះ បានផ្លាស់ទី ទៅកាន់ កន្លែង មានសុវត្ថិភាព </span></p>
<p><span style="color: #000000;"><a class="thickbox" title="" href="/FileManager/Commons/2014/12/11/001-11-12-2014--08-57-41.jpg"><img src="/FileManager/Articles/mce/2014/12/11/001-11-12-2014--08-57-41.jpg" alt="" /></a><br /></span></p>
<p><span style="color: #000000;">យ៉ាងណាមិញ សារព័ត៌មានក្នុងស្រុក Nouvelle Republique បានដកស្រង់សម្តីសាក្សីឃើញហេតុការ ណ៍ផ្ទាល់ភ្នែក សាក្សីរស់មានឈ្មោះ Sebastien ពណ៌នាអោយដឹងថា វាពិតជាលាន់សន្ធឹកជាខ្លាំង នៅ ពេលធ្លាក់ និងមានភ្លើងឆាបឆេះយ៉ាងសន្ធោសន្ធៅថែមទៀតផង ។ </span></p>
<p><span style="color: #000000;">គួរបញ្ជាក់ថា សេចក្តីថ្លែងការណ៍ ពីរដ្ឋមន្រ្តីការពារជាតិ អោយដឹងថា ពួកគេមានជំនឿជាក់ ថាមានមនុ ស្សម្នាក់ស្លាប់បាត់បង់ជីវិត ខណៈ ៦ នាក់ទៀត រងរបួស ធ្ងន់ ស្រាល ។ បន្ថែមពីលើនេះប្រភពដដែល ពុំទាន់បញ្ជាក់បាននូវឡើយទេ ពីមូលហេតុធ្វើអោយយន្តហោះធ្លាក់ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>