<div class="short_intro txt_666">3310, គឺជាទូរស័ព្ទមួយម៉ូដែលដែលបានចាប់កំណើតឡើងតាំងពីឆ្នាំ ២០០០ ជាមួយនឹងចំនួននៃការ លក់ចេញបានជាង ១២៥លានគ្រឿង ពេលនេះវានឹងត្រូវបាន Nokia ធ្វើការអភិវឌ្ឍន៍ថ្មី ជាមួយនឹង ការបំពាក់នូវបច្ចេកវិទ្យាកាមេរ៉ាខ្ពស់។ </div>
<div class="short_intro txt_666"></div>
<p class="Normal">ផ្តោតទៅលើការឆ្លើយតបទៅនឹងភាពស្មោះស្ម័គ្ររបស់អ្នកប្រើប្រាស់ ជាមួយនឹងបណ្តាស៊េរីទូរស័ព្ទ របស់ Nokia ក្រុមហ៊ុនទូរស័ព្ទដៃហ្វាំងឡង់ នឹងធ្វើការបង្ហាញណែនាំកំពូលផលិតផលមួយគឺ Nokia 3310 PureView ដែលមានកាណុង Zeiss និងអំពូល Xenon flash ប្រើប្រព័ន្ធប្រតិបត្តិការ Windows 8 រួមជាមួយនឹងអេក្រង់ TouchScreen ទំហំ 3 inch តាមបច្ចេកវិទ្យា ClearDiamond។</p>
<p class="Normal">Nokia 3310 នឹងមានពណ៌ជាច្រើនដូចជា ពណ៌លឿង ខៀវ បៃតង និងក្រហម។ ស្មាតហ្វូនប្រើប្រាស់ interface LiveTiles និង App Folders ដំឡើងរួចជាស្រេច MS Office, Xbox Games, Outlook, ឃ្លាំងផ្ទុកឯកសារ OneDrive 7 GB មិនគិតថ្លៃ និងហ្គេមល្បីៗមួយសម័យកាលមួយចំនួនដូចជា Snake II, Pairs II, Space Impact និង Bantumi<span>។ ស្មាតហ្វូនបំពាក់នូវ Chip Dual Core, RAM 2 GB, មេម៉ូរីក្នុង 32 GB និងទម្ងន់ 133 g។</span></p>
<p class="Normal"><span><a class="thickbox" title="" href="/FileManager/Commons/2014/4/1/nokia-1472-1396338726-01-04-2014--19-40-26.jpg"><img src="/FileManager/Articles/mce/2014/4/1/nokia-1472-1396338726-01-04-2014--19-40-26.jpg" alt="" /></a><br /></span></p>
<p class="Normal">"ពួកយើង ពិតជាមានចិត្តសប្បាយរីករាយណាស់ ពេលដែលបានរកឃើញវិធីនាំយកនូវបណ្តាបច្ចេក វិទ្យាល្អៗ កំពុងពេញនិយម បំពាក់ក្នុងទូរស័ព្ទមួយ ក្នុងចំណោមទូរស័ព្ទមួយចំនួនទៀត ដែលទទួល បានជោគជ័យខ្លាំងបំផុតក្នុងប្រវត្តិសាស្រ្តរបស់ Nokia។ ជាមួយនឹងការរចនាម៉ូត ដ៏រឹងមាំ និងមានរូប រាងបែបបុរាណដូចនេះ មនុស្សជាច្រើននាក់ នឹងស្រឡាញ់ចូលចិត្តទូរស័ព្ទនេះ"។ <span>Juha Alakarhu ប្រធាន នាយកដ្ឋានរូបភាព Imaging Technologies របស់ Nokia, បាននិយាយបញ្ជាក់ឲ្យដឹង។</span></p>
<p class="Normal"><span>អានមកដល់ត្រឹមនេះ ប្រហែលជាមានប្រិយមិត្តមួយចំនួន អាចនឹងជឿថា Nokia ពិតជាកំពុងអភិវឌ្ឍ នូវម៉ូដែលទូរស័ព្ទដូច្នេះមែនហើយ។ តាមពិតទៅ នេះគ្រាន់តែជាល្បែងលេង ភូតកុហក់របស់ក្រុមហ៊ុន Nokia ក៏ដូចជាបណ្តាក្រុមហ៊ុន មួយចំនួនជាច្រើនទៀត នៅលើពិភពលោក លេងសើចភូតកុហក់ នៅក្នុង "ថ្ងៃនៃការភូតកុហក់ ០១ មេសា" តែប៉ុណ្ណោះ ពោលវាមិនមែនជាការពិតនោះទេ៕</span></p>
<p class="Normal"> </p>
<p class="Normal" style="text-align: right;">ប្រែសម្រួល៖ សិលា<br />ប្រភព៖ vexpress<span><br /></span></p>