<p><span style="color: #000000;"><strong>(បាត់ដំបង)៖</strong> មានការភ្ញាក់ផ្អើលមួយបានកើតឡើង ដោយសារប្រជាពលរដ្ឋដែលរស់នៅ ក្នុងឃុំស្តុកប្រវឹក ស្រុករុក្ខគីរី ខេត្តបាត់ដំបង បានប្រទះឃើញគ្រាប់បែកចម្បាំងដ៏ធំមួយ ប្រភេទ MK82US ទម្ងន់១៥០គីឡូក្រាម ដែលនៅសេសសល់ សម័យសង្រ្គាមមិនទាន់ផ្ទុះ នៅរសៀលថ្ងៃទី១១ ខែកុម្ភៈ ឆ្នាំ២០១៦។</span></p>
<p><span style="color: #000000;">តាមសមត្ថកិច្ចមូលដ្ឋានបានឲ្យដឹងថា គ្រាប់បែកចម្បាំងប្រភេទ MK82US ទម្ងន់១៥០ គីឡូក្រាមត្រូវប្រជាពលរដ្ឋប្រទះឃើញនេះ គឺជាប្រភេទគ្រាប់ទម្លាក់ពីលើយន្តហោះ កាលពីសម័យសង្គ្រាម នាទស្សវត្សរ៍ទី ៧០មកម្ល៉េះ ហើយសមត្ថកិច្ចបានបញ្ជាក់ថា សំណាងណាស់ល្អដែរ ដែលគ្រាប់បែកដ៏ធំមួយនេះមិនទាន់ផ្ទុះ ដោយសារការយល់ដឹង របស់ប្រជាពលរដ្ឋ និងបានរាយការណ៍ជូន សមត្ថកិច្ចបានទាន់ពេលវេលា បើមិនដូច្នេះទេ វាពិតជាបង្ករឲ្យផ្ទុះបាត់បង់ជីវិត ប្រជាពលរដ្ឋស្លាប់និងរបួសជាក់ជាមិនខាន។</span></p>
<p><span style="color: #000000;">ជាមួយគ្នានេះដែរ សមត្ថកិច្ចបានសូមអំពាវនាវដល់ ប្រជាពលរដ្ឋគ្រប់មជ្ឈដ្ឋាន មេត្តាចូលរួមជាមួយ សមត្ថកិច្ចគ្រប់ថ្នាក់ហើយត្រូវ រាយការណ៍ឲ្យទាន់ពេលវេលាមក អាជ្ញាធរក្នងមូលដ្ឋាន ដើម្បីអាជ្ញាធរមូលដ្ឋាន និងរាយការណ៍បន្តជួនទៅអង្គភាព (CMAC) ដើម្បីមកទទួលយក យុទ្ឋភណ័្ឌមិនទាន់ផ្ទុះ នេះទៅរក្សាទុកជៀសវាងទុកចោលនាំ បង្ករឲ្យមានការប៉ះពាល់ ដែលអាចបង្ករឲ្យមាន គ្រោះថ្នាក់ដល់ជីវិតមនុស្ស៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/12669639_1557185147929184_4119292697728476022_n.jpg?oh=a96830ae816eaf7ed5581693ab945b64&oe=5771BD9E" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>