<p><span style="color: #000000;">ព័ត៌មានអន្តរជាតិ ៖ ជនអន្តោប្រវេសន៍ ដែលរងនូវមន្ទិលសង្ស័យថាមានគម្រោង ក៏ដូចជា ផែនការ បំផ្ទុះគ្រាប់បែកអត្តឃាតវាយប្រហារ អាកាសយានដ្ឋានទីក្រុង Berlin នោះ បានធ្វើអត្តឃាតស្លាប់ បាត់បង់ជីវិតនៅក្នុងពន្ធនាគារ នាទីក្រុង Leipzig ប្រទេស អាល្លឹម៉ង់ ។ </span></p>
<p><span style="color: #000000;"><a class="thickbox" title="" href="/FileManager/Commons/2016/10/13/10-13-10-2016--09-21-23.jpg"><img src="/FileManager/Articles/mce/2016/10/13/10-13-10-2016--09-21-23.jpg" alt="" /></a><br /></span></p>
<p><span style="color: #000000;">ក្រសួងយុត្តិធម៌ ដែលមានទីតាំងនៅរដ្ឋ Saxony ឲ្យដឹងថា ជនសង្ស័យ Jaber al-Bakr ត្រូវបានប្រទះ ឃើញស្លាប់បាត់បង់ជីវិត នៅក្នុងបន្ទប់គុកដែលឃុំឃាំងរូបគេ ខណៈបច្ចុប្បន្នភាព អាជ្ញាធរពាក់ព័ន្ធ កំពុងតែធ្វើការស៊ើបអង្កេត ។ គួរបញ្ជាក់ថា ជនសង្ស័យដែលជាជនអន្តោប្រវេសន៍ស៊ីរីរូបនេះត្រូវបាន ក្រុមជនអន្តោប្រវេសន៍ ៣រូប ចាប់បាននិងប្រគល់ជូនសមត្ថកិច្ច កាលពីដើមសប្តាហ៍ ថ្ងៃច័ន្ទ បន្ទាប់ពី ជនសង្ស័យរត់គេចខ្លួនបាន ២ថ្ងៃ។ </span></p>
<p><span style="color: #000000;">គួរបញ្ជាក់ថា ប៉ូលីសអាល្លឹម៉ង់ តាមប្រមាញ់ជនសង្ស័យរូបនេះ អស់រយៈពេលជាច្រើនខែ ប៉ុន្តែ បរាជ័យ ក្នុងនោះ មានតាំងពីការឆ្មក់ចូលសំណង់អាគាររស់នៅរបស់ជនសង្ស័យជាដើម។ ចាប់តាំង ពីឃាត់ខ្លួនជនសង្ស័យបានសម្រេច Jaber al-Bakr ដែលមានវ័យ២២ ឆ្នាំ បានបង្អត់អាហារខ្លួនឯង នៅក្នុងគុក ខណៈរូបគេ ត្រូវបានឃ្លាំមើលជាពិសេស ពីសំណាក់មន្រ្តីមានសមត្ថកិច្ច ៕</span></p>
<p><br /><object width="480" height="380" data="http://www.youtube.com/v/FObf3QntcRw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/FObf3QntcRw&rel=1" /></object></p>
<p><span style="color: #000000;"><a class="thickbox" title="" href="/FileManager/Commons/2016/10/13/10a-13-10-2016--09-21-14.jpg"><img src="/FileManager/Articles/mce/2016/10/13/10a-13-10-2016--09-21-14.jpg" alt="" /></a></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>