<p><span style="color: #000000;"><strong style="line-height: 1.8;">(ភ្នំពេញ)៖</strong><span style="line-height: 1.8;"> ធនាគារជាតិនៃកម្ពុជា សហការជាមួយអង្គការ Good Return អូស្ត្រាលី បានដាក់ឱ្យដំណើរការនូវយុទ្ធនាការ «តោះ! និយាយពីលុយ» ក្នុងគោលបំណងជំរុញឱ្យមានការផ្លាស់ប្តូរឥរិយាបថ របស់អតិថិជនចំពោះការប្រើប្រាស់សេវាហិរញ្ញវត្ថុ និងដើម្បីពង្រឹងលទ្ធភាព របស់ប្រជាពលរដ្ឋ ក្រីក្រក្នុងការទទួលបានផលប្រយោជន៍ ផ្នែកសេដ្ឋកិច្ចពីការប្រើប្រាស់សេវាទាំងនោះ។ នេះបើយោតាមសេចក្តីប្រកាសព័ត៌មានរួមរបស់ ធនាគារជាតិនៃកម្ពុជា និងអង្គការ Good Return ទើបចេញផ្សាយនៅថ្ងៃទី១៧ ខែមីនានេះ។</span></span></p>
<p><span style="color: #000000;">យុទ្ធការនេះ បានដាក់ឲ្យដំណើរការនៅថ្ងៃទី១៦ ខែមីនាម្សិលមិញ ហើយគោលដៅចម្បងរបស់យុទ្ធនាការនេះ គឺសម្រាប់យុវជនដែលមានអាយុចាប់ពី១៥ទៅ៣០ឆ្នាំ នៅតាមទីក្រុង និងជនបទទូទាំងប្រទេសកម្ពុជា។ ខណៈដែលឥណទានអតិថិជន និងផលិតផលហិរញ្ញវត្ថុឌីជីថល កាន់តែមានភាពទូលំទូលាយ នៅក្នុងប្រទេសកម្ពុជា ហានិភ័យក៏កាន់តែខ្ពស់ ដោយយុវវ័យក៏ដូចជាប្រជាពលរដ្ឋក្រីក្រ ដែលជាក្រុមអតិថិជន មានបទពិសោធន៍តិចតួច និងងាយរងគ្រោះដោយសារវិបត្តិសេដ្ឋកិច្ច អាចទទួលរងផលប៉ះពាល់ ពីការជាប់បំណុលវ័ណ្ឌកករ ការជ្រើសរើសផលិតផល និងសេវាហិរញ្ញវត្ថុពុំត្រឹមត្រូវ និងការចាញ់បោកជនឱកាសនិយម ដែលផ្តល់កម្ចីក្រៅផ្លូវការ ដោយអត្រាការប្រាក់ខ្ពស់ហួសហេតុ។</span></p>
<p><span style="color: #000000;">សេចក្តីប្រកាសព័ត៌មានបានបញ្ចាក់ថា យុទ្ធនាការនេះមានរយៈពេល១២ សប្តាហ៍ និងត្រូវបានរៀបចំឡើង ដោយផ្អែកលើប្រធានបទ៤ រួមមាន៖ ការជ្រើសរើស ការប្រើប្រាស់ ការតថ្លៃ និងការប្រាស្រ័យទាក់ទង។ ម៉្យាងទៀត យុទ្ធនាការនេះក៏នឹងបង្ហាញ អំពីសារអប់រំមួយចំនួន នាំមកជាមួយនូវការលើកទឹកចិត្តឱ្យយុវវ័យ និយាយអំពីបញ្ហាលុយកាក់ជាមួយក្រុមគ្រួសារនិងមិត្តភក្កិរបស់ខ្លួន។</span></p>
<p><span style="color: #000000;">ជាមួយគ្នានេះ នៅក្នុងឱកាសសន្និសីទជាតិ ស្តីពីការអភិវឌ្ឍវិស័យមីក្រូហិរញ្ញវត្ថុនៅកម្ពុជា លោកស្រី នាវ ច័ន្ទថាណា ទេសាភិបាលរង នៃធនាគារជាតិនៃកម្ពុជា បានប្រកាសបើកឱ្យដំណើរការជាផ្លូវការនូវយុទ្ធនាការនេះ ព្រមទាំងបានថ្លែងផងដែរថា <strong>«ក្តីសង្ឃឹមយើងគឺថា ជាមួយនឹងចំណេះដឹងដែលយើងកំពុងផ្តល់ យុវជននឹងមានទំនុកចិត្តជាងមុន ក្នុងការសម្រេចចិត្តដ៏វៃឆ្លាត ទាក់ទងទៅនឹងលុយ នាពេល អនាគត។ យើងសង្ឃឹមថាយុទ្ធនាការដ៏សំខាន់មួយនេះ នឹងជាការបោះជំហានមួយទៅរក ការកសាងមួលដ្ឋានដ៏រឹងមាំ សម្រាប់ចំណេះដឹងខាងផ្នែកហិរញ្ញវត្ថុ និងការលើកកម្ពស់សិទ្ធិអ្នក ប្រើប្រាស់នៅកម្ពុជា»</strong>។</span></p>
<p><span style="color: #000000;">សារទាំងនេះត្រូវបានបង្កើតឡើង ក្នុងទម្រង់ជាច្រើនប្រភេទ និងត្រូវបានផ្សព្វផ្សាយតាមរយៈ ប្រព័ន្ធអនឡាញ សារ SMS ខិត្តប័ណ្ណ និងប្រព័ន្ធផ្សព្វផ្សាយ ព្រមទាំងមានវីដេអូមួយគឺជាខ្សែ រឿងដ៏គួរឱ្យចាប់អារម្មណ៍ ក្នុងចំណោមវីដេអូទាំង៦ ដែលធនាគាជាតិនៃកម្ពុជាបានសហការ រួមគ្នាបង្កើតជាមួយអង្គការ Good Return អូស្ត្រាលី។</span></p>
<p><span style="color: #000000;">លោក Guy Winship នាយកប្រតិបត្តិនៃអង្គការ Good Return អូស្ត្រាលី បានថ្លែងថា <strong>«យើងមានសេចក្តីសោមនស្សរីករាយ ជាអនេក ដែលបានសហការជាមួយធនាគារជាតិ នៃកម្ពុជា និងគាំទ្រការខិតខំប្រឹងប្រែងក្នុងការ ជំរុញឱ្យយុវជនកម្ពុជានិយាយអំពីលុយ ដែលអាចឱ្យពួកគេ ក៏ដូចជាក្រុមគ្រួសារ ធ្វើការ ជ្រើសរើសប្រើប្រាស់ និងទទួលបានអត្ថប្រយោជន៍យ៉ាងមានប្រសិទ្ធភាព»</strong>៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/freshnewsasia/videos/vb.199402103564922/524980364340426/?type=3"></div>
<div class="addtoany_container"><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/20220-2016-03-17-05-10-37.html" data-a2a-title="ធនាគារជាតិនៃកម្ពុជា និងអង្គការដៃគូ ដាក់ឲ្យដំណើរការយុទ្ធនាការ «តោះ! និយាយពីលុយ»"><span class="a2a_kit a2a_kit_size_32 addtoany_list" style="line-height: 32px;" data-a2a-url="http://www.freshnewsasia.com/index.php/en/20220-2016-03-17-05-10-37.html" data-a2a-title="ធនាគារជាតិនៃកម្ពុជា និងអង្គការដៃគូ ដាក់ឲ្យដំណើរការយុទ្ធនាការ «តោះ! និយាយពីលុយ»"> <a class="a2a_button_facebook" rel="nofollow" href="http://www.freshnewsasia.com/#facebook" target="_blank"></a><a class="a2a_dd" href="https://www.addtoany.com/share#url=http%3A%2F%2Fwww.freshnewsasia.com%2Findex.php%2Fen%2F20220-2016-03-17-05-10-37.html&title=%E1%9E%92%E1%9E%93%E1%9E%B6%E1%9E%82%E1%9E%B6%E1%9E%9A%E1%9E%87%E1%9E%B6%E1%9E%8F%E1%9E%B7%E1%9E%93%E1%9F%83%E1%9E%80%E1%9E%98%E1%9F%92%E1%9E%96%E1%9E%BB%E1%9E%87%E1%9E%B6%20%E1%9E%93%E1%9E%B7%E1%9E%84%E1%9E%A2%E1%9E%84%E1%9F%92%E1%9E%82%E1%9E%80%E1%9E%B6%E1%9E%9A%E1%9E%8A%E1%9F%83%E1%9E%82%E1%9E%BC%20%E1%9E%8A%E1%9E%B6%E1%9E%80%E1%9F%8B%E1%9E%B2%E1%9F%92%E1%9E%99%E1%9E%8A%E1%9F%86%E1%9E%8E%E1%9E%BE%E1%9E%9A%E1%9E%80%E1%9E%B6%E1%9E%9A%E1%9E%99%E1%9E%BB%E1%9E%91%E1%9F%92%E1%9E%92%E1%9E%93%E1%9E%B6%E1%9E%80%E1%9E%B6%E1%9E%9A%20%C2%AB%E1%9E%8F%E1%9F%84%E1%9F%87%21%20%E1%9E%93%E1%9E%B7%E1%9E%99%E1%9E%B6%E1%9E%99%E1%9E%96%E1%9E%B8%E1%9E%9B%E1%9E%BB%E1%9E%99%C2%BB&description=FRESH%20NEWS%20to%20your%20Mobile%20%26%20Desktop"></a></span></span>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/20220-2016-03-17-05-10-37.html" data-a2a-title="ធនាគារជាតិនៃកម្ពុជា និងអង្គការដៃគូ ដាក់ឲ្យដំណើរការយុទ្ធនាការ «តោះ! និយាយពីលុយ»"><a class="a2a_dd" href="https://www.addtoany.com/share#url=http%3A%2F%2Fwww.freshnewsasia.com%2Findex.php%2Fen%2F20220-2016-03-17-05-10-37.html&title=%E1%9E%92%E1%9E%93%E1%9E%B6%E1%9E%82%E1%9E%B6%E1%9E%9A%E1%9E%87%E1%9E%B6%E1%9E%8F%E1%9E%B7%E1%9E%93%E1%9F%83%E1%9E%80%E1%9E%98%E1%9F%92%E1%9E%96%E1%9E%BB%E1%9E%87%E1%9E%B6%20%E1%9E%93%E1%9E%B7%E1%9E%84%E1%9E%A2%E1%9E%84%E1%9F%92%E1%9E%82%E1%9E%80%E1%9E%B6%E1%9E%9A%E1%9E%8A%E1%9F%83%E1%9E%82%E1%9E%BC%20%E1%9E%8A%E1%9E%B6%E1%9E%80%E1%9F%8B%E1%9E%B2%E1%9F%92%E1%9E%99%E1%9E%8A%E1%9F%86%E1%9E%8E%E1%9E%BE%E1%9E%9A%E1%9E%80%E1%9E%B6%E1%9E%9A%E1%9E%99%E1%9E%BB%E1%9E%91%E1%9F%92%E1%9E%92%E1%9E%93%E1%9E%B6%E1%9E%80%E1%9E%B6%E1%9E%9A%20%C2%AB%E1%9E%8F%E1%9F%84%E1%9F%87%21%20%E1%9E%93%E1%9E%B7%E1%9E%99%E1%9E%B6%E1%9E%99%E1%9E%96%E1%9E%B8%E1%9E%9B%E1%9E%BB%E1%9E%99%C2%BB&description=FRESH%20NEWS%20to%20your%20Mobile%20%26%20Desktop"><span class="a2a_label" style="color: #000000;"><br class="a2a_label" /></span></a> </span></div>
<div id="system-message-container">
<div id="system-message"></div>
</div>
<div class="span9"></div>
<div class="custom">
<div><span style="color: #000000;"><a href="https://www.facebook.com/sreyrathtravelpage" target="_blank"> </a></span></div>
</div>