<div>
<p><span style="color: #000000;"><strong>(ប៉ារីស)៖</strong> អ្វីដែលប្រិយមិត្តទន្ទឹមរង់ចាំជិត៣ខែមកនេះ បានចាប់ផ្តើមឡើងវិញហើយនាម៉ោង ២៖៤៥នាទីរំលងអាធ្រាត្រ យប់នេះ (ម៉ោងនៅកម្ពុជា) ក្នុងជំនួបបើកឆាកក្រុម Paris Saint Germain ប៉ះក្រុមជើងឯកអង់គ្លេសតោខៀវ Chelsea បើកឆាក Chapions League វគ្គ១៦ក្រុម ជើងទី១ ។</span></p>
<p><span style="color: #000000;">ក្រុមជើងឯកបារាំង PSG កំពុងឡើងជើងខ្លាំងណាស់ក្នុងរដូវកាលនេះ ដោយឆ្លងកាត់ការប្រកួត៣៥ប្រកួតនាពេលកន្លងមកមិនដែលចាញ់សោះ អស់ណាស់ត្រឹមស្មើ ហើយកីឡាករ Angel De Maria, Cavani និង Zlatan Ibrahimovic ជាកីឡាករដែលគួរឲ្យខ្លាចនៅកីឡដ្ឋាន Stad de France ស្ថិតក្នុងទីក្រុងប៉ារីសយប់នេះ ។</span></p>
<p><span style="color: #000000;">បើនិយាយពីក្នុង Ligue 1 របស់បារាំងវិញ PSG បានកំពុងតែនាំមុខ២៤ពិន្ទុដាច់ គ្រាដែលក្រុម Monaco តាមពីក្រោយ មានតែ៤៦ពិន្ទុ និងក្រុម Nice ឈរនៅលេខ៣ បណ្តោះអាសន្នប្រចាំសប្តាហ៍ទី២៦មកនេះ ។</span></p>
<p><span style="color: #000000;">ងាកទៅមើលក្រុមតោខៀវ Chelsea កំពុងធ្លាក់ទម្រង់លេងជាខ្លាំង រហូតដល់បណ្តេញគ្រូបង្វឹកលោក Jose Mourinho ចេញពីតំណែងផងដែរ កាលពីចុងឆ្នាំ ២០១៥ផងដែរ ដោយអតីតគ្រូបង្វឹកលោក Guus Hiddink កំពុងដឹកនាំបណ្តោះ អាសន្នរហូតដល់បញ្ចប់រដូវកាលនេះ ។</span></p>
<p><span style="color: #000000;">គ្រូបង្វឹកជនជាតិហូឡង់លោក Hiddink បានដឹកនាំ Chelsea ពីលេខរៀងទី១៥ មកដល់លេខ១២ពេលបច្ចុប្បន្ន ដោយមាន៣៣ពិន្ទុ ហើយក៏ជា ក្រុមដែលទើបតែបំបាក់ក្រុមភ្ញៀវ Newcastle United ៥-១ ផងដែលពីថ្ងៃទី១៤ កុម្ភះ ក្នុង Premier League សប្តាហ៍ទី២៦ មុនធ្វើដំណើរទៅជួបក្រុមម្ចាស់ផ្ទះ PSG ៣រដូវកាលជាប់ៗគ្នា ក្នុង Champions League រំលងអាធ្រាត្រយប់នេះ គ្រាដែលម្ចាស់ផ្ទះ Benfica របស់ព័រទុយហ្គាល់ ទទួលភ្ញៀវ Zenit St. Petersburg របស់រុស្ស៊ីម៉ោងដូចគ្នាខាងលើដែរ ។</span></p>
<p><span style="color: #000000;">សូមបញ្ជាក់ដែរថា ក្នុងជំនួបក៏ក្តៅគគុកនោះដែរ ខ្សែការប្រធានក្រុម John Terry មិនបានទៅជួយ Chelsea នោះទេ ដោយសារតែបញ្ហារបួស សរសៃពួរជើងកាលពីសប្តាហ៍មុន នៅពេលដែលជួយក្រុមតោរកបាន៣ពិន្ទុនៅកីឡដ្ឋាន Old Trafford គ្រាដែលកីឡាករខ្សែបម្រើប្រយុទ្ធ Oscar អាចមកជួយក្រុមវិញបានហើយ បន្ទាប់ពីជាសះស្បើយពីរបួស ក្រលៀនរួចមក ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/15/22/313F297F00000578-0-image-a-141_1455576581202.jpg" alt="" width="730" /></span></p>
<p style="text-align: center;"><span style="color: #000000;"><img src="http://static.independent.co.uk/s3fs-public/styles/story_large/public/thumbnails/image/2015/02/17/21/chelsea-620.jpg" alt="" width="730" /></span></p>
<p style="text-align: center;"><span style="color: #000000;">រូបភាពកាលពីជួបគ្នានាពេលកន្លងមក</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>