<p><span style="color: #000000;">ព័ត៌មានអន្តរជាតិ ៖ តុលាការយោធា ប្រទេស ប៉ាគីស្ថាន សម្រេចផ្តន្ទាទោស ប្រហារ ជីវិត ទៅលើ ក្រុមបុរស ៦ នាក់ បន្ទាប់រងនូវការចោទប្រកាន់ ថាបានចូលដៃ ក្នុងការ វាយប្រហារ សម្លាប់រង្គាល ដោយក្រុម តាលីបង់ សម្លាប់ក្មេងៗជាសិស្ស សាលា ១៣៤ នាក់ នៅឯ សាលារៀន កងទ័ព មួយ កន្លែង ក្នុងទីក្រុង Peshawar នេះបើយោងតាមការគូសបញ្ជាក់ ដោយផ្ទាល់ ពីមន្រ្តីយោធា អំឡុង ថ្ងៃព្រហស្បត្តិ៍ម្សិលមិញនេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/14/31-14-08-2015--10-07-08.jpg"><img src="/FileManager/Articles/mce/2015/8/14/31-14-08-2015--10-07-08.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់អោយដឹងថា ដឺកាផ្តន្ទាទោស ប្រហារជីវិតលើកនេះត្រូវបានគេមើលឃើញថា ជាសេចក្តីសម្រេចចិត្តលើកដំបូង ពាក់ព័ន្ធទៅនឹងការចោទប្រកាន់ ការ វាយប្រហារ សម្លាប់រង្គាល អំឡុង ខែធ្នូ ចុងឆ្នាំកន្លងទៅ នៅភាគខាងជើង ឆៀង ខាងលិច ទីក្រុង បន្ទាប់ ពីអំឡុងខែ មករា សភាបានអនុម័ត អោយតុលាការយោធា ព្យាយាម បើកការស៊ើបអង្កេត ឈានទៅ ចោទប្រកាន់ ក្រុមសកម្មប្រយុទ្ធ ។ រដ្ឋាភិបាល មានបញ្ហាប្រឈមជាមួយនឹងជនស៊ីវិល ដែលមានភាពភ័យខ្លាច ក្នុងការចោទប្រកាន់ទោសស្លាប់ ទៅដល់ពួកគេ ។ យោងតាម សេចក្តីថ្លែងការណ៍ ពីយោធាអោយ ដឹងថា មុនពេលធ្វើសវនាការ នៃអង្គជុំនុំជម្រះ ជន ជាប់ ចោទទាំង ៦ នាក់ នេះ បានសារភាពនូវ ទោសកំហុស ។ "អ្នកទោសដែលរងការចោទប្រកាន់លើកនេះ ទទួលរងនូវការចោទប្រកាន់ ដោយ យុត្តិធម៌បំផុត បន្ទាប់ពីមានអង្គជុំនុំជម្រះផ្លូវការ តាមរយៈការផ្តល់នូវ ជំនួយផ្នែកច្បាប់ដល់ពួកគេ" ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>