<p><strong>ភ្នំពេញ៖</strong> តារាសម្តែង និងជាពិធីការិនីសិចស៊ី កញ្ញា គង់ វង្សយ៉ាទី បច្ចុប្បន្នត្រូវបានគេ មើលឃើញថា អាជីពសម្តែង និង ពិធីការិនីក្នុងស្រុករបស់នាង ហាក់មានយឺអ៊ុនខ្ពស់ ស្របពេលទីផ្សារចម្រៀង ចេញទៅក្រៅប្រទេស ហាក់ពុំទាន់មានហាងឆេង គួរឲ្យកត់សម្គាល់ ដូចតារាស្រីដទៃទៀតឡើយ ។</p>
<p>ជួបជាមួយគេហទំព័រ LookingTODAY តាមទូរស័ព្ទ កាលពីពេលថ្មីៗនេះ កញ្ញា គង់ វង្សយ៉ាទី បាននិយាយទាំងអារម្មណ៍ រីករាយឲ្យដឹងថា រាល់ថ្ងៃនេះសម្រាប់វិស័យសិល្បៈ ក្នុងស្រុក គឺនាងរវល់ ច្រើន គួរសម ទាំងការសម្តែងរឿង និង ធ្វើជាពិធីការិនី ក្នុងស្ថានីទូរទស្សន៍ ក៏ដូចជាកម្មវិធីកម្មផ្សេងៗ ។ ចំណែកការងារសិល្បៈ ចេញក្រៅទៅប្រទេស ក៏ មានអ្នកទាក់ទងច្រើនគួរសមដែរ តែនាងមិនទាន់ ហ៊ានទទួលយក ។</p>
<p>តារាសម្តែង និយមស្លៀកពាក់ បែបសម័យថ្មី សិចស៊ី នាង គង់ វង្សយ៉ាទី បាននិយាយបន្តថា "មានអី រវល់ច្រើនតើបង..! ការងារក្នុងស្រុក ទាំងសម្តែង និងកម្មវិធីទូរទស្សន៍ …! ហើយក៏មាន ខ្មែរនៅក្រៅ ប្រទេស បានទាក់ទងឲ្យចេញ ទៅសម្តែងដែរ ប៉ុន្តែខ្ញុំមិនទាន់ ហ៊ានឆ្លើយទេ...!" ។</p>
<p>កញ្ញា គង់ វង្សយ៉ាទី បានឲ្យដឹងទៀតថា "បើនិយាយទៅ ខ្ញុំមានហុងស៊ុយ គឺមានតែនៅក្នុងប្រទេស ប៉ុន្តែបើចេញទៅក្រៅស្រុក គឺមិនទាន់អាចចេញទៅរួចទេ ។ ម្យ៉ាទៀត ពុំទាន់មានចំណង់ចំណុល ចិត្តនៅឡើយទេ ។ ពេលនេះខ្ញុំ ក៏មានឱកាស សម្តែងរឿងនៅស្រុកខ្មែរច្រើនដែរ មិនចាំបាច់ចេញ ទៅសម្ដែង នៅក្រៅប្រទេសនោះទេ..!" ។</p>
<p>គង់ វង្សយ៉ាទី បានបញ្ជាក់ថា បច្ចុប្បន្នមានសមាគមន៍ខ្មែរ នៅក្រៅប្រទេសដូចជា អូស្ត្រាលី និងអាម៉េរិកបានទាក់ទងនាង ឲ្យចេញទៅសម្តែង និងច្រៀងនៅទីនោះ ប៉ុន្តែនាងមិនទាន់ហ៊ានចេញ ទៅដោយសារមិនទាន់ចេះ ច្រៀងស្ទាត់ជំនាញ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-140/hour-014.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-140/hour-015.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-140/hour-016.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/July/id-140/hour-017.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/32108-2014-07-08-10-41-37.html" target="_blank">ផ្តល់សិទ្ធដោយ ៖ ដើមអម្ពិល</a></p>