<p><strong>ភ្នំពេញ៖</strong>តារាចម្រៀងសំនៀង ក្រអួនក្រអៅកប់ក្នុងបេះដូង ស្រទាប់យុវវ័យ ប្រចាំផលិតកម្ម <br />ថោន មាស សុខសោភា ដែលមហាជនដឹងថា គ្មានតារាចម្រៀងមួយណា អាចបែងជើងផ្តួល<br />បាននៅក្នុង ពិភពសិល្បៈនោះ ស្រាប់តែថ្មីៗនេះ ត្រូវបានអ្នកនៅក្នុង ចង្កោមសិល្បៈដែលស្និទ្ធ<br />នឹងតារាចម្រៀងរបស់ ផលិតកម្ម ថោន បានបង្ហើបប្រាប់ Looking TODAY ថា ឥឡូវនេះតារា<br />ចម្រៀង ចាស់វស្សា មាស សុខសោភា កំពុង តែប្រើយុទ្ធសាស្រ្តថ្មី ដើម្បីទាញការគាំទ្រ ពី<br />សំណាក់មហាជន និងស្រទាប់យុវវ័យ ឲ្យកាន់តែខ្លាំង បន្ថែមទៀត ។</p>
<p>បើតាមប្រភពដដែល បានបង្ហើបប្រាប់ឲ្យដឹងថា មាស សុខសោភា បានចាប់ដៃគូជាមួយ កំពូល<br />តារាកំប្លែងប្រចាំ ស្ថានីយទូរទស្សន៍ ស៊ីធីអ៊ិន គឺនាយ ពែកមី ។ នៅក្នុងយុទ្ធសាស្ត្រថ្មី របស់ម្ចាស់<br />បទ "ស្តាប់ Ring Ring Tune បងអូនស្រក់ទឹកភ្នែក" នាង មាស សុខសោភា នាពេលនេះ គេអាច<br />និយាយបានថា ជាយុទ្ធសាស្ត្រថ្មីសម្រាប់ បំបែកទីផ្សារសិល្បៈ នៅក្នុងឆ្នាំ ២០១៣ នេះ ។ ខណៈ<br />ដែលតារា ចម្រៀង មាស សុខសោភា ចាប់ដៃគូច្រៀង ជាមួយនាយ ពែកមី នេះ ត្រូវបានអ្នក<br />តាមដាន សង្គមសិល្បៈមួយចំនួន គិតថា យុទ្ធសាស្ត្រថ្មីរបស់នាង ព្រោះគេដឹងថា នាយ ពែកមី<br /> គឺជាតារាកំប្លែងដ៏មាន ប្រជាប្រិយភាពខ្លាំង នៅក្នុងប្រទេសកម្ពុជា ។</p>
<p>ដូច្នេះការចាប់ដៃគូរវាង នាង មាស សុខសោភា និងនាយ ពែកមី អាចជម្រុញឲ្យ ប្រជាប្រិយភាព<br />របស់ មាស សុខសោភា ឡើងខ្ពស់ជាងនេះទៅទៀត ។ មិនតែប៉ុណ្ណោះ ប្រជាប្រិយភាពរបស់<br /> នាយ ពែកមី ក៏អាចឡើងខ្ពស់ ត្រដែតដូចគ្នា ក្នុងវិស័យចម្រៀង ព្រោះលោកបានចាប់ដៃគូ ច្រៀង<br />ជាមួយតារាចម្រៀងល្បី ឈ្មោះស្រាប់ ។ <span style="line-height: 1.8;">ចំពោះការចាប់ដៃគូនេះ បើតាមប្រភព ដែលបានប្រាប់<br />មក Looking TODAY បាននិយាយថា ការចាប់ដៃគូរវាងនាយ ពែកមី និង មាស សុខសោភា នេះ<br />គឺគ្រាន់តែចាប់ដៃគូ ច្រៀងសម្រាប់ត្រៀម ពិធីបុណ្យចូលឆ្នាំ ប្រពៃណីជាតិខ្មែរ ប៉ុណ្ណោះ ។</span></p>
<p>សូមបញ្ជាក់ថា កាលពីកន្លងទៅកំពូល តារាកំប្លែងប្រចាំស្ថានីយទូរទស្សន៍ ស៊ីធីអិន នាយ ពែកមី<br /> ធ្លាប់បានប្រាប់បណ្តាញ សារព័ត៌មានក្នុងស្រុកមួយ ចំនួនថា លោកពិតជា បានថតសំឡេងច្រៀង<br />ឲ្យផលិតកម្មថោន ពិតមែន ។ តែលោកមិនបានបង្ហើបថា បទចម្រៀងរបស់លោក ច្រៀងឆ្លងឆ្លើយ<br /> ជាមួយនរណានោះទេ ៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1715.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1716.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>