<p><span style="color: #000000;"><strong>(ចិន)៖</strong> ប៉ូលិសនៅខេត្ត Fujian ប្រទេសចិន បានចាប់ខ្លួនប្តីប្រពន្ធវ័យក្មេងពីរនាក់ បន្ទាប់ពីទទួលការរាយការណ៍ ពីបុរសម្នាក់ថា ពួកគេប្រកាសលក់កូន ដែលទើបនឹងកើត បានពីរសប្តាហ៍ប៉ុណ្ណោះ នៅលើបណ្តាញសង្គម។ ឪពុកទារកមានអាយុ១៩ឆ្នាំ ឈ្មោះ A Duan បានប្រាប់ប៉ូលិសថា ខ្លួនប្រកាសលក់កូន តាមអនឡាញ ក្នុងតម្លៃ ២៣.០០០យន់ ប្រហែលនឹង $3500 ហើយបុរសម្នាក់ ក៏បានឆ្លើយតបថា នឹងទិញក្មេង ដើម្បីយកទៅធ្វើជាអំណោយ ជូនប្អូនស្រី ដែលពុំមានកូននឹងគេ។</span></p>
<p><span style="color: #000000;">ចំណែកនារីជាម្តាយទារកវិញ ក៏មានអាយុ១៩ឆ្នាំដែរ ហើយនាងនិយាយថា នាងមិនដឹងការលក់កូន ជាទង្វើខុសច្បាប់ទេ ហើយនាងនិងប្តីក៏ពុំទាន់ចង់បានកូនដែរ ប៉ុន្តែវាមានដោយចៃដន្យ និងគ្មានលទ្ធភាពចិញ្ចឹម ទើបប្រកាសលក់បែបនេះ ម្យ៉ាងចង់បានប្រាក់ យកទៅទិញទូរស័ព្ទ iPhone និងម៉ូតូផង។ តុលាការបានកាត់ទោស Duan ជាឪពុកទារក ឲ្យជាប់ពន្ធនាគាររយៈពេល៣ឆ្នាំ។ រីឯនាង Xiao Mei ជាម្តាយទារករងការ កាត់ទោស២ឆ្នាំកន្លះ តែជាទោសព្យួរ នៅក្រៅឃុំព្រោះនាង ត្រូវនៅមើលថែទាំឪពុកម្តាយពិការ ទើបតុលាការបន្ធូរបន្ថយទោស៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/14/90-14-03-2016--15-43-49.jpg"><img src="/FileManager/Articles/mce/2016/3/14/90-14-03-2016--15-43-49.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>