<p><span style="color: #000000;"><strong>(ភ្នំពេញ)៖</strong> រយៈពេល៣ថ្ងៃ ចាប់ពីថ្ងៃទី២០ ដល់ថ្ងៃទី២២ ឧសភា ឆ្នាំ២០១៦ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ បានប្រារព្ធពិធីប្រកាសតែងតាំងមុខងារ និងបំពាក់ឋានន្តរស័ក្តិ ដល់កងកំលាំងអាវុធហត្ថទូទាំងរាជធានីភ្នំពេញ សរុបចំនួន៩០៩នាក់ ក្នុងនោះប្រកាសតែងតាំងមុខងារថ្មីចំនួន២៣នាក់ និងបំពាក់ឋានន្តរស័ក្តិចំនួន៨៨៦នាក់ ក្រោមអធិបតីភាព ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ។</span></p>
<p><span style="color: #000000;">នេះជាលើកទី១ហើយ សម្រាប់ប្រវត្តិសាស្ត្រ កងរាជអាវុធហត្ថរាជធានីភ្នំពេញ ដែលគេឃើញមានការប្រកាសមុខតំណែង និងបំពាក់ឋានន្តរសក្តិដល់នាយ នាយរងអាវុធហត្ថរបស់ខ្លួន យ៉ាងច្រើនដូច្នេះរហូតដល់ទៅ៩០៩នាក់ និងមានការបំពាក់សក្តិដោយផ្ទាល់ដល់គ្រប់ៗគ្នាផងដែរ ។</span></p>
<p><span style="color: #000000;">ឆ្លៀតក្នុងឱកាសនោះ ឧត្តមសេនីយ៍ឯក រ័ត្ន ស្រ៊ាង បានលើកឡើងថា ការរៀបចំឲ្យមានពិធីនេះឡើង គឺទទួលបានការអនុញ្ញាតពីនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ ជាមេបញ្ជាការកងរាជអាវុធហត្ថលើផ្ទៃប្រទេស ហើយការតែងតាំងមុខងារ និងបំពាក់ស័ក្តិនេះ គឺជាកិត្តិយសសម្រាប់ នាយ នាយរងអាវុធហត្ថគ្រប់រូបផង និងសម្រាប់ក្រុមគ្រួសារពួកគេផង ហើយកិត្តយសទាំងអស់នេះ គឺបានមកពីការខិតខំប្រឹងប្រែងរបស់នាយ នាយរងអាវុធហត្ថគ្រប់ៗគ្នា ពិសេសមានការគាំទ្រផ្តល់កម្លាំងចិត្ត ពីក្រុមគ្រួសាររបស់ពួកគេទាំងអស់គ្នា។</span></p>
<p><span style="color: #000000;">ជាមួយគ្នានេះ លោកឧត្តមសេនីយ៍ឯក បានសំណូមពរដល់នាយ នាយរង អាវុធហត្ថគ្រប់រូប សូមបន្តការប្រឹងប្រែង បំពេញការងារ ការពារសុខសន្តិភាព និងស្ថេរភាពនយោបាយ ជូនដល់ប្រទេសជាតិកម្ពុជា ក៏ដូចជាប្រជាពលរដ្ឋទូទៅ ជាពិសេស ត្រូវប្តេជ្ញា ការពាររាជរដ្ឋាភិបាលស្របច្បាប់ កុំឲ្យមានជនអគតិ មកបង្កចលាចល ញុះញង់បំផ្លិចបំផ្លាញ សុខសន្តិភាព ដែលយើងកំពុងមាន សព្វថ្ងៃនេះបានជាដាច់ខាត។</span></p>
<p><span style="color: #000000;">ជាចុងក្រោយឧត្តមសេនីយ៍ឯក រ័ត្ន ស្រ៊ាង បានផ្តាំផ្ញើដល់នាយ នាយរងអាវុធហត្ថទាំងអស់ ត្រូវយកចិត្តទុកដាក់ថែររក្សា អនាម័យ សុខភាព ផ្ទាល់ខ្លួនឲ្យបានល្អគ្រប់ៗគ្នា ដើម្បីអនាគតខ្លួនឯងនិងក្រុមគ្រួសារផងដែរ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/t31.0-8/13227623_1605995959714769_3799190043614993455_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13247806_1605995966381435_5569594805103028386_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13246315_1605995939714771_8127303351455854005_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpa1/t31.0-8/13244150_1605995829714782_7449156985128645282_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13221310_1605995819714783_7739193549310849942_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13235691_1605995826381449_1519466832424494884_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13246426_1605995629714802_4669374841667540126_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13254652_1605995633048135_1715206668495664581_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xlp1/t31.0-8/13247780_1605995626381469_3264740270072929521_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>